12/08/11(五) 迪士尼郵輪Disney Cruise (一)
08:00 今日下午才上迪士尼郵輪,有一上午可以去Shopping!
可惜家姐一家四口唔上船,因為大姨甥仔升中一,要上預備班,無時間再上郵輪了,所以只得姐夫媽咪及姐夫家姐,仲有車厘媽四個人上船!
我哋四個先將行李寄存在酒店,家姐一家四口將行李放在車上!
Outlet 10:00先至開,有時間可以先一齊去食早餐!
開車去International Drive的全世界最大間麥當奴
搵位坐低後去買早餐
嘩!好多款套餐揀喎!
款式唔同香港架,款款都好吸引!
車厘子鍾情傳統款色,哎呀!唔記得記低幾錢呀!不過一定貴過香港啦!
食後周圍去行下,上咗二樓…
果然真係好大,全層都係遊樂場,不過有d失望,因為遊樂場似冒險樂園多d,無d特色!
09:50 早餐後開車去Universal Orlando附近的另一間Premium Outlet Shopping
咁啱今日有免稅日,買衣服鞋襪都可免稅,抵好多呀!
行咗幾間,終於在Columbia發市
買咗件Cortex外衣,港幣五舊有找,抵到爛!
再去Gap,買咗件衛衣,又係超抵!
12:30 Shopping時間真係過得好快,姐夫車我哋返酒店攞行李及等車去碼頭,之後佢哋一家四口再返Outlet繼續血拼,晚上還車,之後住機場酒店,翌日搭飛機返香港!
同家姐佢哋話別之後,於酒店等Ambiance transportation公司嘅車去碼頭Port Canaveral,13:15離開酒店,車程一小時!價錢US 248/4人
到啦!到啦!遠遠望見隻郵輪啦!好興奮呀!
14:15 到達Port Canaveral,於郵輪外的停車處落車
即有迪士尼員工來收行李,稍後會代送行李上房!真體貼!
因為係暑假,所以好多都係一家大細一齊上船!
要先經過碼頭的客運大樓一樓,辦理過關手續,因為郵輪將會駛往巴哈馬群島!
Check in手續由11:00至16:00, 我哋14:30 去到,仍然人頭湧湧!
分”美國公民”及”非美國公民”兩條隊,前者人數居多!
15:00 排咗半粒鐘,終於到我哋!
因為已經做網上check in,所以手續會簡單一點!取得智能房卡,購物,上落船登記都係靠佢!最後可以俾cash找數,或直接信用卡自動過數便可!
check in完,其他人都走得七七八八,係時候於模擬船旁影下相!
上船啦!
15:30 職員於我哋登船一刻,叫出我的姓氏來歡迎,真係熱情款待!
入到大堂,即係郵輪嘅三樓Deck 3,影下相後,要問人至識點上房!
因為我哋的房間在船頭(Fwd)位置,所以行去船頭搭lift上房,唔使於船中間(Mid)的lift同人迫,另外船尾(Aft)都有lift上落!
船高14層,我哋住9樓,9014號房,咁啱有個職員在,打個招呼先!
入到房,嘩!好舒服的房間呀!
房間雖小,五臟俱全!
枱面放有歡迎信,晚餐的安排指示票,及預先網上book好的岸上活動票!
仲有今日的時間表,可以按喜好出席活動!
張梳化可變做床的!
有埋露台,可以隨時欣賞海景,令人心擴神怡,真係貴得有道理!
露台外影出去景色
浴室及廁所係分開兩間房的,好似有d嘥位囉!
沐浴用品係H2O的,仲要有disney cruise line嘜頭,的確係唔同d!
門後有逃生指示圖
掛畫係四艘迪士尼郵輪的圖—Magic,Wonder, Dream及Fantasy
床頭燈都咁靚
水杯
15:45 突然聽見廣播,話要去做逃生演習!原來唔使帶埋房入面的救生衣去架!我見人哋個blog都要架!依家已經改咗唔駛帶埋去,不過帶埋好似氣氛好d,好玩d喎!
