3/11/10(三) 智利Chile—復活節島 Easter Island
08:30 於民宿自製腸仔包早餐
09:00上午自行出外shopping,下午(因為順便去看日落)才由Geronimo帶我哋島嶼遊!
因民宿位於市中心,所以一轉出門口已經有得shopping,好快車厘子及小高已經在此交低銀兩!
必買手信,摩艾匙扣
09:45行多幾間之後,便到了景點之一的小教堂
主要南北幹道是Av Atamu Tekena,有商店,超市,藝術品市場及餐廳,不過今日未去住!
這是教堂向海方向的東西幹道Av Te Pito O Te Henua,向前行3分鐘便是我們的民宿!兩旁有很多商店!
之後繼續shopping,各有所獲!
12:00返到民宿對面的郵政局寄postcard,遇到了另一網友Gordon及文少,交流一會後,拍照留念,世界真細小,呀,係復活節島真細小!
12:05 又踫見屋主Virginia介紹我哋在民宿外的KoTinita餐廳午餐,話抵食又好食喎,好啦,去試下先!
叫咗智利的名酒pisco sour,不好酒的我,真係唔識欣賞囉!
等咗40mins,有得食啦!車厘子叫了rawfish in lemon,小高的Toremo fish,小蔡的chicken及小陳的fish & salad,味道不錯!埋單60000CLP(HKD 984)/4P!應該比起其他更有格調的餐廳便宜!
13:30 午餐後,去了民宿附近的一間餐廳,預約明天的傳統表演+晚餐,原來我哋係第一批客人,所以可以選第一行坐欣賞表演!
傳單係尋日落飛機嘅時候,有人派俾我哋嘅,咁識搵客,抵我哋幫襯你!MAORI TUPUNA EN VAI TE MIHI , Tel (56-32)2550556 vaitemihi@hotmail.com 10000 CLP看表演 20000 CLP晚餐,可給美金,比較化算,一共USD 62.5/P X4人 = USD 250 ,今日先給一半訂金USD 125
往餐廳途中會經過遊樂場及Ahu O’rongo,不過趕時間回民宿,唔得閒仔細欣賞,影幾張相便要走人!
14:00回民宿,由Geronimo正式帶我哋去玩啦!
14:35到達第一景點,Orongo Ceremonial Village連埋聽日去的景點,要俾US60買大拉帕國家公園Parque Nacional Rapa Nui入場費架!舊年才是US10,今年加價的幅度實在太大啦!不過一場嚟到,無理由唔入架?忍痛都要俾呢US60!
後來車厘子發現唔見咗呢US60嘅入場卷,咁聽日點入場呢?非常担心聽日要再俾過…….
Geronimo努力的向我哋講解鳥人文化,手腳並用的去演繹,話每年二月,小島都會慶祝為期兩周的Tapati Rapa Nui Festival,包括祭鳥的宗教儀這裡舉行!
祭祀儀式的高潮部份,是年輕男子參賽者跳下懸崖,比賽從岸邊的小島Motu搜尋第一隻鳥蛋,便可贏得成為本年度的鳥人!
再看村上的遺跡
村上最高點有一個像大鍋的RANO KAU火山湖
唔同角度再看一次
16:00 參觀Vinapu
切割石頭方法非常完美
以前的復活節島上有兩種文明形成:東部的長耳族及西部的短耳族,兩族人都修建石頭祭壇Ahu及摩艾巨石人像以紀念祖先,可惜因戰爭,Ahu及摩艾像被毀而倒塌!
Geronimo努力的講解,小高努力的用快譯通翻譯!
17:00 到達PUNA PAU
摩艾像所戴的帽子Pukao,都是用這裡淺紅色的火山的石裡雕出來的!
在此可眺望市中心Hanga Roa
17:35 AHU AKIVI一連七個摩艾像
面朝大海,俯視著村莊的方向,每年的春分及秋分,目光正迎向日落!
Geronimo好好心機的幫我哋同Moai一齊排排企影相,就位影得非常正,果然專業!
18:05 ANA TE PAHU
好似長洲張保仔洞咁,爬出爬入細小的洞穴探險!
18:55 Ahu Te Peu是一村莊的遺址,呢度有好多倒下了的摩艾石像
屋子的基石
19:35 Ana Te Pora 繼續爬洞穴及欣賞海岸風光,不過好大風
19:50 Ana Kakenga
呢個洞穴有兩扇窗打開朝著大海Two Window
太陽快要下山了,立即趕往Tahai影日落,好在趕得切!
頭戴帽,瞪著眼珠的Ahu Ko Te Riku
可惜多雲,影出來只有一線天!
Ahu Vai
Ahu Vai及右手面的Ahu Tahai
21:30 回到民宿,晚餐係香港帶來美味可口的福字麵!都話係餐貧餐富o架啦!
晚上於民宿與網友Joseph夫婦相遇,大家互相分享旅行心得及資訊,並相約明天一起晚餐及看表演!與Joseph因計劃行程時於網上討論區認識的!
