17.9.09 克羅地亞—Zagreb —> Samobor —> Zagreb
火車上一夜好眠,06:50 火車到達克羅地亞首都Zagreb
打算往火車站附近的 Evistas Apartment Check in,點知office未開門,睇真d張網上預約紙,原來真係有寫明office hour係09:00先開門!
咁唯有去附近的coffee shop坐低食早餐啦!點知coffee shop真係只得coffee飲,係無早餐食架!
於是派小高代表去隔離的小超市買冬甩及果汁,車厘子則叫了一杯咖啡,就咁坐到08:45,其實今朝好感動,因為旅程中,終於可以正式出街坐低食早餐,唔使食通粉,公仔麵啦!
08:45回到Evistas Apartment,職員到09:15才出現!遲到!
原來入面只是office(所以有office hour!),我哋住的地方,係隔離座Building,但係仲未到check in 時間,只好先交錢,放低行李,今晚office收工前回來取鎖匙及行李check in!雙人房連套廁不包早餐€48.25/room
Apartment地點甚佳,由火車站步行約三分鐘!價錢以同區相比,算是便宜!衛生良好,新裝修,只是房間比較細小!值得推介!
10:00 於火車站對面乘電車(5mins)往Zagreb中心Trg bana Josipa Jelacica廣場!市中心的循環線電車,是全時間免費乘搭的,又幾盞喎!
Zagreb中心Trg bana Josipa Jelacica廣場
跟住地圖的路線,走市內景點,其間經過一檔栗一燒,小高話想試下,我話燒到到咁乾,一定唔好食架喎!小高話呢d係當地人嘅小吃,要一試,而且唔試下,點話俾人聽真係唔好食呢?就係咁,我哋就買咗一碌兩份分!
原來係要加鹽食的!第一次食咸栗米!食完之後,依家可以話得你知,真係好乾,唔好食的!
聖母升天大教堂,建於十一世紀,哥德式建築,教堂被一座十六世紀的主教宮三面圍著!
教堂前的金色天使柱!
再經過車厘子很喜歡的露天市場,有各式各樣的蔬菜,花卉,乾貨擺買!
仲有一個魚市場,真想d返去Apartment今晚煮,好可惜個Apartment係無廚房架!
新鮮!
新鮮!
新鮮!
新鮮!
呢條街d屋好有色彩,兩旁食肆臨立!
12:40 開始肚餓,見到人哋食嘢,都好想坐低食!今日中午可唔可以唔食乾糧呀?
終於都係錫下自己,於一條斜路上的餐廳上午餐!
點咗三文魚闊條麵
同埋海鮮意粉,點解兩碟d味道咁似嘅?味道太令人失望了! 埋單 62kn/2p (HKD 97),一分錢,一分貨吧!
13:20 到達卡米尼達拱門,傳說於1731年,在全城大火後的灰燼中,在拱門此處尋得一幅聖母像,現成為朝拜聖地!
聖母像在鐵閘入面
13:23 聖馬克教堂,建於十三世紀,而七彩繽紛的瓦頂,是十九世紀改建時舖設的,可說是克羅地亞最美麗的教堂!不過當日未能入內參觀!
教堂旁是國會大樓及首長宮!
13:40 登上洛斯卡克塔10kn,是一座用作保衛城門的瞭望塔!
在此塔欣賞Zagreb的景色最理想!
遠眺聖馬克教堂!
跟住去間好出名的雪糕店食雪糕 6kn/p HKD9.4
首都Zagreb景點很少,半日已可行完,14:30 乘電車往長途巴士站,因長途巴士站不屬於市中心內,所以搭電車係要俾錢的,但係我哋上咗車後才知道要在報紙檔先買車票,結果搭咗一程霸王車!
14:55 乘巴士往小鎮Samobor 25kn (HKD 39)50mins
到達後發覺有好多栗子樹(其後好多地方都見到)
咁大個女第一次見栗子樹,覺得好新奇,這是果子成熟的時候,栗子一地都係,覺得很浪費!
Samobor小鎮很寧靜,以半日來走走也不錯!
好有瑞士feel
這裡的屋不是間間都有傳統的橙紅屋頂,很多的建築都很美麗,當日正幻想屋內的主人出來邀請我哋入屋飲杯茶,食個包……
按著旅遊書的介紹,依山路上去一個荒廢了的堡壘
行呀行……
行呀行…..
行咗半小時左右,終於上到了堡壘,沒人管理,不用收費!
風景不算很美麗,但有好舒服的感覺!
17:15回廣場
找到呢間出名賣蜂蜜的店,不過可惜剛關門了!
17:30 坐低吃又係好出名的蜂蜜蛋糕
15kn/2p (HKD 24)
18:15 乘巴士回Zagreb 25kn (50mins),再轉電車8kn 回Apartment的Office,取回行李及鎖匙,往鄰座的Apartment!
再講一次啦!
雙人房連套廁不包早餐€48.25/room
Apartment地點甚佳,由火車站步行約三分鐘!價錢以同區相比,算是便宜!衛生良好,新裝修,只是房間比較細小!值得推介!
安頓行李後,乘免費電車往市中心晚餐!
Restaurant Kaptolska Klet 160kn/2p (HKD 250) 侍應態度很差,不值推介!
好咸的Beef soup
唔好食的Risotto with seafood
無驚喜的Char-grilled squid
