南美洲2014 Day 3 (9/3) 巴西里約熱內盧

9/3(日) day 3 巴西里約熱內盧Rio De Janeiro

06:00嘉年華結束, 搭地鐵R3.2/P回Hostel,07:30於Hostel早餐, 梳洗後小睡, 12:30搭地鐵R3.2/P往Ipanema站, 於廣場逛星期日市集, 13:30食巴西燒烤自助餐R170/2P作午餐, 14:30步行往Ipanema沙灘, 買雪條R2.25/P,之後再搭地鐵R3.2/P往Copacabana海灘, 16:00搭巴士R3/P往糖麵包山Sugar Loaf山腳,17:00搭纜車R62/P上山, 買汽水R11/2P,眺望遠處的耶穌山, 及欣賞里約美麗夜景,19:00 搭巴士R3/P回Hostel, 往超市買蕃茄薯仔牛肉R14.9/2P煲湯作晚餐

住宿:Discovery Hostel (Double,Share,breakfast,WiFi)R163/Room

 

遊記

昨晚通頂後，瞓到中午，先搭地鐵去Ipanema站，食個巴西燒烤+自助午餐，食到好飽，好好味！附近有個星期日市集，逛咗一陣，買了點手信！跟住去咗兩個海灘Ipanema及Copacabana行下，係呀，行下咋，無落水，因為時間有限，唔得閒陽光與海灘了！今日陽光普照，又是星期日，唔少人都來沙灘消暑！但里約的沙灘出名治安不好，我哋都係小心為上，到此一遊後，即閃！之後搭巴士往糖麵包山腳（因個款似麵包而命名！），然後要再搭纜車上山！於山上可鳥瞰里約全城的風光，以及可遠望見聽日會去的耶穌山！在山上遇到個捷旅假期廿八日南美旅行團，跟兩個團友傾談後得知團費要15萬，我暈了！睇埋日落夜景後，再搭巴士返Hostel!落車後天已黑齊，幸好有對好心情侶陪我哋行返Hostel,不然因安全起見，要轉搭的士了！天口㷫，大家都無胃口食嘢，於是去超市買料煲番茄薯仔湯, 平又一餐，貴又一餐，食得開心就得！