典雅的椅子

(4.10.06)完成啦!後期繡得比較慢,因要預備去旅行的各項事務!看來要旅行回來才拿去相裱!

今天開始繡這典雅的椅子,希望可以旅行出發前完成!

記事簿大晒冷

呢度係我咁多年o既記事簿,本本都記錄了我每日日理萬機的事情,好似日記咁,所以好珍貴,每一本都不可棄掉!

從90年開始用保險公司的記事簿,到買台灣”校園”出的,再到買”突破”出的(九年支持者),原來已經記錄了我十幾年的點點滴滴!

今年不用自己買了,因為企鵝怪已送了一本hello kitty記事簿給我!可以記錄07年的各項事務!

生日禮物

今年早了一個月,就收到企鵝怪送俾我o既生日禮物,是07年hello kitty記事簿加水份面膜!佢話下個月我去成個月旅行,生日時見唔倒我,咪早D送o羅!

企鵝怪同我從中一開始已經係同學,到現在做埋同事,已經好多好多年啦!關係已經昇華到另一階段!我會好好珍貴這段友誼!多謝晒企鵝怪!

921班聚會

今日係我o地o既媽咪同爹o地一年一度舊同學聚會,佢o地傾計傾得好開心,我o地玩得重開心!有隻雀仔趺落水…..被水沖去!

老師話….睇下你o地認唔認到我o地你邊個o既仔女?!

我叫樂琳,係家姐o黎o架!媽咪返工時要去人o地屋企o架!好辛苦呢!我要多D孝順媽咪先得!

我叫樂恆,現在歲半!上面果個係我家姐!我爹o地好叻o架!啱啱升咗職做主任,人o地叫佢做阿爺?!

我叫灝灝,今年三歲!我媽咪好靚女o架!所以我咪咁靚仔o羅!

我叫Peony,今年四歲,我同媽咪一樣,都係怕怕醜醜,細細粒粒!

我叫碩智,今年讀三年班,921聚會忠實fans!我媽咪靚靚又斯文,現在全職照顧我!錫晒媽咪!

我叫瑩瑩,今年兩歲,媽咪又係細細粒,人o地叫佢做貓仔,咁我咪貓女?!

穿珠公仔

以前穿過好多呢D水晶珠珠公仔,但係好多已經送給人無影相,呢D係倉底貨,最愛係傻豹!

Beautiful Garden

(21.9.06)終於繡完了,但未決定加上什麼文字呢!

(13.9.06)三星期的進度啊,希望下星期可以完成啦!

(7.9.2006)兩星期啦! 差不多繡了一半了! 要同自己打打氣呀!

(29.8.2006)一星期的進度!繡了四份之一啦!

 

繡花架

這便是我的繡架,十幾年前買的,  一set有三個長度—6吋,12吋及18吋, 及兩個濶度—6吋,8吋

可自行組成大小不同的繡架! 後期我買多一對長度20吋的來繡大一點的圖! 可惜遲D繡再大一點的圖時, 又不夠大了,現計劃再買一個廿七吋的!