23/11/10 (二) 秘魯—阿瓜斯卡連特斯(Aguas Calientes)—>馬丘比丘Machu Picchu—>庫斯科Cuzco
04:00 晨早起身,看見窗外仍下著毛毛雨
04:15 於酒店早餐,實在係太好啦!咁早都安排到早餐俾我哋食,不過咁早,真係無乜胃口囉!
04:35 出門,已停雨,安心一點
典解咁早上山,因為務要取得上WaynaPicchu(Huayna Picchu)的名額,每天只發四百個,為減少意外發生,因此要限制人數上山!
04:40 一齊前往巴士站,已有幾十人在排隊,小高及小陳去買巴士票US 14/P (return ticket)然後排隊,第一班巴士將於05:30開出
04:43 而小蔡和我則去武器廣場旁的辨事處買入馬丘比丘的門票,因昨晚到步時,售票處已關門!(其實應該於Cusco買定更好!)
好彩去到時只有三人在排隊,我哋排第四,要等到05:15才開門
等呀等,期間由好凍等到好熱,仲有時間俾我返酒店放低頸巾及長袖衫!
05:15 終於開門啦!你急佢唔急,仲慢慢開電腦,05:20至開始賣飛!
輪到我哋,已經係05:30
Sol 126(HKD 352)/P,好貴呀!國民平成半喎!
05:35 買到啦!即刻飛奔返去巴士站,與小高及小陳會合,原來頭班車已開出,第二班車已滿座,我哋只好坐第三班車!一架車有29個座位,即係已經有58個人在前,仲要加埋行Inka Trail的旅客,都唔知可唔可以攞到quota!
06:00 巴士車程25分鐘到達馬丘比丘門口
眼見人龍差唔多有一百人
排隊期間,有個工作人員過來,問我哋07:00定係10:00上Wayna Picchu,原來係有分時間的,每時段200人,我哋選擇咗07:00上山,應該會無咁曬!跟住工作人員在我哋張飛印了07:00的印,即係已經成功取得quota!
如果帶得多嘢,可以放低,不過要收Sol 3
入面無洗手間,請搞掂咗先好入去
另入面無嘢食賣,要自備乾糧,門口有餐廳,但價錢好貴!
馬丘比丘地圖
06:10 由東面的INC-Control Tourist entrance入到去,要先去WaynaPicchu(地圖上11)的入口
但仍然非常大霧,分不清東西南北,又未睇清楚地圖,於是跟住人潮,行下行下行咗上去墓石守護棚House of the Guardians及the Funerary Rock(地圖上16及17)的地方,仲要俾人老點咗去瀑布嗰邊,好彩好快就知唔對路,行返轉頭!
仲要期間同小陳失散咗,都唔知搵佢好定係搵路好!
未搵到路又未搵到人,又大霧到死,都無心情欣賞偉大的馬丘比丘
終於在The city gate(地圖上1)遇見返小陳
再經過主廣場,以最短路程前往WaynaPicchu(地圖上11)的入口
期間見到好多羊駝
Hello Hello笑下啦!
唔…又幾靚女喎,d眼睫毛好長!
07:00 搞咗成個鐘,終於來到WaynaPicchu的登記亭入口,原來都係啱啱開始放行
07:20 哈哈….輪到我哋啦!車厘子係第57個進入Wayna Picchu呀!小陳話費事等來等去,自己上山先喎,所以約定15:00於酒店等!
07:35 呢個山頭就係Wayna Picchu啦!上到去可以鳥瞰整個馬丘比丘遺跡,及旁邊的Z字車路!
07:50 行呀行,不斷回望馬丘比丘,總是俾大霧遮蓋著
08:05 間唔時若隱若現
行呀行,好在係朝早,如果係10點果輪,肯定更加辛苦,加上之前的旅程已經適應咗海拔高度,所以行得無想像中咁辛苦!
08:20 山下的烏魯班巴河谷Urubamba River
咦!又清咗d啦喎!
08:30 我哋向上行之際,呢位靚女已落山,佢話佢係第一個上到山頂架!俾個叻你啦!不過….典解要行得咁快?你好趕時間咩?
08:35 愈上到高點,d山路愈陡,不過耆英都行得好掂,勁!
呢條仲陡,幾乎要手腳並用爬上去!
小高畏高,要慢慢行!
08:50 來到平台處可以休息一下
繼續上山,可看見Z字車路
09:l0 終於上到山頂啦!Yeah
清晒啦!各位觀眾…登登登櫈…呢個就係傳說中嘅天空之城馬丘比丘啦!
馬丘比丘於印加時期是山中的神廟、貴族的豪宅,後來西班牙人入侵印加國土,將很多印加遺跡大肆破壞,幸好馬丘比丘因建於厚厚的叢林山上,所以未被發現,因而幸免於難!
人哋行一個鐘上山,我哋行足兩個鐘!
再食下嘢,影下相,Hea下
呀Ann話:於印加遺址最好係飲印加嘅Inca Kola
09:55 開始落山
10:15 經過呢個遺跡,又不斷咁影相,你影我,我影你…唔靚…肥咗d…要三七分面….小蔡都話頂我同小高唔住,自己行先啦!
11:05 踫見阿根廷哥哥上山,稍後又見埋哥倫比亞叔叔,佢哋都係取得10:00的quoto上山
11:10 落到山腳,回望Waynapicchu,無晒霧,個山清楚好多啦!
