向俄羅斯出發

今晚出發去俄羅斯啦!拎住自己做嘅俄羅斯袋袋及口金去旅行,真係特別開心呢!

當然會帶埋Ann and Andy去啦!仲有奶媽Belinda呀!你地睇下,佢地三個都有新圍裙仔,新褲仔著呀!仲要係用俄羅斯布布做的呢!哈哈!真係唔只我開心,佢地有新衫著去旅行一樣咁開心呀!

今次去俄羅斯,係少有地跟團!個團有成四十一人呀!相信等人都會等咗好多時間去!話明九天團,但係架機明明係今晚零晨飛,今晚集合都當一日!車!咪即係八天,減埋兩日搭機時間,即係玩得六日!仲要在杜拜轉機等成5粒鐘頭,真係等都等到傻!算啦!預咗跟團係咁架啦!我會好好地催眠自己,要成為一隻聽話的鴨仔…..

 

口金18-29號

又來一批口金啦!都係鍾意四片多d !

口金18號—史迪仔呀!

底部加粒”的”,靚仔好多呢!

口金19號—都係史迪仔,不過兩邊襯起藍色的布布!

口金20-22號—又係俄羅仔呀!係三胞胎呢!不過背面都係唔同的….

背面是這樣的!因為要省布,所以D 布cut得麻麻地!

口金23號—彩虹菇菇

口金24號—Snoopy呀

背面都好靚呢!

口金24號—好味嘅士多啤梨呀!

口金25號—另一款俄羅仔

口金26號—玫瑰,唔知會唔會沉色咗d呢!

口金27號—和風

口金27-28號

嘩!做咁多,拎去賣咩!無錯!真係玩下試下拎咗去賣呀!

仲pack得靚靚呢!

放在朋友的boutique寄賣,原來真係有人欣賞架!收到錢錢又真係幾開心架!

就係呢度三樓啦!有興趣嘅得閒行過去望下啦!

最隻呢個口金29號係自用唔賣架!係咪好熟面口呢?係呀!之前咪用呢塊布做咗個大袋袋囉!會帶埋佢一齊去俄羅斯架!

俄羅斯餐廳

尋晚朋友生日,同佢攪咗個Surprise Birthday Party,叫埋成班friend共15人,在中環的東歐餐廳 Ivan the Kozak食俄羅斯菜!事前佢唔知有咁多人同佢慶祝架!所以佢一見到咁多人,咪好鬼感動囉!不過仲爭我地幾滴眼淚!!!

Book餐廳時已經叫老闆Ivan安排歌手七點向主角出現時唱生日歌,不過老闆話歌手係返八點,但最終都安排咗佢提早返工,真係唔話得! 後來才知道原來歌手都係尋日生日呢!

歌手送上俄羅斯版birthday song!

餐廳氣氛很好,15人坐位連成一排

因為尋晚太多人,食品未能趕及拍攝,已被人瓜分食物了!盡人士影了一點,如果想睇其他食物相,自己去開飯喇睇啦!

俄羅斯羅宋湯

沙律

最正就係呢隻火焰乳豬,要早兩日預訂的!開頭驚一隻豬唔咁多人分,想訂多一隻,好在老闆話應該夠食,結果一隻都食唔晒!

入面釀咗味飯架!

生日當然唔少得蛋糕啦!

仲有花呀!

餐廳特備節目,就係老闆帶隊參觀冰凍酒房,重請每人飲一杯Vodka !

呢三支都係酒黎架!

每處布置都非常有東歐色彩!