10.3.2008 今天一早往築地市場食壽司
諗住唔係假期，都唔會咁多人啦！點知九點幾鐘一去到，就已經成大條人龍啦！下雨天，天氣只得十二，三度，未食壽司先食風！
隔離間大和壽司都唔輸蝕，人龍一樣長長！
等咗粒幾鐘，終於有得食啦！我地點了師傅的推介套餐，每人六千幾ｙｅｎ，不過真係物有所值！第一件係吞拿魚拖羅壽司，唔～～極品呀！
再來每一件都係鮮！鮮！鮮！
食完壽司再逛市場！每一樣食物都好吸引！
逛完市場，步行前往銀座，目的就係去買Blue Label啦!
購物完後,要坐低呌下先!在銀座嘆架啡,感覺係唔同D!
哈!哈!原來有D廁所係有流水聲的!真係攪嘢!
黃昏去了自由之丘行街街,晚上回池袋食牛肉鐵板燒,點了最上等的牛肉,果然寧舍不同,正呀!
再來一個泠麵,味道有點泰式食物呢!
9.3.2008 今天是星期日,所以去原宿感受一下日本年輕人潮流聖地的氣氛!
人山人海的竹下通
排隊買了一個好好味的香蕉+雪糕Pancake吃!
款式真是多啊!
熟手的製作pancake
還未夠飽,再買一個美味的漢堡包吃!
經過snoopy town,當然不會放過shopping啦!
往代代木公園,看見很很多穿奇裝異服,打扮出眾的年輕人!
不只年輕人,還有成年人呢!每一個都打扮成貓王的樣子!他們正在擺post給我影相呢!
還有很多樂隊在作娛人娛己的表演!
打扮出眾的年輕人在表演,但真的不知在表演什麼啊!
在頭髮上夾了十幾廿隻夾呢!
在代代木公園,有幾百個攤檔的二手市場,什麼都可以買得到,價錢低至幾百yen至十yen也有,真是一個尋寶樂園!
車厘子就買這了二頂各一百yen的帽子,而且舊價錢牌還未除下的呢!
公園外有很多小吃攤擋,車厘子吃了一個香噴噴的廣島燒餅呢!
離開原宿後,去了涉谷的Tokoyo Hands逛,然後吃了碗熱辣辣的豚肉拉麵!
再乘 JR 到新宿逛啦!去了百果園買了新鮮又解渴的士多啤梨串(200yen)及菠蘿串(100yen)吃!
新宿熱鬧的歌舞伎町
平日做嘢咁辛苦,獎勵自己的方法,梗係又要去下旅行,Shopping下送番D嘢俾自己啦!
8.3.2008早上10:35乘搭 JAL 往東京,機票+稅都唔平架!要$4130,加上日元強勢,每百日元兌7.5港元,你都咪話唔犀利,不過一D都唔影響我地去Shopping嘅心情&熱誠!
四小時後,已到達東京成田機場,隨即乘搭最平的京成特急列車(1000yen)往日暮里轉車!
一個多小時後,到達日暮里轉乘 JR山手線列車(160yen)往池袋!
由池袋車站,步行往貴美旅館,只要找對西口C6,再跟著地圖行,一點也不難找!不用五分鐘,可由C6出口到旅館呢!算很方便啦!
滿有和風Feel的貴美旅館,吸引很多老外也在這裡出入!而且房價合理,二人房一晚只需6500yen!
一入門口,便要脫鞋放入鞋架!
小客廳
小廚房
我們的二人房蹋蹋咪!
可以洗pat pat的座廁,沖廁時可在上面洗手,真方便!
洗澡的地方有和式風梠呢!爽呀!
晚上先醫肚,去了好似吉野家的松屋晚餐!要先自行購票的!
點了一個牛肉飯套餐,好好味呀!
之後當然開始我們Shopping之旅!先去池袋車站東口的年青人蒲點Parco百貨,再去東武百貨逛逛啦!最後去東武的超市買大減價的長腳蟹回旅館吃呢!
終於完成Country Doll課程啦!呢兩個係師範班的抱抱Ann and Andy!佢地係咪好cute cute呢?
側面睇一樣咁得意!
近鏡睇下,阿Andy背住Belinda呢!原來Belinda變了身做咗個BB呀!
再回顧一下之前的課程啦!高班作品—日本文化人型公仔—櫻子
中班作品—Sunny Girl,Sweet Girl,Country Girl
初班作品—Ann, Andy,Belinda
你地鍾意邊一個呢?
