以下係近來與朋友的基本對答!
問:車厘子,幾時再去旅行呀?
答:九月五號飛啦!
問:今次去邊呀?
答:巴爾幹半島
問:即係邊度呀?
答:唔….即係前南斯拉夫的國家囉!
問:都係唔知邊度呀!
答:簡單d講,可以話係東南歐!
問:咁即係去邊d國家呀?
答:咁聽住啦!會去的國家,包括波斯尼亞(Bosnia-Herzegovina),黑山共和國(Montenergo),克羅地亞(Croatia),斯洛文尼亞(Slovenia),匈牙利(Hungary),羅馬尼亞(Romania),保加利亞(Bulgaria)!
問:嘩!咁多個國家,去好耐呀?
答:啱啱一個月!不過去七個國家,都係貪心咗d !
問:你可以放咁長假真係好啦!!!
俾埋個地圖你睇,會唔會清楚好多?
由於不是太多旅行資料作參考,所以主力係靠網友的旅遊分享作參考!
行程大致已經set好,不過book住宿仲未搞掂!要繼續努力呀!
去出發篇
一不離二,二不離三,再搵返06年繡起的Beatiful Garden,繡返D字,送俾二家姐入伙!最後再縫上D金色Charms,好靚呀!
原圖
原本繡上Nurture Nature的,改繡上二家姐及男朋友的名字,原來的Herbs,改繡上Blessings,不過效果好似麻麻地!
門牌原本係Welcome to my Garden,現改上Castello,即係新買屋苑的名稱!
一繡不可收拾,去蔡小姐度裱幅OSCAR時,見到D十字繡咁靚,於是返屋企後即刻摷返D十字繡來繡,繡到連D旅行資料都要放埋一邊!
一星期左右,繡起呢幅好有Country feel 的 Cottage小屋啦!好鍾意個鵝蛋形金邊,於黑色底襯托後,效果好突出!
不過繡完個鵝蛋形金邊後,拿去輕力浸洗,點知出現鬆線情況,激死人啦!結果咪要再繡過囉!
不久前於blog 友Winnie處豪買了二十本Hand Made巧手易,尋晚終於到手啦!真係好開心!唔該晒Winnie出旺角交收!不過真係好重呀!仲要捧住呢舊嘢先去石硤尾上堂,然後再捧住佢返沙田屋企,真係幾係嘢架!
返到屋企,急不及待拆佢哋出黎睇啦!嘩!大部份都未開封架!呢二十本巧手易,因為係過期書,所以平均只賣三十幾蚊一本,比起平時正價$70一本,真係超抵呀!
點算呀!點算呀!咁多本,拆膠紙都有排拆啦!仲要俾d內容吸引住,今晚唔使瞓啦!最傷腦筋係要搵地方安置咁多本書呀!點算呀!點算呀!!!
車厘子的俄羅斯戰利品
俄羅斯朱古力及魚子醬
伏特加酒
俄羅斯軍帽(左面)
俄羅斯軍帽(右面)
布製墊子/掛飾
開咗先知入面有樽密糖
聖巴素教堂音樂盒
在蘇茲達爾 露天木建築博物館內獻唱的表演者自己錄製的音樂CD
各款俄羅斯套娃
磁石貼
小小心意攪攪新意思有獎問答遊戲
為了答謝各位Blog友一直的支持,如果邊三位可以分別答中一條題目,均可獲得車厘子送出的俄羅斯小小手信一個!
1. 車厘子前往莫斯科時在那裡轉機? 答中者___知語_____
2. 車厘子帶咗幾多個杯麵去俄羅斯? 答中者___十_______
3.我們的旅行團一共幾多人? 答中者___小齊_____
20.6.09 20:45 謝謝各位支持,有獎問答遊戲已經完結,恭喜晒中獎者!
下個trip再同大家玩過啦!!
