20.9.09(日) 斯洛文尼亞Ljublijana—>Postojnska Jama —>Skocjanske Jama —>Ljublijana
哈哈!重有福麵剩,08:50食完早餐出發!
今日共去兩個駐名的鐘乳洞穴,一個係Postojnska Jama, 一個係Skocjanske Jame,因為係順路,買一張來回火車票,可以去晒兩個地方!
09:32乘火車€11.18 (return)先往較近的Postojna(1 hr)
10:40 於火車站乘免費Shuttle bus往Postojnska Jama布士東拿鐘乳洞,但居然沒有其他乘客,於是呢位好人的司機先生,成為我哋嘅私人司機!
Shuttle bus 時間表
5分鐘左右,已經到達鐘乳洞
買票往鐘乳洞加城堡,€25/p
人頭湧湧,遊客多的是
乘小火車入洞,好在早有準備,帶有羽絨,因為洞裡只得幾度
洞內一定要跟隨工作人員前進,否則會因洞太大而走失!洞入面有大大小小的鐘乳石,要靠幻想,想像為不同的動物,植物!
12:25鐘乳洞隔離有間”人魚”館睇human fish,見咁得意,所以買飛€2/p入去見識下,原來是生長於歐洲水域的罕有動物!
睇完”人魚”後,於餐廳買了漢堡包€3.9/個,又再遇到沒禮貌的對待!
13:00 Shuttle bus因沒客人,所以又再成為我哋的私人小巴,載我哋到附近的山中城堡Predjamski Grad 參觀!
參選城堡,我諗呢到係要來審犯的!
14:00 參觀完後,我哋嘅私人shuttle bus司機送我哋回Postojna火車站
用同一張火車飛,搭火車(45mins)往Divaca,往另一個鐘乳洞
呢度又係有免費shuttle bus去鐘乳石洞,去程無問題,
不過當我哋回程時,司機已收工了,所以走的時候要想想辦法!
等shuttle bus開車其間,又見好多栗子樹,重跌到一地都係!
見有兩個小朋友在執栗子,於是幫佢執埋一份,後來自己都唔執輸,執了一袋帶返香港
點知….返到香港開了一粒來吃,原來勁苦的,全部都唔食得,唔怪得跌到周街都無人執啦!重俾家人笑我咁遠水路拎返香港得個吉!
16:00 乘搭免費shuttle bus到達Skocjanske Jama €14,要行一段山路才到洞,點解要去埋呢個鐘乳洞?因為呢個係列入咗世界遺產架!不過相對旅客較少!
有職員帶領,沿途作講解!
同之前個洞都差唔多
唯一唔同係會經過一個大深淵,要橫過一條橋!
離開洞穴後,居然有一部大型的升降機,可以返回地面,為了起呢部機,唔知要据走幾多棵樹了,看來它真是與森林非常格格不入!
18:00沒有shuttle bus,唯有問同團的人可否載我哋一程出火車站,問著一對唔識英文的匈牙利夫婦,指手畫腳,雞同鴨講的,又一次成功搭上順風車啦!
18:40乘搭火車回Ljubljana
21:00 於旅遊書上介紹的Sokol Restaurant 晚餐,發覺左右的食客(猜想)是分別來自台灣及星加坡的男女!
點了Mushroom in bread-cup
地道的Game plate及
Country feast ,都非常美味! 共€42/2人
22:20 餐後步行回旅店
沒有留言:
張貼留言