哈!哈!哈!實在太好玩啦!所以一做,同一紙樣做咗六個四片口金啦!脹卜卜的,好可愛啊!愈做愈快,由裁布至完成,半車半縫,只需三粒半鐘!
各位觀眾!請細心欣賞下啦!
口金7號—好鍾意呢一幅布呢!係護士小天使呀!!
背面的護士公仔係唔一樣o架 ~~~
側面睇, 一樣咁靚!!!
裡布係好搶眼的點點橙布,I like it!
第一次做四片口金,底部交匯點有改善空間呀!
口金8號—可愛貓貓
背面都係唔同o架!一面係粉紅貓貓,一面係黑色貓貓,一樣咁得意!
側面睇!
入面都係可愛的貓貓布呀!
第二次做四片底部,成功啦!
口金9號—笑口青蛙,見到呢幅布,真係覺得好得意呀!!!
側面睇!
裡布都係青蛙仔喎!
底部愈做愈好啦!
口金10號—俄羅斯娃娃,一樣係好好好鍾意呀!
背面係莫斯科的聖巴素大教堂呢!
側面睇,睇真d,掛有一個車厘子呀!當然啦!車厘子做o架嘛!
裡布一d都唔馬虎, 都係可愛嘅俄羅斯娃娃呀!
底部都算ok啦!
口金11號—再來另一款俄羅斯娃娃,雖然係灰色底,但係襯起紅色點點布,都好搶眼!
側面睇!
入面都係俄羅斯娃娃!
底部唔錯啩!
口金12號—又另一款俄羅斯娃娃!三款都咁靚!
側面睇!
裡布,一樣啦!襯起一套嘛!
底部,呢次有d失手,d線鬆咗少少!
一齊來張合照啦!睇下你又最鍾意邊一個?
有幾大個?放喺隻手度睇下咪知囉!
