球衣戀人

昨天是相識已久的Blog友Dennis與Becky拉埋天窗的大好日子!
車厘子精心炮製了這幅十字繡送給他們!

近鏡睇真D!

原先個圖唔係咁架!個女仔係著裙的!

不過知道佢哋鍾情於荷蘭及英格蘭球隊,所以參照咗佢哋嗰兩隻吉祥物,俾佢哋換上10 號及11號的球衣!(相片來自Dennis Blog)




畫好格仔開工

繡到女仔的身體時,要先自己畫好草圖再繡!
繡畫不難,難是難在改圖,加上文字及配件時,總要花點心思!
這就是十字繡好玩之處!

繡上結婚日子,再加上新人飲宴當晚會播的英文歌歌名做heading
" Nothing’s gonna change my love for you"
完成啦!不過時間緊迫,唔可以拎去平日幫襯開的店鑲裱,因為需時兩星期!

知道上水有間裱畫可以即日取,於是山長水又遠走咗入去!
係就係可以即日攞,不過手工及用料真係強差人意!(下次都唔會幫襯!)
見到嗎,裱得一d都唔平均,邊大邊細,重要個掛勾係好肉酸咁外露的(下圖可見),過到人,過唔到自己!

於是返到屋企自己動手,拆開相架再加工裱過!
內框太大,所以要再加上絲帶,花邊及蝴蝶等點綴,效果更加美麗!

再買了牛皮膠紙封底,及鐵線作懸掛之用



大功告成啦!
做這十字繡時縫的一針一線,釘上的一絲帶一花邊, 加上的一牛皮膠紙一鐵線,都懷著祝福Dennis及Becky的心情去做,祝願他們一生一世幸福快樂,白頭偕老!

Blog友結婚了

 

 

 

昨天是Blog友Dennis與Becky結婚的大好日子,因此去了他們的註冊場地觀禮+送禮
與Dennis雖然不是深交,但多年來大家在blog上互相交流,已覺得是老朋友般,很有親切感!

會場係九龍塘林肯道伊甸園玻璃屋,第一次來臨,地方雖然細小,但裝修設計得很優雅,是一個很合適的婚禮場地!






會場內也設有飲宴的地方



新人步進會場


讀宣誓詞時,是最感動人的一刻!


很高興能參與他們難忘的証婚儀式!
在此衷心祝福他們一生一世幸福快樂,白頭偕老!





後話:在場居然踫見姐姐的同事,原來係Becky的姨姨,世界真細小
亦很開心認識了Dennis的朋友Iris

旅遊相簿

由十幾年前開始,已習慣將每一次旅行的相片,晒成3R,放入31x 31cm的黏貼相簿!
一本相簿二十頁,並不夠放三至五星期旅行的相片,於是將相簿三合一,變成六十頁,可放最多720張相!



還會將相片加旁白加以解釋,並放入旅行時取過的門票,單張,錢幣,地圖等,以留作美好的回憶!


閒時總愛取出相簿,再細味一下旅行時的點滴,歡樂!




不過加埋相片後,相簿變得又厚又重,厚5.5CM, 重4.6KG,不方便攜帶!

三合一相簿+晒相,一般需$600-$700,頗為昂貴,
但總覺值得我去為難忘的旅程留下回憶!

如今,相簿已達廿多本,佔據了雜物房很多地方!



時代進步,凡事電腦化,沖晒相片將成過去式!
幸好有商人創了這門生意,就是自行DIY,於網上編輯相片,設計出自己獨有的電子相簿,接著由公司將相簿印刷,七日內速遞到你手!

 

相簿大小很多選擇,我選了最大size的,30cm x 30cm,共50頁,相片大小自己隨意決定,
相簿大小及放相量跟我上面舊款的差不多!
但是,現在相簿卻薄身了許多,只有一cm厚,又只重0.88kg,實在跟以前的很大分別!
攜帶方便,利於收藏!



因此,於去年旅遊展的counter promotion時,我一口氣買了三本,一本原價$500,現特價$300,限時去年年底前完成!
幾經辛苦,較早前已將三本旅遊相簿編輯完成了!
七日內速遞到家!



收到自己精心炮製的相簿,很是高興!



印刷效果很理想!

於是在一月份情人節特價時,又再買了六本原價$200,現特價$160的細size 30頁相簿!
為我的浮羅交怡旅伴,製作了每人一本獨有的相簿!
大家收到時都很開心!

邊間公司?
自已去睇下啦!
GreenPrint.cc

好似幫佢賣廣告添!我無佣分架!