11.7.08(五) 出發啦!晨早往機場,搭10:30的新加坡航空往星加坡啦!
同行的有車厘媽,我家姐及兩個姨甥仔!因為有兩個姨甥仔,所以今次的Trip有別於車厘子以往的自由行,因為要陪玩,所以行程都係以佢地為先!但係都玩得好開心!而且有老有嫩,有皇牌做夜香婆…..的士上…的士落!!!
當然,梗係唔少得佢地兩個….Ann and Andy啦!呢次佢地都有機位架!
上機後,Ann and Andy多了兩個friends,係小朋友搭飛機的小禮物!
陪玩由上機開始—-打遊戲機!車厘子好耐都無玩過!玩到好倦!
有飛機餐食啦!但係我覺得姨甥仔的兒童餐好食D,但係唔記得影!
一行五人,寄艙行李四件!
三個半鐘後便到新加坡!先往文華酒店Check in,可惜我們要求的相連套房未預備好(有無搞錯,話晒五星級嘛!),唯有先寄行李,出去玩後今晚再攞房啦!
第一站,搭的士去了新加坡東部的IMM Shopping Mall玩!知道有呢個玩水的樂園,所以家姐已準備好游水裝備給姨甥仔玩水!
睇o黎真係好好玩!玩到佢地癲晒!
濕玩完就過隔離乾玩…..
玩完就行玩具店…..
玩了一個下午,黃昏搭的士回酒店,原來家下新加坡於17:00-20:00搭的士,要加35%附加費!計起都幾係o架!
終於攞到房啦!係兩間房相連的!
姨甥仔又好似去了遊樂場一樣!
本來打算去呢間文華的頂樓食著名的海南雞飯,但可惜無訂位!要等好耐,唯有叫Room Service,叫入房食啦!
又唔錯喎!等食其間可以沖下涼!
今晚開餐有海南雞飯,串燒,椰汁飯,及家姐好鍾意食的海鮮叻沙!
兩兄弟一齊沖泡泡浴!
一齊睇電視!佢地真係爽!
沒有留言:
張貼留言