車厘子小天地

2008年6月6日星期五

荷比盧之旅--day2

17.5.08(六) 呢位就係Leiden B&B好好人的老闆Mr.Bosch啦!每朝都會為我們預備新鮮熱辣的愛心早餐,而且還跟我們聊天,很感受到他辦B&B的熱誠!

你睇!熱辣辣o架!依家見到都好想食呀!

新鮮出爐的硬豬仔!!!

荷蘭人喜歡的脆麵包加朱古力碎,都好好味啊!

還有各款芝士,火腿,乳酪,雞蛋,鮮奶,橙汁…..嘩!D早餐放滿成張枱啦!

嘆完早餐後,便出發了!可惜今早一起床便見下微微雨了!打算早上去花展的,唯有改下午去,希望會好D天氣啦!所以上午留在Leiden觀光!Mr.Bosch借給我們每人一張的全年博物館証出場啦!我們首先去了國立古代史博物館,嘩!有mummy睇呀!

之後再去辛巴達之家,看一些由他以前從日本帶來荷蘭的物品!再去林布蘭故居,他是荷蘭有名的畫家,可與梵谷相題並論!

再去地標風車博物館

風車博物館可入內行樓梯上,參觀風車的內部結構!

因為使用博物館証,一個上午已省回€17.5啦!賺!!!

下午天色仍未放晴,但幸好雨勢減少很多了!都係要去花展架啦!因為花展舉行已經係最後兩日了!舉行花展的地方叫Keukenhof,每年只係於3月至五5月中的花季開放!由Leiden搭巴士去約半小時,來回車票加入場費€19

早餐吃得太飽了,所以兩點幾還未肚餓,但入場即見賣美味的窩夫,實在太吸引了!所以我同Vennes兩人share了一個來吃,點解share?因為貴嘛!要€4一個呀!!!

嘩!嘩!嘩!鬱金香花海呀!仲要有風車做背景!車厘子真係叻啦!影到D咁靚的相…..但係….Mud D鬱金香唔係以經全收割了嗎?當日不是陰天的嗎?….哎呀!穿崩啦!

其實呢張相….係車厘子影商店裡的名信片得o黎o架!!!嘻!嘻!無法啦!因為花季已去到尾聲,已再見唔倒咁嘅景象,咪影住呢幅滿足下自己啦!

你睇,實況就係咁啦!真慘不忍睹!而且大會更徹底地將淍謝了的花割了下來!所以我們見到的花就更少啦!

以下影的,算係最靚o架啦!無法啦!靚相機及技術都欠奉,係咁上下o架啦!

室外的花少,好在有幾個室內的大花場給參觀!呢度D花真係好靚!

左邊的鬱金香好特別呢!

展示好多插花的技巧!

黃色百合

火百合

逛下逛下,都逛了三粒幾鐘啦!六點幾搭車回Leiden晚餐!唔知係唔係今日被雨揼親,車厘子飲飲下湯,覺得好唔妥,跟住走了出去嘔啊!

好在嘔完就無事,但係人就好倦及無胃口囉!

主菜食煎魚及雜扒,味道一般

甜品係紅莓雪芭,都好好食!

食完即返歸休息!是晚晚餐盛謂€38!

2008年6月5日星期四

荷比盧之旅--day1

16/5/08(五)終於起程啦!晨早約了Vennes在機場等,於10:15乘搭荷航KL888班機(機票連稅HKD6294),飛十二粒鐘去荷蘭啦!

Ann and Andy又有得去遊山玩水啦!佢地不知幾興奮!

搭長途機最開心的時候,就是空中小姐問:ice-cream or cup noodle?點知Ann and Andy話:may we have both of it?結果是開心x2啦!

16:25到達荷蘭史基浦機場Airport Schiphol,隨即先往火車站valid張荷比盧火車証!張証是在香港買的,可使用五天,HKD1523,因為要過境,旅行社職員說單程車票應該會好貴,所以要買火車証,但後來發現原來笨了,五日最貴的車票加起來也不用HKD1523呢!

最衰係網上Check唔到過境車票的價格啊!想買荷比盧火車証的朋友,要三思呀!

跟住買火車票往我們在荷蘭的第一站—-萊登Leiden(音拉燉)!原來於荷蘭在櫃台買火車票,會收5%手續費的,所以我地一於在售票機買啦!但要先唱定銀幣,因售票機是不接受紙幣的!

二十分鐘左右,已到了Leiden,車厘子致電B&B的老闆Mr.Bosch,他隨即開車來接我們啊!真是好好人!如果步行往B&B,要二十分鐘左右!因為價錢問題,近車站的住宿很貴啊!唯有Book一間較遠一點的啦!不過Leiden的景色非常優美,沿途散步也很不錯啊!

就是角位呢一間啦!我們入住的第一間B&B—Bed and breakfast aan de Haven in Leiden €65/Room(住了四晚) 老闆Mr.Bosch是一位畫家,地鋪是他賣畫的地方!他很好人,隨和,每朝早餐時間會跟我們聊天,感覺他很有heart的去辦這家B&B!感意外的,就是他借出私人的全年博物館証給我們,令我們首四天的博物館入場費也省了不少啦!