去年年尾,三位好朋友努力地完成Master課程,終於畢業了,車厘子分別繡了三幅畢業Bear Bear十字繡(Newton’s Law系列)送俾佢哋!
於繡繡上,除了加上了她們的名字,及畢業資料外,還加上了閃閃線,令繡繡看起更搶眼!
這是原裝Kit Set,顏色本身是藍色的!送了給Pik Ha!
用Kit set裡剩餘的線,可再多繡一個Bear Bear,另再自己配線,繡了一個橙色版,送給了Kam Yan!
Kit Set的線所餘無幾,自己配線再繡了一個紫色版,送了給Lorraine!
我就最鍾意橙色嗰幅!唔知你又鍾意邊幅多d呢?
思前想後了很久很久,終於買了第一部單鏡反光相機—Canon EOS 550D Body 配騰龍鏡頭 18-200mm
這是一個長遠的投資—時間,金錢,心機等,還要承受帶去旅行時的重量及被盜風險,因此多年來都是使用傻瓜機,貪佢夠方便,便宜(比較下),輕巧,容易操作!
但我開始不滿足於傻瓜機拍攝出來的效果!看見朋友,blog友的相片拍攝得多麼的美麗,有層次,質感,所以決心要轉向單反機行列,重新學習攝影藝術!
這決定好像是遲了一些,但有心唔怕遲,一於做個攝影初哥,請各位師兄師姐多多指教!
買咗機之後,好多嘢排隊跟住o黎,防潮箱………………………..
防潮珠…………………………………..
相機袋……………………………………..
鏡頭Filter…………………………………
手帶…………………………………….
清潔用具…………………………..
我諗以後重有好多要加添,不過,換來的是能夠拍攝出有質數的相片,我想這個決定及投資是很值得的!
年初開始上攝影初班,都是學習一些攝影理論,頗難的!
現在的中班要求兩堂交一張功課!
這是車厘子的第一份功課,請大家多多指教!
用了半年時間,終於寫完了三十天遊記!實在值得慶祝一下!慶祝前先來個總結吧!
車厘子呢次去呢七個國家—波斯尼亞,黑山共和國,克羅地亞,斯洛文尼亞,匈牙利,羅馬尼亞及保加利亞,其實真係趕咗D,好似羅馬尼亞同保加利亞,地方好大,仲有好多地方可以慢慢玩!而且消費係最便宜的兩個國家呢!無法啦!唯有第日有機會再去過!
玩得最開心係Day 6於黑山去 Islands day trip 嗰日,因為識咗個烏克蘭家庭,同個小妹妹玩咗一日,雖然大家言語不通,但係靠住身體語言,大家都玩得好開心!
三十日旅程,個人總消費HKD 31000,其中機票已佔25%,所以買機票時要格多幾間Agent公司,仲要早D買先會更平!香港往返波斯尼亞及羅馬尼亞,都係無直航的,因為我哋坐漢莎航空,所以要經德國轉機,機票HKD 7693連稅,算係好OK啦!
交通主要是火車及巴士(不用買火車証),尚算準時!為咗節省時間,我哋搭咗三程夜火車,最難忘係斯洛文尼亞去匈牙利嗰程夜車,為咗慳錢,上咗車之後唔加錢瞓卧鋪而去瞓坐位,嗰晚又凍又瞓得唔舒適,下次都咪攪!
住宿方面多數係於出發前預約好,會比較節省時間!只有幾次因為上網揀唔啱,所以去到目的地才找,不過會比較刺激D囉!住過咁多間,最鍾意都係羅馬尼亞Brasov嗰間好多古董嘅住宿,主人家Uncle David 同Aunte Mary又非常Nice!可惜佢哋無e-mail,唔可以同佢哋聯絡啦!
為咗慳錢,梗係唔可以餐餐豪食啦!你哋有眼見,朝朝早餐同午餐,都好鬼淒涼架!夜晚嗰餐,先至話可以坐低食得好少少咁囉!而食得最豪同最開心嗰餐,係於羅馬尼亞嘅Bucharest食宮廷菜,真係至今都好難忘!
買手信都去咗我唔少彈藥,以下係我嘅戰利品,唔知你有無份呢?
在此要多謝我旅遊Partner小高,其實主要行程係佢plan的,謝謝好的付出及照顧!我哋又要再咪書啦!11月向南美出發!
當然唔少得要多謝一直支持車厘子個blog嘅你啦!自問自己文筆不好,相片又影得唔靚,不過誠意搭夠,希望可以帶你去體會一下我的旅程,同埋可以幫到正在plan行程的你啦!
行程表可以去呢度download,同埋有個錄音版喎,歡迎收聽!
今次都有紀念品送出,以小小心意答謝大家!方法好簡單,只要你於今日(28/4)之前,曾在車厘子巴爾幹之旅三十天網誌內留過言,已經合資格啦!名額有六個,先到先得!記住按私人回應留地址呀!禮物會於集齊六人後一起寄出!
得獎者:
1.雀屎 2.野孩子.三耳 3.Jennifer 4.Floria 5.笨豬燕 6.阿ca
8/5/10 紀念品已全部送出,謝謝各位網友支持!
