預備好啦!車厘子同Ann and Andy都預備好啦!
你哋睇Ann and Andy嘅新衫幾醒目! 阿Ann著咗件Flamenco舞衣,而Andy著咗奔牛節的傳統服裝!
早於舊年,已陸續計劃去雙牙的各頂事宜,邊兩隻牙?咪係葡萄牙同西班牙囉!
包括舊年年中,約好旅行partner,即係兩位06’去波捷奧的舊拍擋Vennes及Peony!今年又再度一齊去玩轉西班牙,至於葡萄牙,Peony就去唔到啦!會於西班牙Join返我哋,不過唔緊要啦,都係去少幾日啫!
十月尾,於公司攞假,經過緊張刺激的抽籤儀式,終於成功取得心儀假期,計劃去雙牙二十天—20/6/12-9/7/12
Confirm假期後,隨即上網買機票,所謂早買早著數,為咗爭取時間去玩,捨棄了平價的卡搭爾航空,而買咗時間比較好的荷航!將會由香港入,經巴黎轉機,到葡萄牙的里斯本,回程由巴塞隆納再經巴黎飛回香港!十月尾價錢,全包價$9267…..真係貴到無朋友,其實機票價只係6100,再加埋燃油附加費及雜費,就攪到咁貴啦!再遲D買,仲貴呀!
Plan行程唔少得睇旅遊書,好鍾意JTB呢個系列的旅遊書,寫得好清楚,所以買咗一本,但原價買都幾貴,好彩我識上二樓書店買,平成幾十蚊架!其餘就去圖書館借,借咗之後可以上網續借至5次咁多,借盡可以借成三個月架,慢慢研究都得,不過如果俾人訂咗書,就一定要還啦!
其次梗係上網參考下人哋D行程,網誌,討論區咁啦!嘔心瀝血下,終於寫好行程計劃,足足有四頁紙架!Book好晒住宿,火車飛,熱門入場門卷,著名餐廳晚餐,check好巴士時間,到時就不用咁費神啦!
計劃行程如下:
20/6(三) 香港à
21/6(四) 葡萄牙-里斯本Lisboa
22/6(五) 里斯本Lisboa— Sintra 辛特拉 + Coba da Roca 大石角—Cascais卡斯卡伊斯
23/6(六) 里斯本Lisbon—Baixa區及Alfama區—Madrid
24/6(日) 西班牙馬德里Mardrid
25/6(一) 馬德里Madrid—day trip to 塞哥維亞Segovia
26/6(二) 馬德里Madrid—day trip to 康斯埃古拉Consuegra風車村及托雷多Toledo
27/6(三) 馬德里Madrid to 哥多華Cordoba to 塞維爾Sevilla
28/6(四) 塞維爾 Sevilla
29/6(五) 塞維爾 Sevillaà隆達Ronda
30/6(六) 隆達Ronda to 格拉那達Granada
1/7(日) 格拉那達Granada
2/7(一) 格拉那達Granadaà巴塞隆納Barcelona
3/7(二) 巴塞隆納Barcelona
4/7(三) 巴塞隆納Barcelona day trip 往Montserrat
5/7(四) 巴塞隆納
6/7(五) 巴塞隆納Barcelonaà潘普洛納Pamplona
7/7(六) 潘普洛納Pamplona
8/7(日) 潘普洛納Pamplona
9/7(一)HK 1700 (11HR 35MINS)
Highlight係臨尾幾日的奔牛節,一定好刺激….放心,唔係我奔,係我睇人奔啫!其次係睇鬥牛表演,睇Flamenco舞蹈,上cooking class學整西班牙菜等,哎呀….真係好期待呀!
幾日前以€1=HKD9.7兌換歐元,比起更早前網上以歐元購票的兌換價更為化算,以後嘅日子,真係唔知佢會升定係跌,定係會解體??
咁啱文化博物館有畢加索珍品展,一於要去Look Look,好彩撞啱有個導覽團,對畢加索瞭解更多,否則真係唔會識欣賞!係呀!睇咗就得架啦!去西班牙時就唔使去再畢加索博物館lu!哈哈!
今次去旅行,會攪攪新意思,就係去賣嘢啦!上淘寶網買咗d中國特色吊飾,唔知西班牙人鍾唔鍾意呢?賣到錢可以補貼旅行開支之如,可以做中國文化大使,又可以嘗下在異國賣嘢的滋味,不過希望唔好俾人拉咗啦!
仲有可以賣牛角,奔牛節時戴在頭上,一定好受歡迎!
會啦!會啦!返嚟梗會再同大家分享啦!Bye!
