尋晚朋友生日,同佢攪咗個Surprise Birthday Party,叫埋成班friend共15人,在中環的東歐餐廳 Ivan the Kozak食俄羅斯菜!事前佢唔知有咁多人同佢慶祝架!所以佢一見到咁多人,咪好鬼感動囉!不過仲爭我地幾滴眼淚!!!
Book餐廳時已經叫老闆Ivan安排歌手七點向主角出現時唱生日歌,不過老闆話歌手係返八點,但最終都安排咗佢提早返工,真係唔話得! 後來才知道原來歌手都係尋日生日呢!
歌手送上俄羅斯版birthday song!
餐廳氣氛很好,15人坐位連成一排
因為尋晚太多人,食品未能趕及拍攝,已被人瓜分食物了!盡人士影了一點,如果想睇其他食物相,自己去開飯喇睇啦!
俄羅斯羅宋湯
沙律
最正就係呢隻火焰乳豬,要早兩日預訂的!開頭驚一隻豬唔咁多人分,想訂多一隻,好在老闆話應該夠食,結果一隻都食唔晒!
入面釀咗味飯架!
生日當然唔少得蛋糕啦!
仲有花呀!
餐廳特備節目,就係老闆帶隊參觀冰凍酒房,重請每人飲一杯Vodka !
呢三支都係酒黎架!
每處布置都非常有東歐色彩!
終於的起心肝完成呢個俄羅斯袋袋啦!好開心呀!五月尾去俄羅斯旅行,可以帶去用啦!!!
方法係跟住網友Ping的教法做的!唔該晒呀!真係好易做呢!你都試下啦!
先預備布布,我以紅色水玉布夾在俄羅斯布中間,以作底部!俄羅斯布50cm x 20cm x 2幅,水玉布 50cm x 34cm x 1幅(1cm紙口),縫好後共 50cm x 70cm
再夾薄襯及鋪棉,壓線
背面
再預備相同Size作裡布,先開一裡袋
開好裡袋
將底面布結合,以6cm x 50cm x 2條 的布條滾邊,包邊於布的兩端,再上拉鏈
預備鋪綿50 cm x 10cm x 2幅,以作手挽內綿
以7 cm x 60cm x2條 的布條,滾邊,再包上棉條
先車上手挽(因不想連裡布一起車)
做完發現手挽的布太薄了,雖然車了兩次口字加交叉,但都是擔心不夠食力!下次要加薄襯應該會好D!
裡面睇
預備布條6cm x 45cm x 4條滾邊, 車縫於袋的四角 及4cm x 4cm 布x2幅滾邊作小耳朵,車縫於袋的中央兩邊
反轉於裡面車縫兩邊
再包邊,咁就完成啦!跟住係變身的時候….
反轉回正面的樣子
入件外套先,車厘媽話似個枕頭喎!
側面兩邊綁好蝴蝶結
裡布一樣咁靚靚!但係個底比較軟
於是用布包起塊硬咭紙做底(無晒水玉布,用格仔布啦!)
大功告成!袋身長32cm,闊15cm,高24cm
歡迎大家俾下意見啦!
側面睇
<後記>
話說對手挽做得太軟了,怕受力點很快便會穿破不能補夠,於是…..
大工程都係咁話,一於拆咗佢加薄襯再車過!
因為要打雙車,但手挽唔夠長,於是要…駁長佢!
真係”廷”好多!
今次夠穩陣了!
"廷"到識得自己企喺度!
