幾日無update啦!今日打多D啦!請大家繼續支持啊!
21.5.08(三)呢一間就係我地在阿姆斯特丹的B&B啦!Annette’s Bed & Breakfast!佢有三個房間,分大,中,細房!本打算租中房的,因只有中房是連著浴廁的,較方便,價錢又比大房平,但是屋主Annette在email中表明中房很細,不適合我們住五日這麼長的時間,建議我們住大房!我見大房是連小廚及小花園的,雖然價錢係貴D,經再三考慮,都係選擇了大房啦!大房一晚住宿連早餐€70,不連早餐€55,於是我選擇了一日有早餐,四日食自己啦!其實呢個價錢,在阿姆斯特丹是相當便宜呢!但這地點距離火車站比較遠,要搭十五分鐘電車啊!
我們大房內的小廚,為咗慳錢,所以好多餐都自己煮啦!
小廚隔離就係我地嘅床啦!日日玩到好倦,返來在這床休息,真係好鬼舒服!
重有個小花園,可以出o黎晚餐!不過Annette隻狗狗多次在此留下地雷,
其實地方都算唔錯o架啦!不過有一樣唔好的,就係門鎖在房門外的,在內時(即係瞓覺的時候)就無得o鎖架!我地就覺得好有問題,無安全感嘛!萬一其他房客走咗入o黎點算呀!但係Annette堅持沒有問題,說她的B&B很安全!咁無計啦!
呢個就係Annette為我地預備的早餐啦!真係好豐富啊!而且還準備食物袋俾我地打包午餐!不過過去幾日在Mr.Bocsh的B&B已經係食呢D早餐,開始有D厭啦!而且早餐時間一定係九點,想早D食都唔得!好彩我地只訂咗一日早餐!(兩人早餐要€15,你都咪話唔貴!)
呢個就係屋主Annette啦!你咪睇佢笑騎騎呀!佢好有原則o架,一有問題時,佢就會玩變臉來同我地’傾計’o架啦!所以呢五日,都係同佢少溝通為妙!
出去玩啦!今日本打算去傳統漁村Volendam的,但係去到巴士站,原來佢地由上午九時至下午四時罷工呀!好彩我地D時間好鬆動,咁…..今日先在阿姆斯特丹閒逛啦!
阿姆斯特丹四處都是運河,可乘水上巴士或遊船作交通工具!
今日可以好遊閒咁四圍玩!第一站先去滑鐵盧廣場跳蚤市場Shopping下先!
呢個市場,好多各式各樣的紀念品,日用品,古董賣,有平有貴,好似尋寶咁,真係好多野睇!我地都o係呢度出咗血啦!
你o地估下呢張相左下角一粒粒綠色物體係mud野?珍寶珠?唔係呀!係…..大麻呀!包裝成咁,真係第一次見!
好多袋袋,絲巾賣呀!執了唔少平貨,仲要係made in Italy o架!
行完市集,便去了百貨公司見識見識!當然D野梗係貴到無譜啦!再之後去了辛格爾花市逛!呢條街好以香港的花墟!除了花外,還有好多紀念品賣!D花好新鮮,好靚!
有好多種類的花種賣!
可能是批發價,呢度D鬱金香比較平,我同Vennes決定買五十支鬱金香,可以用來影相之餘,又可放在B&B欣賞幾日啦!五十支只需€10,算好平啦!
在 I amsterdam公園影了好多寫真,你睇!Ann比花嬌呀!
回到B&B插起D鬱金香,哎呀!一個花樽也放不下五十枝花呀,唯有分開兩個樽啦!一個放自己房,另一個送給了Annette!有花收,佢當然高興啦!
因為已經九點幾,今日的晚餐只是簡簡單單的煮了個香港帶來的公仔麵+小肉腸!肚餓起來,都好好味呀!
沒有留言:
張貼留言