南美遊-智利Day 3

1/11/10(一)  智利—聖地牙哥Santiago—>瓦爾帕萊索Valparaiso—>聖地牙哥

07:30 於Hostal早餐(房費包)

今日往瓦爾帕萊索Valparaiso(音-話啦怕衣su),聽聞治安麻麻,所以將D Cash同Credit card收埋佢先!

08:30 往Valparaiso的旅遊車到Hostal接我們

參加的是Turistik公司的Valparaiso & Vina Del Mar Full day tour

34000 CLP(HKD 557)/P(網頁上價錢無咁貴,好大機會係俾Hostal食價)

兩小時後,到達Valparaiso.這港口城市位於聖地牙哥的西北面,五顏六色的房屋依山而建擠成一堆,而且牆壁上有好多塗鴉,很有其獨特文化色彩,因此已被列入世界遺產!

不過好可惜天氣唔好,影d相出嚟唔係咁靚!

11:00下車後,導遊帶領我們步行遊覽這個特色社區,感覺很安全.

12:00自費乘搭著名纜車下山100 CLP,纜車軌很短,不用一分鐘已到步.

12:15 Plaza Sotomayor

廣場上正在展示成功救回多個被困礦工的工具,多人在排隊影相!

再上旅遊車,12:50到達有一花鐘的地方給拍照.

打電話回Hostal問我哋d行李到未,職員話仲未到,我哋開始好担心,要計劃一下大家要節約影相,因大家的相機叉電器都在行李內!

13:00 導遊帶我哋去一間海邊餐廳午餐,不過係自費的,因為團友眾多,又因餐廳職員效率太慢,所以我哋終於等咗個半鐘先至有得食!

14:30 我哋叫咗四個魚餐,Share一齊食,有Seabas fish, Butterfly fish,Salmon及Imperial sword fish,味道唔錯,埋單連飲品56200 CLP(HKD 921)/4P都幾貴架!不過我哋會實行餐貧餐富的政策,就可以控制開支啦!

15:00 離開餐廳,旅遊巴再駛往Vina Del Mar比尼亞德爾馬,亦稱為”花園城市”,有好多豪宅及大廈,是一個海灘渡假地方,不過只有半小時在此逛下,所以沒有時間游水!

15:40 乘旅遊巴離開,五點前再打電話去航空公司問清楚行李去向,原來佢話d行李已經到咗,成個人即刻安落晒!

今日的旅行團,值不值得參加真的見人見智,本人覺得團費偏貴34000 CLP(HKD 555)/P,但勝在有導遊講解及較安全,交通方便!

自己搭車去也可以,車費較平,不過要轉車去公車站,而且治安較差,聽聞常有搶劫案發生,自由行要take risk!

19:00回到Hostal,見到d行李已放在客廳外,與它重逢,仿如隔世,情景令人十分感動.

之後大家都忙於執行李去復活節島,加上大家都不覺肚餓,所以晚餐又可省回,食餅乾填肚!

Netbook終於可上Wifi,好開心!

明天出發往復活節島,於Hostal叫職員幫我哋book架的士去機場,點知……

去Day 4

南美遊-智利Day 2

31/10/10(日) 智利—聖地牙哥Santiago

由邁阿美飛往智利的聖地牙哥,需8小時,比邁阿美又快1hr,所以係當地時間08:30,即係慢香港11小時!由香港到智利,全程需時36粒鐘,對自己來講真係一個創舉!

順利出關,不過壞消息即到,我哋四人嘅行李一D影踪都無,天呀!出師不利!唯有辦手續登記啦!航空公司職員話搵返D行李後,應該可以聽日中午時份送到去我哋住果間Hostal,應該?遲咗咁點先?再遲一日我哋飛去Easter Island啦喎!職員俾咗個網址及電話我哋,叫我哋聽日自己再check,咁就打發我哋走啦!我哋諗,D行李九成九仍然留在邁阿美,趕唔切轉機啦!唯有寄望聽日有好消息!

跟住再於機場兌換智利,兌換價當然不及市內抵,但係今明兩日都係公眾假期,所以穩陣起見,都係唱多小小先!

平均兌換價Peso, 1 US=472 CLP, 1HKD=61CLP, 1 US=HKD7.77

打算去的士櫃枱購票入市區,點知先俾個舉牌人兜截,問要不要的士,問下價,要15000 CLP,講價至12,000 CLP(HKD197)即成,而且架車都幾唔錯喎!

11:00 15分鐘後,已到達市中心的Hostal Santa Lucia!地點方便,價錢ok,房間清潔,職員友善,懂英語,值得推介!

有電腦上網及Wifi服務

客廳

原本於網上先book咗兩間雙人套房(27000 CLP/room),點知佢俾咗其中一間係有四張床的,間房都ok大,咦?咁不如四個人一間房仲抵啦!即時轉軚,四人一房共US 60.7/room/Night,共住三晚,四人共可省回HKD 1200呀,夠俾陣間果餐埋單有餘!

