車厘子小天地: 6月 2009

2009年6月29日星期一

豪買

不久前於blog 友Winnie處豪買了二十本Hand Made巧手易,尋晚終於到手啦!真係好開心!唔該晒Winnie出旺角交收!不過真係好重呀!仲要捧住呢舊嘢先去石硤尾上堂,然後再捧住佢返沙田屋企,真係幾係嘢架!

返到屋企,急不及待拆佢哋出黎睇啦!嘩!大部份都未開封架!呢二十本巧手易,因為係過期書,所以平均只賣三十幾蚊一本,比起平時正價$70一本,真係超抵呀!

點算呀!點算呀!咁多本,拆膠紙都有排拆啦!仲要俾d內容吸引住,今晚唔使瞓啦!最傷腦筋係要搵地方安置咁多本書呀!點算呀!點算呀!!!

2009年6月21日星期日

俄羅斯手信篇

車厘子的俄羅斯戰利品

俄羅斯朱古力及魚子醬

伏特加酒

俄羅斯軍帽(左面)

俄羅斯軍帽(右面)

布製墊子/掛飾

開咗先知入面有樽密糖

聖巴素教堂音樂盒

在蘇茲達爾露天木建築博物館內獻唱的表演者自己錄製的音樂CD

¦±¥Ø 17 - Inna and Alexander Kostrov

各款俄羅斯套娃

磁石貼

小小心意攪攪新意思有獎問答遊戲

為了答謝各位Blog友一直的支持,如果邊三位可以分別答中一條題目,均可獲得車厘子送出的俄羅斯小小手信一個!

1. 車厘子前往莫斯科時在那裡轉機? 答中者___知語_____

2. 車厘子帶咗幾多個杯麵去俄羅斯? 答中者___十_______

3.我們的旅行團一共幾多人? 答中者___小齊_____

20.6.09 20:45 謝謝各位支持,有獎問答遊戲已經完結,恭喜晒中獎者!

下個trip再同大家玩過啦!!

2009年6月19日星期五

俄羅斯遊day 9 及感想篇

7.6.09(日) 莫斯科Moscow —-> 杜拜 Dubai —-> 香港

00:40 乘搭阿聯酋航空 06:00到杜拜機場, 再於09:40 於杜拜轉機飛回香港,到港時已是21:45

話說於一開始到達俄羅斯,已經留意邊度有呢款俄羅斯娃娃伏特加賣!點知日日都見唔到!當最後於莫斯科機場,車厘子剛剛用盡晒所有盧布的時候,居然在過關後的免稅店見到有得賣!

於是好興奮的與我及兩個friend及一名團友,每人買了一支!記得領隊話過,於免稅店買酒,只要不打開封口的膠袋,便可上機!

當買完酒後,原來領隊話轉機前(即係於莫斯科)係唔可以買酒的!(杜拜買就得)唓!又唔一早講清楚d!於是齊齊拿酒回免稅試下退貨,售貨員冷冷的說不行,而且show張轉機不可買酒的告示俾我哋睇!

咁….點算呀!領隊話一係上機時”隊”晒佢,一係於杜拜過行李檢查時博一博啦!(博到嘅咩??)

團友真係於機上開咗支酒豪請各位團友飲,我及兩個friend一於打算博一博!

於杜拜過行李檢查的時候,奇蹟地個個都順利過關,吓?乜唔係唔淮帶多過100ml嘅液體上機嘅咩!保安咁弱,喺杜拜搭飛機咪好危險?

唔理啦!過咗海係神仙,總之依家就可以平平安安的帶支酒返黎啦!不過大家以後記住啦,過關後轉機之前千祈唔好於免稅店買有液體的東西呀!

俄羅斯娃娃伏特加酒

團友Irene請我哋飲的伏特加,小朋友無得飲!!

總結及感想篇

今次俄羅斯之行,因朋友擔心冶安問題,於是少有地跟團,之前也有心理準備跟團會很趕,但想不到真的趕得咁厲害!時間有限,但要將行程表上的景點行完,加上團友眾多,等人都去咗好多時間,點會唔趕呀!於是發揮我哋嘅小宇宙,儘量把握每一個可以影相,購物的機會!方法有參觀時提早出外影相,放棄去廁所的機會去購物等!因為唔專心聽導遊講解,所以其實自己去咗邊都唔知,都係返黎之後做下功課,先清楚返咋!

食物及住宿都比期中理想,可能我哋要求唔高啦!因為平時自由行都無咁好嘅食用及酒店!

