16.7.08(三)最後一日啦!我地今日嘅節目….又係游水啦!又去番我地屋o個邊的泳池!無其他人,可以包起個泳池!
車厘媽表演深水炸彈!
支水槍炮真係好鬼好玩,連兩歲半的姨甥仔都識玩!一….二….三….發射!
游完水,返屋企又hea下,等buggy接我地到 Lobby check out !
周圍再影下相!
搭兩點半的船返星加坡,在機場再食多一次海南雞飯,叻沙….
同埋肉骨茶!好好味!
搭七點幾班機返香港,咁就完咗我地開心嘅旅程啦!
總支出:
民丹島Package價(包機票,船票,Niwana banyu biru villa四日三夜)
Adult HKD 4820 x 三位 Child HKD 4150 Baby HKD2960
另加
新加坡文華酒店 HKD1980/雙人房/晚 x 兩晚 x 兩間房
再加
食,玩,買,車支出,三大兩小,六日共約 HKD 9000
15.7.08(二)
食過早餐後,就去resort嘅沙灘玩玩沙!Ann and Andy不知幾興奮!
天陰陰,好凍,所以無落水!不過玩下沙都好開心!
沙灘玩完已中午,先返屋企,諗緊去邊食lunch之際,原來細姨甥仔已在梳化覺覺豬啦!點算好呢?呀!有辦法!唯有請我地偉大的車厘媽o係屋企睇住佢啦!而我同家姐及大姨甥仔出了resort,去了十分鐘車程外的pasar oleh oleh午餐!車厘媽話自已o係屋企煮麵食就ok喎,真係辛苦晒!
就係去了呢間IDOL餐廳,有免費專車入Resort接送的!
食物唔錯,價錢比resort內的平少少!
還有另一間比較大的HeloHelo,都好似幾唔錯!
午餐後,已三點幾啦!去了我地獨立屋的專用泳池游水,人比較少,原來仲有滑梯o架!
又係晚餐時間啦!去了resort好出名的水上餐廳Kelong食海鮮餐!又幾好食喎,無想像中咁貴!可惜遲了到餐廳,睇唔倒個日落美景!
14.7.08(一)
早上在酒店食自助早餐,食物ok啦!
早餐後Join tour去了看象象表演show!
天陰陰,還下起雨,好彩表演開始時停雨!搞搞氣氛,邀請嘉賓出去跳跳舞,左手面第一個是車厘媽!
象象出場啦!幾有氣勢!
表演完後,可買蕉蕉餵象象,大家都餵得好開心!
餵完還可一個一個免費跟象象拍照!
可俾錢騎象象,但我地在動物園已騎過,不騎了!
唔係落完雨的水….係…..象象的niu niu及ng ng呀!
還跟蛇蛇影相!
我地就係坐呢D Buggy出入resort啦!
呢間就係我地嘅獨立屋啦!
附近的環境
出面落雨,細姨甥仔又瞓晏覺,
大姨甥仔及家姐看電視
看完電視玩玩魔力橋,uno及象棋!幾有準備!
停雨啦!細姨仔瞓醒,出去游水 lu !
個池都唔錯呀!
晚上去了食BBQ自助餐!因大姨甥仔鍾意食串燒!
即燒即食,正!
13.7.08(日) 早上往China Town牛車水的亞坤食加咉多士做早餐!
加埋半熟雞蛋,奶茶,好好味!
因車厘子上一次來過牛車水原貌館Chinatown Heritage Centre,覺得好好睇,所以介紹我的團友去一看!果然大家睇得好開心,尤其是車厘媽!
牛車水原貌館坐落在牛車水三間翻新過的 shophouse ，它收集了豐富的傳統寶藏 ；忠實地展示曾在此地謀生、居住過的早期移民的生活狀況、文化傳統以及人情風俗。經過精心設 計的展覽廳，配以特別的視聽效果，讓前來參觀的旅客能親身感受歷史寶藏的珍貴，更清楚地了解 早期移民的奮鬥史！
跟住去林志源肉乾店買手信
再去附近的Maxwell Center食海南雞飯!真是名不虛傳,車厘子排隊排了起碼廿分鐘!
我覺得重好食過文華o個D!
去新加坡,梗要去魚尾獅影下相啦!姨甥仔表演豪飲噴泉水!
把握時間,再去小印度附近食著名的肉骨茶!因落的士時落錯地點,再行過去行到死下死下!
可惜無我上次在別處食的咁好味,似胡椒湯多D!
買了當地最出名的榴槤皇中皇食,勁貴,幾舊都要HKD220(已經係超市價),但係…..我地都係覺得金枕頭好食好多!
下午五點,便搭一小時的渡輪往民丹島啦!
民丹是印尼的一個島，新加坡政府租了島的西北角一大片土地，花了大錢來開發渡假區。
所以基本上這裡的一切人文地理景觀，飯店建築都是印尼風，當然服務人員也都是印尼人為主。
一般我們所說的民丹島，大部份是在說這個叫做Bitan Resort 的渡假特定區，出了此區，叫村外觀光，就不是新加坡管轄。
Tanah Merah Ferry Terminal碼頭於機場附近!船飛是Package包的,要預訂,到碼頭時先換船飛,再寄行李,再入境check in!
上船啦!搭的是雙體船 Aria Bupala,五十分鐘船程
到了民丹島碼頭,等待酒店車接待!
Nirwana Gardens,入面有四款住宿,可click入去睇下!我們住的是Banyu Biru,是兩層的獨立屋!一家人住較方便!如果兩個人,住Mayang Sari或Indra Maya更有feel!
我們的獨立屋地下的廚房!唔錯!
客廳,夠晒大!
睡房,算係咁啦!
張單人床好似細咗D!
浴室,比想像中細,又無浴缸,熱水又唔夠!
因為我們的獨立屋,距離Lobby有一段距離,所以出入都可免費搭哥爾夫球車(buggy)!晚上便call了車去Mayang Sari附近的Baan Aarya Thai Resterant晚餐!最好食係個青加喱飯!
