16.9.09(三) 克羅地亞-Split —>Sibenik —>Krka National Park —>Sibenik —> Split
曾經問過旅行社,Day tour往 Krak國家公園,要375kn/p (HKD 586),非常昻貴,都係自己搭車去好了!但是要轉車轉船,非常轉接,巴士班次疏落,所以一定要問清楚時間!
07:00 Check out,今晚會乘夜火車往Zagreb,但暫寄行李於民宿
07:30 乘巴士66kn (HKD103)往Sibenik(1hr 45mins)
09:15 到達Sibenik的巴士站,問好往Skradin的班次
還有時間,於Sibenik古城遊覽
沿海濱一直行,便會到達大教堂
SV Jakova Cathedral
早於1402年建成,為哥德式建築的天主教大教堂,全岩石建造,不過曾於1991年的內戰中受到嚴重破壞,後來得到復修,於2000年被列入世界文化遺產!
教堂對面是餐廳,是借用洗手間的好地方!(大方d行入去,waiter會以為你係食客!)
另外呢間係聖方濟各教會
10:45 回巴士站的小型超市,買定lunch入Krak國家公園,聽聞入面d嘢食好貴架!
個女仔見我哋係又影,唔係又影,覺得好好笑,仲叫我哋寄返d相俾佢!無錯,係原始的寄,唔係e-mail,(以上對話全係雞同鴨講,手勢並用搭夠),唔好啦!要我做埋d咁out嘅嘢,不如有緣嘅,你上我呢個網度睇相啦!
11:15 再乘巴士34kn(HKD 53) (return)往Skradin(20mins)
11:35到達Skradin,行一段小路,便會到達Krak National Park的售票處,入場費是包來回船票的95kn(HKD 149)
來往Skradin及Krak國家公園的遊船,每小時一班,但不是所有時間能配合巴士出Sibenik
12:00上船,船程25mins,上層勁大風
12:25 到達公園,跟隨人群,步行10分鐘左右,已到達下游的大瀑布
可惜今日天陰,否則d水一定好靚!後來還落毛毛雨,天氣變冷,很少人落水,車厘子有備泳衣而來,但仍猶豫要不要以身試水!
好有氣勢的大瀑布
先邊午餐,邊欣賞瀑布吧!
火腿,沙甸魚包,超市價 18.4kn/2p (HKD29)
午餐完畢,沿小徑向上步行,見有好多檔攤擺買
毛花果乾,酒
沿途都有大大小小的瀑布
瀑布上游
還有一個小小的博物館
於上游的地方,有個洗手間,換好泳衣,回去下游的大瀑布游水啦!
(下游都有個洗手間,不過要收費架,上游嗰個,居然唔使收,去咗兩次都係,不過下次你去的話,就唔敢包啦!)
D水非常凍,但係一場黎到„幾大就幾大,都要落下水啦!湖水下滑石頭處處,真是十分危險,所以要小心翼翼,才出到去咁遠!小高忌水,只浸浸腳!
玩完水,上返上游的免費洗手間換衫,都係自己衰,無睇時間,換完衫出來已經係15:25,剩五分鐘便開船,小高等我等到非常心急,遠遠見到我便示意要跑,結果以九秒九的速度,跑出去碼頭……好在……最後都趕到上船!
上船後呌返順條氣先!
15:50回到Skradin
下一班由Skradin回Sibenik的巴士係17:00 ,亦係最後一班,(其實搭16:30由公園開出的船也可,不過驚趕唔切就弊),仲有1小時,周圍逛下!
見到有檔賣柑的,買咗兩個15kn (HKD 24),嘩!勁酸呀!不過要提的,其實係檔主的態度,嘩!勁衰呀!
呢檔就唔同,幾好招呼,於是幫佢買咗好多盒毛花果乾及毛花果醬!
最後一班回Sibenik的巴士,應該17:00到步,但巴士遲到,結果等埋下一班船的乘客,巴士才姍姍來遲!等車人數眾多,又沒有隊伍排隊,巴士一到,眾人都一擁而上,幸好巴士剛停在我同小高面前,所以有位可坐,眼看著司機為二,三十個乘客收完車費才開車,足足停留了十五分鐘,咁無效率,唔怪得巴士會誤點啦!
18:00到達Sibenik,18:30再乘巴士50kn(HKD 78) (1hr40mins)回Split
19:40往火車站買今晚的夜火車車票往Zagreb,幾日前問過車站職員,只需上火車前買票便可,不怕無票!但當我哋話要買兩張臥舖時,居然話無票,叫佢再check清楚d,好在有兩張是分開包廂的臥舖車票,好過無啦!但今次又被人老點啦!早知今早先來買票!
20:20 隨意於Split巴士站的Pizza小店吃新鲜出爐的方形Pizza,非常美味! 10kn/p (HKD 16) 汽水 6.5kn(HKD 10)
20:50晚餐後,回民宿House Sandra借用洗手間洗澡,這是男戶主允許的,但他的媽媽卻不順氣我們check out了仍使用洗手間,指手或腳的,要我哋洗澡後抺乾浴室才准走,但只提供一塊手掌大的毛巾給索水,抺到我死死下!令我對呢間民宿的感覺大打折扣!
21:25到達火車站,22:10乘夜火車往克羅地亞首都Zagreb 283kn/p (HKD 442) (8hr40mins)
每車廂有上中下三格,因為兩張車票不是在同一車廂的,可憐的我和小高,要分居一晚啦!
走廊位
沒有留言:
張貼留言