總支出: 團費 $ 9990, 燃油附加費+機場稅 $2050, 簽証費 $800, 領隊導遊小費 120 x 8日 = $960 , 自己使費 US $450 (HKD 3500) Total : HKD 17300

最唔抵係個簽証啦!再過一個月就可以免簽証啦!早知道,遲少少去就可慳返D嘛!仲有個芭蕾舞表演,US170真係太貴啦!不過一場黎到,貴都睇啦,跟團係要俾人”坤”下架啦!好在我哋早報名,頭十名有discount,已經慳返唔少!之後報名的團友,淨團費高達14599也有!

其中用US$250 分兩次換了盧比, 兌換率 US 1 = 盧比 27.9 , HKD 1 = 盧比 3.6, 其實只係用黎買手信,最尾都使唔晒,但機場的兌換店休息,唔可以兌回美金,只好在機場用貴價買手信用完D盧比!

景點中最鍾意都係聖巴素大教堂,莎哥斯基的聖三一修道院同埋血腥教堂!因為d教堂真係好靚!不過可惜係去到好多教堂門口都無得入!夏宮係好靚,不過真係好似凡爾賽宮囉,無d新鮮感!

以我哋咁多日在俄羅斯觀察所得,一般俄羅斯人係好唔友善的,例如用英語問他們問題,即該耍手兼擰頭,而且擺出一副冷漠的姿態!邀請他們影相,多數都會回敬你一個檸檬!跟團還可,如果自由行,難度會比去其他歐洲國家高呢!

天氣方面,好多日都落雨,搞到影d相真係爭少少!不過好在去聖巴素教堂的一日天氣好好,又有藍天,影d相好靚!氣溫就好似經歷四季咁,7度至30度!不枉我帶咗件羽絨去!

領隊Ken好專業,事事打點得很稱職,脾氣又好,仲做埋導遊果份!不過如果搭長途車的時候,可以講下帶隊時的有趣事,咁我哋唔會咁悶囉!

團友方便,好多都係上年紀的Auntie,Uncle,好開心見到佢哋好幸福的一齊去旅遊,而且好恩愛(當然嗌交時我看不見!)!好高興認識大細佘生, Anita, Irene,毛毛夫婦等人!

最後要多謝今次同行的Vennes, Peony, Jean, Ann and Andy, Blinda,跟車厘子一齊去旅行,因為大家都鍾意影相,買嘢,扮靚靚,所以玩得好開心,!這是我哋一齊共創的美麗回憶!

最後最後梗係要多一直支持車厘子俄羅斯遊記的你啦!有你的留言,是我繼續打blog的動力呢!

俄羅斯遊day 8

6.6.09 (六) 聖彼得堡St.Petersburg —> 莫斯科Moscow

最後一日行程啦!

早餐後先往聖三一教堂外拍照,當然無得入啦!

接著參觀好比梵爾賽宮的彼得夏宮

坐落在綠蔭中的夏宮，是聖彼得堡最早的一座石造房舍，完成於1714年，作為彼得大帝的住所，有趣的是，彼得大帝雖然地位崇高，但他的住所似乎一向保持簡樸作風，在夏宮完成之前，他住宿的地方竟是一個木造小屋呢，而這所夏宮雖然是當時第一個石造房舍，但規模及設備卻遠不及後來的繼承人所興建的冬宮，更不能與先祖們在莫斯科蓋的宮殿相較！另一方面，雖然外觀造型並不耀眼，但住宿的機能卻十分先進，這裡可是18世紀第一個以水管導入飲水，在房內有自來水可取用的住宅呢，從這裡多少可以反映出這位偉大沙皇講究實用的生活哲學。

進入夏宮館內，裝潢少有金碧輝煌的設計，反而讓人有溫馨及舒適的感受，一樓最吸引人的是天花板上的壁畫及老舊家具，其中在彼得大帝寢室裡的床是當時保存下來的原物，非常珍貴，而有趣的是寢室天花板所繪製的壁畫，描述睡神墨菲斯的光榮勝戰，似乎在說功勳彪炳的彼得大帝唯一敵不過的就是寢室中的睡神。

另外，貼滿青花瓷磚的廚房完整保存18世紀時的樣式，是俄羅斯境內少見的裝潢。二樓除了有彼得第二任妻子凱薩林的房間，還有一間展示室擺放彼得特殊的收藏品──畸形人，幸好這些展示物全都移到瓦西里島上的昆特斯卡莫博物館，否則古舊的夏宮會更顯得陰森。