於Hostal報了明天去瓦爾帕萊索Valparaiso的day tour,34000 CLP(HKD 557)/P,因為聽聞此地治安較差,為安全計,都係跟團好D!

13:10 安頓好後,正式開始行程啦,但居然係先去買手信,係!無錯,因為呢個”聖盧西亞手工藝中心Centro Artesanal Santa Lucia”近我哋間Hostal,而且聽聞價值比較相宜,但營業時間至17:00,所以要先去!

必買的摩艾像!聽聞復活節島上買要貴很多架!(後期印証,都唔係相差好遠啫,只要你識講價!)

車厘子的戰利品

"聖盧西亞手工藝中心"位於"聖盧西亞山公園”對面

購物完後,搭的士2300CLP(HKD38)往中央市場Mercado Central開餐!

入面非常熱鬧,有食市,賣紀念品檔,同埋魚市場;有表演跳舞的人,有彈吉他唱歌的人,仲有好多拉客的人,叫你去幫襯他的食市!

我哋選擇咗最多人同最大間的Augusto餐廳

叫咗隻細嘅皇帝蟹,原價49800 CLP,講價至40000 CLP(HKD 656)

表演開蟹 [youtube http://www.youtube.com/watch?v=0dvhyzqd6vw&fs=1&hl=en_US]

味道唔錯,咁遠嚟到都要試下,不過我都係覺得日本長腳蟹好食d!

足料海鮮湯

埋單共60000 CLP(HKD 984)/4人,價錢OK,始終係海鮮蟹餐嘛!

食完蟹餐之後,原本打算行落去武器廣場,點知原來Central Market外有一間大型超市,不如先買定去Easter Island嘅糧餉啦!一於咁話,買完食物後,再搭的士回Hostal 2600 CLP.

返到Hostal, 一掂到張床就大件事,大家都唔願再郁,終於一齊休息到18:00再出外!

18:00 步行無幾遠就搵到大腿咖啡店,好彩仲未關門,叫咗杯moka 咖啡950CLP,都幾好飲,不過醉翁之意不在咖啡,而係—-女侍應的大腿囉!要感受一下當地文化,到此一遊是不錯的選擇!

之後係咁咦都要去一去d”景點”—憲法廣場,國會大廈,總統府,前國會大廈,審判法庭,美術館等

最後就是武器廣場Plaza de Armas.

今日是萬聖節,所以武器廣場上特別熱鬧,有很多化了妝的小鬼來討糖吃!

武器廣場上的大教堂,正在舉行儀式,但仍開放給遊人參觀!

20:00是日觀光完畢,大家都不覺得肚餓,所以都係唔食晚餐,早d返Hostal休息!回Hostal後吃了小小餅乾!行李不在,非常不方便,連睡衣都無,激死!希望聽日會收到行李啦,如果唔係真係超唔方便呀!

去Day 3

南美遊-智利Day 1

30/10/10(六)

出發啦!今朝早機,所以晨早5點半就要出門!但係因為要執行李,所以成晚都未瞓過!

今次的旅程共五星期37天,旅伴有小高,小蔡及小陳,當然重有Ann and Andy!不過小陳因事要三個半星期就要走先!

06:30於機場會合團友後便check in! 車厘子行李共三件,寄倉喼重20.5KG,大背嚢重9.4KG,小背嚢重4.9KG,合共34.8KG,好似好誇張喎….未算,小高的行李重重過我呀!

開始我哋嘅漫長飛機旅程!第一程機係搭東方航空,08:30起飛,兩小時後到達上海轉機!

今次帶咗部Netbook在身,方便隨時上網,不過在上海機場用唔倒wifi,都唔知係我部Netbook有問題,定係Wifi有問題!

下一站都係搭東方航空,飛去美國落杉磯!因為飛機D衛生未搞好喎,所以遲咗一小時至登機,14:30起飛,座位上無獨立電視,要睇阿公,上映”孔子”,太悶啦,及”Toy Story 2”,太out啦!車厘子都係倒頭大睡,好瞓到阿媽都唔認得!

機程十粒鐘多D,LA慢香港15粒鐘,所以飛咗咁耐,重係30/10 09:50,賺咗啦!

認返行李之後,隨即去隔離Terminal的American airline辦登機手績及寄行李,因為已作部份網上check in,所以手續簡單D!

以為出入美國境好麻煩,又話會翻衣倒”弄”,又話會Check手提電腦資料,點知唔係喎,一切都好順利,連netbook都唔使拎出嚟,梗係啦,睇樣架嘛!

知道下一程飛機係無餐食的,所以坐低醫定肚先,去咗Starbucks叫咗個牛角包食,要US 2.85,唔貴,小高於Burger King叫咗個餐仲貴呀,要US 10!

於機場又上唔倒Wifi.開始担心真係我部netbook出問題!

15:00(LA時間)起飛,飛往邁阿美,機程4hr 40min!時差又快返三小時,即係當地時間22:40.因為飛機delay咗小小時間,所以落機之後好似Amazing race咁九秒九跑去轉機,人就趕得切,唔知D行李趕唔趕得切呢?

