Day22 26/3/2011(六) 奇旺國家公園Chitwan D3
08:15 於酒店早餐
所謂嘅奇旺團Day 3,其實係食完早餐就要離開!
09:00 於旅遊巴士站搭長途車返加德滿都
12:40 於中途站休息+午餐
午餐?…..最後一包福字麵!
16:00 返到加德滿都, 雖然今晚唔再住Laxman嘅酒店,但係佢都應承派人來接我哋車!
Laxman仲借咗間房俾我哋梳洗及執行李
之後就盡地一舗去塔美區購物,務求將身上的Rs使晒佢!
19:30 之後去食晚餐
大家將剩咗嘅錢攞出嚟晒冷,車厘子用剩最少錢,大股東係小蔡!
先找咗個晚餐條數,剩咗嘅錢小蔡攞去買埋零食餅乾
最後晚餐,有錢剩,可以食豪d
呢個Nan好正!
Masala chicken都好好食!
唔記得咩蝦,但都記得好好食!
仲有個羊,都唔錯!
呢餐埋單Rs 2000 (HKD 220)咁多嘢食喎,味道又好,抵!(其實我只係出咗Rs 170)
20:30 返酒店攞返行李,跟老闆Laxman及職員道別後,搭的士Rs 400 (HKD 44) 去機場
21:00 到達機場
23:00 乘搭南方航空公司客機
去D23
Day21 25/3/2011(五) 奇旺國家公園Chitwan D2
07:00 於酒店食早餐
07:40 早餐後,導遊帶我哋搭車去探索森林,西班牙英文老師話無興趣,寧願瞓晏d喎!
07:50 到達森林區
不少得紀念品的擺賣
07:55 到達Rapti河邊
先住小船遊河睇動物
吓!乜唔係我哋自己一隻船咩!原來要同其他團一齊坐!真慳皮!
導遊話要靜d至可以睇到多d動物,否則會嚇走晒佢哋,點知前面班日本人講嘢好大聲,終於要導遊叫佢哋”Quiet”!
導遊發現動物踪跡後,會話我哋知!咦?情境似曾相識,呀!好似去南美時遊阿瑪遜河呀!
好靚的kingfisher雀仔
鱷魚—有兩種,一種係Marsh mugger,另一種係Fish eating Gharial
馬騮
人
08:30 上岸,進入森林,觀察各種地貌
及奇特的樹木生長
導遊叫我哋沿住旋轉樹紋爬上去,爬到呢度已經頂唔住!
跟住係導遊表演
如果好彩,又或者係唔好彩,可能會遇上其他動物,如鹿,野豬,犀牛,豹,老虎,熊等,所以導遊教定我哋各種逃生方法!
最終只一瞬間見到鹿經過!算係好彩吧!
有好多蟻竇
D蟻竇可以築到好高
09:55 往大象飼養中心參觀,西班牙英文老師來到join返我哋一齊參觀
twins
兩棵樹成為一體
水牛大遷徙?
格下價先!
10:35 跟住嘅節目係去同大象玩及幫佢沖涼
點知其實係我俾大象玩同埋佢幫我沖涼!不過真係好好玩!天氣好熱,一齊沖涼不知幾爽!
訓練員仲叫我企喺身添!
跟住用石頭同佢擦身,原來唔使用沐浴露架!
玩咗20分鐘左右,只需隨意俾小費訓練員便可!再買了一梳蕉Rs 50(HKD 5.5)給幫我沖涼的象象食!
11:05 成身濕晒,要行十幾分鐘先至可以返到酒店換衫,唔可以赤腳行,唯有用膠袋套住雙腳,先至著返對鞋行返酒店!
返到酒店後,梗係由頭洗到落腳啦!再休息一陣,12:30去餐廳食午餐
豬扒包
午餐後休息至15:00,再出去玩啦!
經過小鎮
15:30 呢個節目係去騎大象搵動物!
四人坐一象,加埋訓練員五個人,象象真係好力水!
咦?典解你一人坐一象?因為好似佢坐咗之後,已經無位俾其他人坐lu!
原來有團香港人喎!
行吓行吓,終於俾我哋最想見的犀牛,仲有佢嘅bb呀!
Zoom近d睇下先!
一發現犀牛影踪,導遊們即刻通風報信,幾十隻象帶住遊客來睇犀牛
我哋問導遊,d犀牛咁俾人圍,唔驚架咩?導遊遊話佢日日咁俾人睇,都慣晒囉!
除犀牛之外,仲見到孔雀
一隻lay埋咗唔知係咩嘢嘅動物
17:10 最後一齊影張合照啦!
搭車經過小鎮,去shopping一陣,再自己行返酒店
買咗幾隻木製犀牛留念
19:00 晚餐
今晚食雞扒
同西班牙英文老師一齊dinner,笑我哋雖然有英國護照,但係英文咁差!
去D22
