為咗將D縫紉工具企理D放在一起,於是的起心肝做一個針線包包,做起手作時都開心D啦!睇下書參考,自己又改良一下,又問下車厘媽,拆拆改改後,針線包終於完成啦!車厘子自己都覺得好滿意呀!
拉好拉鏈睇下!脹卜卜的,好可愛呀!
反轉另一面見下大家啦!
車厘子獻醜分享一下製作過程,各位多多指教呀!
先將25cm x 35cm 的表布,薄襯,鋪棉,薄襯,檔布夾在一起,再壓線
包上綑條
再上拉鏈
按打開拉鏈後的size,裁一塊內布
cut 2片 6cm x 8cm的不織布,用來放縫針用
再包上綑條
裁2片16cm x 11cm(未計止口) 的內袋,面對面車好後返轉,再包上綑條,在綑條的中央縫上暗扣
裁2片 5cm x 9cm(未計止口) 的細較剪套,面對面車好後返轉,再包上綑條
將不織布,內袋,及細較剪套車在內布上,再以藏針將內布縫於針包上
按自己較剪的大小,裁出2份以下的形狀(我的是22cm高 x 11cm闊),分別都以表布,薄襯,鋪棉,薄襯,檔布夾在一起,再壓線
包上綑條,再加上一段小綑條(縫上暗扣),作hold住較剪用
於較剪套的底部,縫上3粒暗扣
再做一個簡單的針包仔,縫上暗扣
於針線包的適當位置,縫上暗扣
將大較剪套及針包加上.
另外中間位置的上下方,縫上鈕扣,加上橡根,作栓住線碌用
最後梗係要加上車厘子的logo啦!
幾經辛苦,針線包終於大功告成!
加上工具後更加開心!
沒有留言:
張貼留言