14.9.09(一) 克羅地亞—Komiza —> Vis —> Komiza
08:00 於民宿早餐
08:20出門,我們的民宿在二樓
今天天色陰暗
到旅遊公司問會否出團去藍洞,答案是”NO”,算啦!是預料中事,好在我哋在黑山的時候,已經去過藍洞游水,所以不是太大遺憾!
再出碼頭影下相,天色唔好,影d相都唔靚!
09:00仲落起雨添,真掃興,唯有回民宿休息!心想莫非整日要在民宿度過?
10:30 休息過後,試下出門看看,嘩!放晴呀!梗係即刻出門啦!再去旅遊公司問會否再出團去藍洞,答案都係”NO”,因為風大危險喎!再問下有D乜嘢tour可以參加,介紹咗個探洞團,不過要最少四人才成團,現在才得我哋兩丁友,唯有遲d再來問過!
出碼頭再影相,天色非常好,不能出發真可惜!
呢個應該係上船去藍洞的地方…..好想去呀!
車厘子想,今天總不能讓它白白地渡過的,於是鼓起勇氣,往多隻遊艇的船家問會否出海,可否帶埋我哋兩個去玩?有d話剛剛回來,有d話再沒有空位….
終於問到幾隻艇,都話帶我哋去玩無問題,不過……..要幾日後至返……即係唔使諗啦!
11:30 咁唯有乖乖地留低,食個lunch先啦!
Komiza Charly 餐廳食Pizza 50kn/2p (HKD 78) ,熱辣辣,非常美味!
lunch後再去旅遊公司,再問有否人再報名去探洞團,答案結果都係”NO”!
12:40唯有搭小巴20kn/p (HKD 31)出Vis行下啦!
半小時後,到達Vis閒逛,不過一定要睇準小巴班次,因班次疏落!
Vis的巴士站附近有間超市,買了食材今晚大顯身手!
15:00 乘巴士 20kn 回Komiza,到一間釣魚店,買了個魚排20kn,一會到碼頭釣魚!
15:45先拿食材回民宿,再奢侈地來個午睡!
17:15 出碼頭釣魚
你睇!幾多魚!魚餌係今午的Pizza麵包,但好難上釣,後其有個叔叔見我哋釣得咁辛苦,送咗一堆小魚俾我地做魚餌,即刻成功引魚上釣!
上釣啦!不過唔知叫咩名,總之問過人話食得啦!
釣咗個幾兩個鐘,二人共釣咗六條,算係咁啦!好開心!
今日奉獻出車厘子劏魚的第一次!
煲蕃茄薯仔洋蔥湯!
蕃茄長通粉
蒸魚,雖然醜樣d,但係好鮮甜架!
煎豬扒
唔係自己讚自己,真係不知咁好食!
D魚俾小高食到得返棚骨!
今日雖然去唔到藍洞,但都算過咗悠閒的一日,為以後的旅程充電!
沒有留言:
張貼留言