2011年3月份有三星期大假,相約好小高及小蔡一齊去旅行!去邊好呢?思前想後,決定去尼泊爾!三星期好似多咗d,不如去多一個附近的國家!緬甸?原來由尼泊爾飛過去係無直航的!咁….不如去不丹啦!不過好貴喎!撞啱不丹呢個時候有個節慶春祭,爭扎一輪後,決定貴都去睇下啦!
於是,一月份開始訂機票及計劃行程!
前往尼泊爾的航空公司,主要有港龍航空及尼泊爾航空等,不過前者價錢貴,約六千幾蚊,後者平d,不過航班出名容易delay,所以都唔揀佢!終於揀咗更加平的南方航空HKD4300(連稅),不過代價係要由廣州起飛!
往尼泊爾,持特區護照及BNO均需簽證,並可去到尼泊爾機場才做落地簽証,但係我哋夜機去到,唔想再排隊搞簽証,於是決定預先在港辦理!
手續很方便,地點:
尼泊爾駐港總領事館網址 先Download申請表及填好,再往以下地址交表格及一張相片
香港九龍尖沙咀東部科學館道1號康宏廣場北座715室 電話：(852)2369 7813
於紅磡港鐵站D1出口出
由行人天橋一直向前行
於新東海商業中心的入口進入
可到達 康宏廣場北座
715室
15天—HKD 200, 30天—HKD 320, 90天—HKD 800
無乜人,唔使排隊,因為我哋去三星期所以簽証費係HKD 320,翌日可以即取回護照+簽証!不過只有上午時間辦工!
樓下附近便是公共圖書館,順便去借埋尼泊爾旅遊書作參考!
第二日去攞返個簽証,搞掂!
另外去尼泊爾,打算會健行,於是要先上網找導遊資料,於台灣的背包客棧找了七八個有良好評語的導遊,並發Email給他們比較一下價錢!通常多人讚賞的,價錢比較貴,導遊費US 20/day以上,而我哋最終搵咗Sagar作我哋的導遊,只需US 15/day,另porter 12/day!算係好相宜的價錢!另外導遊都會提供package價錢,但經我哋精心計算過後,都係剩係俾導遊費抵d,其他費用自理!
沒有留言:
張貼留言