23:35 再上機(American airline),飛往智利的聖地牙哥!

機上欣賞晨光第一線

美麗的雲海

去Day 2

南美遊後感

 車厘子已由南美回來啦!行程順利,大致上都係跟住之前set的行程走!南美(智利,玻利維亞,秘魯)無想像中咁危險,周到都係遊客,人多時小心財物便可!當地人好友善!

用Lan Chile版面買的機票,可以順利上機,並無再check你係唔你智利人!去到一個只講西班牙文的友善夫婦家homestay(US 100/day/2 twins room ensuite),雞同鴨講都幾搞笑,仲車我哋遊島兩日(US100/day/4 per),價錢我覺得好合理!見到島上的傳說中的摩艾像好感動!
 
參加Atacama的Uyuni salt flat tour好好玩,景色好靚,不枉咁貴申請BNO過境往玻利維亞!過境過程順利,可能係跟團去好一點,關員見到護照後,只重覆問了三次Chino?Chino?Chino?我答British!British!British!便順利過關,其後朋友沒有發問,便齊齊順利過境了!比想像中順利!
去到高地有頭痛氣促情況,不過放慢動作,在車內閉目養神,情況會好好多!當地人會給可可茶葉,含在嘴裡話有幫助,我就唔係好覺!
 
於玻利維亞跟團去阿瑪遜三天遊,又是相當的精彩,見了好多鱷魚,馬騮,Capibara,雀仔,龜龜,大咀鳥,天氣非常熱,仲好多蚊,第一,三日著了防蚊衫,塗了蚊膏好D,但第二日著了普通衫,背脊做了戰把!阿瑪遜的機票是於香港預定的,但沒有過數,有Confirm code,去到都可預先網上check in,去到機場再交信用咭過數!
 
過了秘魯的的喀喀湖,好鍾意蘆葦小島,當地人衣著colourful,影相好靚,不過商業味太重!行Amantani及Taquile小島好金,雖然已適應高海拔,但向上行山氣喘到不得了,要慢慢來,所以常墮後!晚上一齊著傳統服裝開舞會好好玩!

 Cuzco的馬丘比丘固然係行程中之highlight! 零晨四點起身出發上山,順利取得頭四百個之內的quota上Wayna Picchu,無想像中咁辛苦,因為相對海拔唔高,所以行下影下相,好快上到山頂,可以望到偉大的馬丘比丘及旁邊的”之”字路!
 
另一highlight便是去Nazca搭小型飛機看Nazca lines,因為之前有意外發生過,所以當地已收緊航空公司的飛行限制,原來十幾間,現只剩下四間,每機有兩個機師,所以價錢上漲了,每人要US 80,不過真係好值得睇!
 
尾站Paracas及利瑪觀光之餘,還有好多美食,好似醃生魚,炸墨魚圈/海鮮,燒牛心都好好味,仲有cusco的cuy,都想再回味!
 
寫住咁多先,遲d會再詳細寫每日遊記及放相!

車厘子會於8/10/11(六) 18:00-20:00講呢次Trip的講座,有興趣去呢度報名啦!

http://www.itahk.net/new/forum/viewthread.php?tid=14931&extra=page%3D1

去Day 1

未見官先打八十

期待已久的南美行(智利,玻利維亞,秘魯),將於30/10(六)出發,前後37天,不過未出發,多多事情需要辦理預備,包括:

申請BNO護照 $1536 + $25掛號費

因要往玻利維亞,申請BNO護照會較易入境,所以肉痛都要申請!

申請回鄉咭 $560

因要在上海轉機,所以必須出示回鄉咭,咁啱張咭過咗期,咪又要申請囉!

申請美國簽証 $1120 +$25掛號費

轉完上海,又要在美國轉機,才到南美的智利,最衰係過境都要申請美國簽証,不過好在出年都會去美國,當早D申請啦!

打防疫針

往南美地區,要預防多種疫症,因此去了旅遊健康中心打防疫針!

因08年去印度時已打了小兒麻痺疫苗加強劑及甲型肝炎疫苗,因此今次只須再打黃熱針(HA181免費)及破傷風針$60,另外再買防瘧疾藥(多西環素)$100及高山症藥(未買)

旅遊保險 $999

每年都會出門兩至三次,所以買全年旅遊保險比較化算,呢個價錢算係好平,最高保額有80萬,所以年年都在呢一間買!

機票

香港<—->美國LA 東方航空 HKD 6300

美國LA<—-智利聖地牙哥—-秘魯利馬—-> 美國航空 HKD 7800

智利聖地牙哥<—->Lan Airline 復活節島 HKD 3286

智利聖地牙哥<—->Sky Airline智利卡拉馬 HKD 1075

玻利維亞La Paz<—->Rurrenabaque(阿瑪遜地區) Amaszona Airline HKD 1175

只係機票已經HKD 19636,去到要節衣縮食至得啦!

去遊後感篇