東京Shopping記--第五天

12.3.2008 最後一天啦!唔知點解到日日D時間好似唔夠用的!日日都有買不完的東西!

晨早去銀座,先飲杯青豆湯,再去搞退稅!

再去食個香噴噴牛肉鐵板燒!

最後一站,便是去上野買手信啦!點知…見到0101….又忍唔住啦….最後一擊….差點連飛機也趕不上呢!

以下便是連日來的戰利品啦!

東京Shopping記--第四天

11.3.2008 真係食過番尋味,今日決定又再去築地食鮮味魚生!

大大碗新鮮雜錦魚生飯,盛謂3000yen!

食完飯,去了吉祥寺的Yuzawaya!這裡簡直是手工藝愛好者的天堂,車厘子直頭感動得想喊出來啊!

Yuzawaya共樓高八層,最高的八樓是手工藝學校 + 售賣各款DIY手工藝製成品,真係大開眼界!

其次每一層都行到你腳軟!款款吸引!

單是布匹,也有兩,三層也可以選購!

一行便行了四,五粒鐘!當然大有所獲啦!

晚上回池袋的Sunshine City!

Sunshine City內的Namja Town,原來入場要先給300yen!

入面有條好有特色的餃子街!

點了牛肉及豬肉味的餃子吃~~唔~~正呀!

還有雪糕城,給店員介紹吃了一個蟹味的雪糕,但不覺得有蟹味啊!

東京Shopping記--第三天

10.3.2008 今天一早往築地市場食壽司

諗住唔係假期，都唔會咁多人啦！點知九點幾鐘一去到，就已經成大條人龍啦！下雨天，天氣只得十二，三度，未食壽司先食風！

隔離間大和壽司都唔輸蝕，人龍一樣長長！

等咗粒幾鐘，終於有得食啦！我地點了師傅的推介套餐，每人六千幾ｙｅｎ，不過真係物有所值！第一件係吞拿魚拖羅壽司，唔～～極品呀！

再來每一件都係鮮！鮮！鮮！

食完壽司再逛市場！每一樣食物都好吸引！

 

逛完市場，步行前往銀座，目的就係去買Blue Label啦!

購物完後,要坐低呌下先!在銀座嘆架啡,感覺係唔同D!

哈!哈!原來有D廁所係有流水聲的!真係攪嘢!

黃昏去了自由之丘行街街,晚上回池袋食牛肉鐵板燒,點了最上等的牛肉,果然寧舍不同,正呀!

再來一個泠麵,味道有點泰式食物呢!