集合地點已印在房卡上,我哋係要去4樓G區集合!聽完講解後,可以自由活動了!
16:30 先上11樓船頭舺板位置,有個成人專用泳池
再行上12樓
一定要同Mickey頭煙囪影張相!
行去船中間位置,有個主泳池Mickey Pool(6:00am-12MN),不過真係好細,幾時都咁多人在玩水,真係玩水,唔係游水!
有個小朋友滑水梯Mickey’s Slide….
及大人玩的Aqua Duck滑水梯(9:00am or 10:00am-12MN),係全船的焦點所在!
16:40 原來已經開始咗歡迎派對,一齊載歌載舞,將歡樂氣氛推高!
轉眼間個泳池變成舞池,係咪好神奇?
好high呀!你感唔感受到?
[youtube http://www.youtube.com/watch?v=0KMVtsiPRaU]17:00 行上13樓船頭,仲未食午餐,想去搵食,點知行嚟行去都唔見有嘢食!經過有D酒吧,酒類及特飲係要俾錢的!
搵唔到食,周圍影下相啦!
郵輪控制室,唔知米奇船長喺唔喺入面呢?
原來啱啱開始開船!Yeah!出發啦!
影返去碼頭,四日後再見啦!
落返去11樓船尾,終於見到有嘢食啦!不過只係雪糕,好過無啦!
擠得麻麻地,食得就得啦!
其他雪糕係要收費的!
後來才知道下午的快餐Filmore’s Favorities,Luigi’s Pizzeria及Tow Mater’s Grill係位於11樓船尾的另一邊!相隔短短路程,都無緣相見!啱啱上船,成個盲毛咁!都未識睇個時間表上餐廳介紹的部份!
如果想上船後正經食個lunch,就要早d上船啦!因為Cabanas Food Court只係至到15:15的!
17:20 回房梳洗,行李已送到房門口!
晚餐分兩輪,食第一輪的18:00睇二場Live Show,食第二輪的20:15睇第一場Live Show,我哋係後者!
18:15 去三樓的Walt Disney Theater睇Live Show
今晚係Golden Mickeys,做足一粒鐘,內容比香港迪士尼的豐富!
08:15 仲有時間周圍行下,於五樓影落去三樓大堂,有Live Band在表演,四樓白雪公主在同客人影相!
我哋去咗五樓,玩Midship Detective Agency(9am-9pm),做個偵探於船上找出偷狗仔賊,及偷畫賊….
跟據指示,於船上各層找出十幾幅適當油畫,再憑著畫中互動的指示線索….
最後找出誰是真兇!真係幾好玩架!可以俾機會你成隻船成下嘛!玩唔完可以第二日慢慢再玩!
搵油畫途中,經過人哋嘅房門,有好多佈置,應該係有大事慶祝!
其間見到Goofy,著得好靚仔喎!
20:30 準時按指示去Royal Palace食第一餐晚餐
食法國餐的餐廳好elegant!Serve我哋共四枱客的兩位Server,來跟我哋打招呼,話未來幾日都係佢哋serve我哋,後來個head Server都來打招呼!
Sever介紹Menu後,可任意order多款選擇的頭盤,湯,沙律,主菜及甜品!喜歡可以叫幾多都得!
賣相又好,味道又正!
車厘子點咗個羊扒,好好食!
甜品食個梳乎里!
食完後拍拍籮柚就走得,小費留待最後晚餐再俾!
睇下時間表,有卡通人物在三樓及四樓同客人影相,車厘子走去排隊,每次排十至十五分鐘!
連Ann and Andy都可以同米奇船長影相,開心死佢哋!
晚上仲有好多活動,如卡拉ok,Match Your Mate,去Lounge飲酒聽音樂,可惜樣樣都唔啱我哋!
22:30 齊齊返房休息!
