荷比盧之旅--day9

24.5.08(六) 又係車厘子整的愛心早餐呀!炒旦火腿加麵包,再來公仔麵,似唔似香港茶餐廳的早餐A呢?

今日巴士無罷工啦!我們計劃先往艾登Edam,再往傳統漁村沃倫丹Volendam,及馬肯Marken!在阿姆斯特丹火車站外的巴士站,搭110號巴士,在車上購買一張€6的車票,可隨意上落這三個地方!

這就是美麗的艾登了!其實只是順道一遊!這小鎮地方不大,我們只用了一小時左右便逛完!此處給人很寧靜的感覺,因遊客比較少吧!

咁好陽光及美景,梗係要俾Ann and Andy出o黎玩下啦!你睇,連鴨仔都同想同佢地玩呀!(其實係車厘子好辛苦咁用餅乾碎引D鴨過o黎影相o架!)

在教堂外遇見一個馬車婚禮!噢!真係浪漫啦!如果主角係我…….就好啦!

(發夢無咁早呀!)

之後再搭巴士往沃倫丹Volendam啦!嘩!呢度又係好靚o架!而且好熱鬧添!

好多好多遊艇呀!

此處有三間專替遊客拍傳統荷蘭服裝照的照相館!生意非常好啊!老闆一定賺到笑!我同Vennes當然也有一齊影啦!€13/人(2人照)效果好理想,要珍藏!

BB都影!好得意呀!

小妹妹,笑下啦!Cheese!

影完後,職員好大方的俾我地著住佢地D衫,用我地自己的相機任影!真係Mud都抵晒!最後,我o地連木屐也捨不得除下!

影完相,醫下肚仔先!呢度有好多餐廳食海鮮的!不過….基於經濟上的理由,我o地都係食海鮮…..包算啦!都唔錯o架!海鮮包€2.5,蟹肉包€3.5!還有炸鱈魚€3.5!Ann and Andy都話食過返尋味呀!

Twins呀!未拆夥的!

呢度勁多手信賣呀!以我地在荷蘭咁多日來看,呢到買手信就最抵啦!我地行到唔捨得走呀!

終於16:30搭船走啦!€4.5單程往對岸的漁村馬肯Marken

相對於沃倫丹的熱鬧,馬肯是個相當寧靜的小村莊!地方很小,商店只得數間,我地只花一小時左右已行完了!

遇見可愛的妹妹,大方的擺post給我們拍照呢!

六時在馬肯搭巴士回阿姆斯特丹!去了旅遊書介紹的餐廳Haesje Claes,吃傳統荷蘭料理!

先來海鮮湯及青豆湯!青豆湯是荷蘭的傳統湯品,味道一般啦!嫌它太杰啦!

主菜係Steak及羊扒,過得去啦,無驚喜!

甜品就有驚喜啦!賣相一流!

不過最後埋單時就唔多喜啦!多謝€51 !