真係唔好意思,未開始寫雙牙遊記,又開始另一個Trip啦!
聽日上機 11/8/12-12/9/12 返,共33 日
會同小高,小蔡及Ann and Andy又玩餐飽
今次時間比較趕,唔得閒做新衫俾佢哋,所以Ann and Andy 都係著住舊衫先啦,不過都加咗d唔同嘅Accessories架!呢個Trip主要去非洲南部五個國家:南非South Africa,納米比亞Namibia,博茨瓦納Botswana,贊比亞Zambia,聿巴布韋zimbabwe
唔使担心,唔係自由行,而係參加英國一間旅遊公司Acacia- Africa 的25 days Overland tour旅行團 Desert Trackerhttp://www.acacia-africa.com/acacia_overland/desert_tracker_25_days_2012.php25日團費US 1339 =HKD 10589
玩25日係咪好抵呢?梗係啦!全程無酒店住架!要每晚自己郁手扎營至有得瞓,日頭就同十幾個唔同國藉嘅團友坐住大卡車一齊去觀光,別有一番新體驗!
另去到仲要俾Local Payment US 675 mandatory 及 US 275 (Optional) 共 US 950 =HKD 7381 (入場費及活動費用)
全程都只係HKD 17970,好化算!
大卡車上係無冷氣架!所以熱嘅時候都會幾辛苦,所以帶埋個電風扇仔去吹下都好!
上次於淘寶買的小手信,帶埋去送俾d團友仔及幫過我哋嘅人,嘻!今次唔去做小販啦!
另外, 因為要在杜拜轉機,所以順道留在阿聯酋玩幾日
阿聯酋全名係阿拉伯聯合酋長國United Arab Emirates,包括有阿布扎比 (Abu Dhabi), 阿曼 (Ajman), 富加瑞 (Fujairah), 沙查 (Sharjah), 杜拜 (Dubai)及烏阿爾奎汪 (Umm al-Qaiwain) 七個酋長國聯合組成!
今次我哋主要去其中三個酋長國:杜拜,沙查及阿布扎比
雖然去幾日,但係使費昂貴,預算四天支出差不多等如25天的Overland tour團費(一皮左右)!
今次選乘阿聯酋航空公司,三月份於網上買票,HKD 9305包稅,現今油價高企,呢個價錢也差不多了,遲D買仲貴呀!去非洲,因為係疫區,所以要去打預防針及食預防瘧疾藥
上次去印度及南美洲都去咗旅遊健康中心,先看醫生再打針及買藥http://blog.yahoo.com/_UPLDV7UUSRHJ2MPTZJWDC3YZTY/articles/80290/category/08%E5%8D%B0%E5%BA%A6%E8%A1%8C
今次無去旅遊健康中心,因為搵到資料, 可以去尖沙咀加連威老道33號一樓的基督教家協進會….
打傷寒針$300,可省回醫生費
另需打黃熱針,甲型肝炎預防針,不過之前都打過了,不用再打!
再自己買瘧疾藥 $2/粒,買了七星期的藥共 $98 (需醫生紙,離開疫區要繼續再食四星期)
最近大出血,換了新相機!
新手機及新傻瓜機
Hello Kitty 電話套,雖然我唔係Hello Kitty Fan,但係呢個套實在太靚啦!忍唔住都要買咗佢!
呢次旅行大部份時間跟團,應該好多時間Hea,所以帶埋十字繡去繡,非洲黑人打鼓圖,好應景架,唔知返黎之前可唔可以完成呢?
糖果零食每次都唔少得,呢次買得算少啦!
於淘寶買了真空壓縮袋,今日終於送到!Pack行李時用,可以慳好多位!
返黎之後再同大家分享! bye!
