25.9.09(五) 羅馬尼亞Romania-Brasov—->Sighisoara—->Brasov
07:20(時差比匈牙利快一小時)夜火車到達Brasov,今站沒有預定住宿,唯有到步才打算!一落車已有一個叔叔問我哋要唔要住宿,問及價錢—ok,地點好似有d唔方便,再問有邊個一齊住,原來只有呢個叔叔,安全至上,梗係say no啦!
再跟住另一個叔叔(David)又來兜客,價錢及地點都ok,同住的是他的uncle同antie(一對公公婆婆),但提防陌生人,都係睇定d先決定!
見到幾個年青人,原來準備去youth hostel,我哋問好資料,打算安全d都係去hostel算了!
先在火車站唱羅馬尼亞錢 €1=4.11 Lei ,那女職員叫我哋如要找住宿,要在agency公司找,示意勿跟在車站兜搭的人!
再於火車站查詢火車班次,但可惜言語不通,熱心的David叔叔來作翻譯!提防有詐,沒有多理睬他!
之後,打算起行往youth hostel,David叔叔見生意做不成,於是轉變策畋,話帶我哋去Hostel,因為佢從中會有點著數!我哋再考慮一下, 覺得佢真係幾有誠意,於是決定跟佢返住所看看,然後再作打算!
十分鐘左右,已經到達佢uncle的家,嘩,原來係一間好經典的古老大屋,入面大部份陳設傢俬都係古董
我哋間房又大又企理
David叔叔及他的Auntie Jenny都十分友善
David 叔叔的uncle John, 需然Auntie Jenny及Uncle John都唔識英文,但係用身體語言溝通都無問題!
咁好環境,安心晒!一於決定住兩晚 €20/一晚/雙人房
David叔叔重話聽日可帶我哋去遊覽,當然要收$$啦!
11:00 出門,Uncle John建議我哋上山觀光,原來有個好似Hollywood字樣的Brasov山
出門走不遠的路程,便到達乘搭纜車上山的地方,可口可樂纜車,係咪好特別呢!10 Lei(HKD 27 Return)
但係上到山就一d都唔特別,只係得個牌….
同個唔吸引的景觀,上黎十五分鐘左右已經可以下山啦!
遇見一班吉卜賽小朋友,原來羅馬尼亞好多吉卜賽人
11:50 步行往古城
古城中央廣場
曾經被火燒過的黑教堂 4 Lei (HKD 4.4)
把握時間,之後搭巴士3 Lei(return) HKD 8.1 往火車站,13:10乘火車46.75 Lei(HKD 126 Return)2.5hr 往Sighisoara
原來成朝都無食過嘢,在火車先食下零食充飢
睇下火車站嘅樣,好反映到國家的經濟情況
羅馬尼亞其中一樣有名的,就是有著「吸血伯爵」德古拉 的故事:
「吸血伯爵」德古拉 1897年，愛爾蘭作家史托克寫了一部名為《德古拉》的吸血鬼小說，其中虛構人物吸血鬼德古拉伯爵是以羅馬尼亞著名的弗拉德·德古拉（VladDracula）王子為藍本，而地點則是以特蘭西瓦尼亞的布朗城堡為背景。
而Sighisorara,便是德古拉王子的出生地!這古城因保存著中世紀良好建築物,因此已成為Brasov的第一個被列入世界文化遺產!
15:40到達Sighisoara,經過一間麵包連鎖店,買了幾個麵包醫肚
由火車站步行30分鐘左右,才到達古城位置
四處也有賣「吸血伯爵」德古拉 的紀念品
以及有各種意思的湯匙掛飾
到啦!到啦!呢間就係德古拉王子的出生地了!不過現在改建成餐廳,一會後回來晚餐
旁邊的古鐘樓,入面是Sighisoara的博物館,其中一間是酷刑博物館,可惜已過15:30,關門大吉了!
再向前行,到達一個”有蓋的樓梯”,可通往古城的最高點
174級樓梯
這教堂的名字,便是”山上的教堂”了!
四周都正在動土裝修,塵埃飛揚,否則,呢求應該有好多賣手工藝品的集中地!
四周都係色彩繽紛的房子
回到鐘樓旁的德古拉王子出生地,雖然時間尚早17:30,但因要趕及搭19:00的火車回Brasov,所以早D晚餐!
德古拉餐廳
裝修,氣氛一流
Beans soup in bread
Minced meat rools, Prince Draculaas ,埋單只不過€20/2 羅馬尼亞物價果然平好多!
真係好值得一來的餐廳!
18:30步行回火車站,但係得知火車會delay約一小時,於是打回頭逛下,其間三次遇見四位羅馬尼亞婆婆!
火車於19:40開出了,但係遇到好多像賊輩一樣的吉卜賽人,對我哋虎視眈眈,我哋於是行去車頭位置,期望近車長的位置安全一點!跟住有幾個售票的叔叔對我哋好有興趣,又雞同鴨講的聊起來!
最誇張係,佢哋打開埋火車駕駛室的門,俾我哋參觀!
22:45 好在,大家都平平安安回到Brasov! 再轉搭巴士,但因為唔識落車,所以搭多一個站回廣場,再步行回去,返到homestay已經差不多00:00, Auntie Jenny等我哋門,話不知幾擔心我哋!真係Sorry啦!
