31.5.08(六) 早上在比利時Brussel “Bruegel” YHA食完個半自助早餐便搭火車往盧森堡!呢程火車係全程最貴o架!要€41,咁梗係要用火車証啦!
三小時火車後,便到達盧森堡!盧森堡沒有B&B,YHA又好遠!近火車站的酒店好貴,平的又不接受E-Mail booking,於是試下打電話啦!對方又聽不明英文!於是又試下email去盧森堡的旅遊局幫忙book啦!回覆說沒有提供此服務!唯有將booking信翻譯成法文,再fax過去啦!哈!終於掂咗!真係皇天不負有心人呀!就係呢間Hotel Touring-Bella Napoli,是透過盧森堡的官方網站找的!幾好o架!離火車站只不過三分鐘左右!價錢只需€48,還包早餐,十分便宜啊!
房間是連浴廁的!
安頓後,便步行往盧森堡市遊覽!盧森堡地方好細,一日遊可攪掂!
盧森堡是西歐地區面積最小的國家，位於法國、比利時、德國之間，首都盧森堡與國家同名，整座城市因被河流環繞地處山丘之上，戰略位置更顯得重要，自古以來便是兵家必爭之地。盧森堡市大約可分為舊市區及新市區，由河道溪谷自然區隔開來，高架橋連結著兩岸也成為一種特殊的景觀，大部份中世紀建築集中於舊市區，因而觀光景點也多分佈於此。
經過’站前大道’,剛巧踫見Saturday Market!見有香噴噴的熱狗賣,於是買了一個作午餐!
聖母大教堂
憲法廣場
進入舊市區之後，距離亞道爾夫橋不遠的憲法廣場，最明顯的標的物就是廣場上紀念第一次世界大戰陣亡盧森堡士兵的陣亡將士紀念碑，分立在廣場兩側角落，則是貝特流斯砲台和貝克砲台的地下入口處。
乘搭小火車,遊覽盧森堡溪谷風光!€8.5,一粒鐘,都幾悶下!我同Vennes都幾乎瞓著!
阿道夫橋,是盧森堡市重要的橋樑
又一個古董市集
古董車展都俾我地遇到呀!聽講D老爺車是從各個國家駛來參展的!D車好型呀!
軍事堡壘—貝克€2
盧森堡城堡—建於十世紀的城堡區可說是整個城市最早的發源地，現在僅存的遺跡是城堡內部的高塔，城堡位於舊市區的東邊阿爾捷特河的曲流處地勢險要，附近的貝克砲台，和貝特流斯砲台同為當年非常重要的軍事堡壘。
最後一晚,來個終極晚餐!去了間米芝蓮一星的法國餐廳Speltz,來個六道菜的晚餐!足足食咗三粒鐘!€75/Person
主菜係羊扒,肉質真係好嫩滑,好好食!
最好玩就係被邀請去選擇六款不同味道的芝士品嚐!原來食法都有講究,要由最淡味食到最濃味的!雖然不是款款喜歡,但是感覺好新鮮啊!
還有甜品也是很美味!最後埋單時,還送上小小附加甜品!整體上呢餐法國餐物有所值!招待也很滿意!在我們最後的旅程上,留下美好,愉快的回憶!
