血拚深水埗

成日都聽D Blog友話深水埗的東成針車行D嘢好平,今日特登去Look Look先! 原先只諗住買支水消筆,點知……出事啦!

(以下純屬分享,絕無商業成份,Yahoo大佬,千祈唔好殺我個blog呀!)

水消筆,真係好抵,五蚊雞一支!

估唔倒售貨的Counter細細,但係勁多較剪及布藝工具賣!仲要好平添!有幾平?自己得閒去睇下啦!個售貨員姐姐仲好鬼nice,服務態度一流,所以成功推介咗好多工具俾我!老闆一定要加佢人工啦!

日本KAI出品的切割器

想買好耐的Mini熨斗

又係日本KAI出品的剪布較剪,有安全套架!

Clover的懶人滾邊器,應該好好玩的!

Clover出品的白色劃粉筆!劃在黑布上一流!

又係Clover出品的拆線刀及錐仔!哎呀,街邊幾蚊貨仔咪有囉!使唔使買到幾十蚊把呀!無計啦!鍾意個牌子嘛!

仲有仲有…D衣車仔擺設好得意呀!真係忍唔住, 一買買了四架!

最鍾意係呢一架!

因為仲可以開得架!

呢架好有懷舊feel!

呢兩架係最mini的!好可愛呀!

買咁多之後,老闆都過黎睇下我買咗d 乜,仲介紹我買呢把好抵的stainless steel較剪,仲話俾七五折我….只係呢一把!!!!唓!

售貨員姐姐仲俾咗本cataloge我睇!

埋單啦!有九五折,盛謂$777大元„,呀!流血不止啦!!!

稍為止咗D血後,又繼續喺深水埗四圍貢!買咗D心心加鏈,要來加在口金包上裝飾!

行過D口金扣店,買咗兩個3.5cm的mini口金扣

街邊的大大碌皮革線,只需五蚊雞!

兩蚊一條拉鏈!

質地唔錯的粉紅色水玉布,十蚊一碼!

係時候入定貨—雙面燙及鋪棉

哈!見到有車厘子的緞帶賣,買咗一碼,做我自己的私人logo先!

是日出血完畢,但仍在止血中…..

這是同事給我玩的布包鈕,在吉之島的十蚊店買的!好開心呀!快d得閒玩下先!