11:25 返到起點,上落山一共用咗四個幾鐘!慢慢行,唔覺辛苦!車厘子得,你都得!
回望Wayna Picchu
馬丘比丘以羊駝做主角就最好啦!
11:40 開始正式參觀馬丘比丘
居住區Residential Sector/Houses of Factories(地圖上12)
跟住經過工業區Industrial Zone及監獄區The Prisona’s area(地圖上13及14)
兀鷹廟Temple of the Condor
祭祀用浴室Ceremonial Baths/Ritual Fountain(地圖上5)
12:10 係時候又坐低食下嘢啦!於Cuzco買定嘅朱古力蛋糕
太陽神廟及皇家墓室The Temple of the Sun and The Royal Tomb(地圖上3及4)
主廣場The Main Square(地圖上10)
大祭司宅House of the high Priest
神聖廣場Sacred Plaza
三窗神廟Temple of the three windows(地圖上7)
可愛的童軍仔
聖器室Sacristy
犀利在於呢d石頭,有成32個角o架!
可見印加切割石頭的技巧好高超,接駁位做得好好!
馬丘比丘上的四腳蛇
12:50 拴日石Intihuatana(地圖上9)
中午天氣非常熱,好曬!
慢慢行上梯田上的墓石守護棚House of the Guardians及the Funerary Rock(地圖上16及17),即係今朝一早到過的地方!
13:35 終於上到守護棚,可影到馬丘比丘整個全景
遇見返小蔡,再一齊影相!
加上羊駝做主角
14:15 落山啦!就係呢個分叉位,今朝應該係向下再向前行會快d到達Wayna Picchu入口,我哋向咗上行,兜多咗路(地圖上15)
唔好唔記得臨走前吸返個馬丘比丘印於Passport呀!
14:40 用return bus ticket搭巴士回熱水鎮,25分鐘車程
典解阿瓜斯卡連特斯(Aguas Calientes)叫做熱水鎮,因為直譯這西班牙文就是熱水的意思!真係有熱水o架!山上有溫泉水流出!
15:05 回到熱水鎮,鐵路旁都是做遊客生意的餐廳旅館!
15:10 回到酒店,小陳已在等我哋!酒店職員好好人,開了一個房間俾我哋沖涼同休息至離開,我同佢哋講今日將會搭17:30的火車回Cuzco,按指示要半小時前即係要17:00到達火車站!
小陳及小蔡選擇在房間沖涼後休息,我同小高就拿淋換泳衣,幾大要試下呢度嘅溫泉!
15:20沿著Pachacutec街一直向上行十分鐘,便可到達溫泉浴池
附近的商店有泳衣及毛巾出租,我哋嘛,泳衣梗係一早有準備,至於毛巾,酒店借俾我哋o架!真好!
到達門口,要先買門票Sol 10/P (HKD 27.9)
再要行一小段路
經過一間好有特色的餐廳
到啦!又唔係太多人喎!
不同浴池有不同溫度,我哋好快咁試晒咁多個池,然後於最舒服的一個池,慢慢享受!行完山浸溫泉,不知幾疏!
可惜因為時間有限,唔可以浸太耐,15:50要離開啦!
16:00 回到酒店沖完涼後,仲有D時間,自己出來火車站隔離的藝品市場Shopping,好多商店,林瑯滿目!
仲有去咗街市
行下周圍的餐廳店舖
最後去埋廣場
廣場上有間教堂,隔離果間就係今朝買馬丘比丘門票的Office
16:45 回到酒店與隊友會合
16:50 出門去火車站,於見有個嬸嬸在賣Homemade蛋糕,有好多小朋友幫襯,車厘子都買咗兩件大家食Sol 2
16:55車厘子派發火車列印紙俾大家,跟住繼續影可愛小朋友食蛋糕及玩耍
17:01 又遇見哥倫比亞叔叔,叔叔問小陳我哋幾點車,小陳睇下張紙,問:乜火車唔係17:03開咩?我即刻睇下!弊家伙,係我搞錯咗,唔係17:30呀!即刻9秒9叫大家一齊飛奔上車,都未得切向哥倫比亞叔叔解釋發生咩事!
好彩!好彩!好彩火車仲未開!否則都唔知使唔使滯留多一晚!是關D火車每班都好full架!
非常驚險,幸好小陳發現得早,多謝哥倫比亞叔叔的出現,多謝上天庇佑!
今日可以清楚見到d天窗
火車上派發小食
19:25 九點至到站,醫下肚,食包至愛福麵先!可問列車小姐取熱水!
21:00 到達Poroy站(因Poroy至Cuzco之間的鐵路損毀了,所以火車不能直達Cuzco),21:10再轉的士回Cuzco Sol 15/4P (HKD 42)
其實回程仲有一個option,就係由Aguas Caalientes搭火車至Ollanytambo,再轉之前於旅行社預定好的旅遊巴返Cuzco,時間差唔多,但係會平好多!
21:30 回到Cuzco武器廣場,再去Supermarket,小陳要買手信返香港,因為聽日佢要走啦!手信推介—Coca Candy,當地特產嘛!
21:50 回到之前住過的Hostal El Triunfo,上次離開前再book了今晚同聽晚的房間,講價之後,今晚US 38/Ensuite twin room(都唔知典解會貴過之前US 1,筆記係咁紀錄的),聽晚US 50/ Ensuite 3 Bed room
