車厘子又做了四個口金包,逐一介紹俾大家識啦!
口金3號—粉紅底士多啤梨口金,係用基礎打底口金方法做的,個人認為是最容易做的一個方法,因為彎位少,可用衣車車,快好多o架!
入面用咗點點紅布,好靚呀!
口金4號—同一紙樣,都係基礎打底口金方法,做了個和式花花口金,口金扣是銀色的!
見到嗎?底部都是直線,很容易車!
入面係鮮艷的黃色!不過應該唔襟污糟囉!
孖公仔一齊影張相啦!
口金5號—再來係三片口金,即係用了三片布拼口而成的!是另一款可愛的士多啤梨布!
側面睇
底部是彎彎的,要做得靚,便要一針一針的慢慢手縫啊!
內膽又係點點紅布
再加上一個士多啤梨仔,係咪好得意呢?
口金6號—再做多一個孖公仔,都係三片口金的紙樣,做成一個鬱金香口金
彎彎的底部
藍色的內膽,又幾唔錯噃!
一齊合照啦!
車厘子暫時做了六個口金,個個都好鍾意,唔知你鍾意邊一個多d呢?
