Day11 15/3/2011(二) 加德滿都—杜利克爾(Dhulikhel)
仲有兩日先至去不丹,咁去邊好呢?Trekking guide介紹我哋去東南面的一座小城Dhulikhel,去過兩日一夜!
不過因為相機經常顯示”communication errror with the contact lens”,於是決定早上先帶部機去Cannon辦事處度check check!
10:05 於酒店門口,搭人力車去New Road Rs 60/2P (HKD 6.6/2人)
留意個響按,係用氣水樽做架,真攪鬼!
十分鐘左右到達New Road,成條街都好多相機店
原來尼泊爾都咁多士多啤梨賣喎!
10:30 跟住地部終於打到Canon的辦事處,要上樓的,向職員講述相機毛病後,佢話原來問題不在Canon的機身上,是鏡頭問題,但因鏡頭牌子係”騰龍”,所以佢幫我唔倒,不過都好多謝佢嘅解答!
於尼泊爾沒有”騰龍”辦事處,於是要返香港至有得攪!(後記:返香港要攪都好貴,終於Trade咗佢,換咗支新鏡!)
New Road
10:45 於New Road上的三樓Cafe食個Brunch先!
11:45 差唔多成粒鐘,終於有得食啦!車厘子叫咗個Chicken Burger,都幾好食!
小高叫咗牛扒,都唔錯喎,不過等得耐d啫,但唔好以為好多客至咁耐,成場只得我哋一台客咋!都唔知點做嘢嘅! Rs 650 (HKD 72/2P)
12:10 行去附近的巴士總站,遇見好多小販,最愛看民生!
12:20 到達公巴巴士總站
呢加公巴係直達杜利克爾(Dhulikhel)的,車係舊D,又無冷氣,不過可以體驗一下當地人的生活嘛! Rs 40/P (HKD 4.4/P)
12:25 開車,車程1.5小時
在車上影小販擺賣情況!
巴士愈上愈多人,見到我哋兩個中國人都眼望望!
其間經過好多梯田
14:00 終於到達杜利克爾Dhulikhel(音 嘟li kel)
本來想入住呢間近巴士站紅色嘅旅店,不過睇完房之後覺得好殘舊,最重要係老闆唔肯多減價,於是走人!
跟住有個中介人想介紹旅店俾我哋,就係Sagar都推介果一間Langtang View Resort,但係要行好遠,點知半途踫到酒店老闆,重話可以用電單車車我哋過去!
就係咁,好似天若有情咁用佢架烈火戰車車我哋入去間酒店,如果自己行,起碼要行多15-20分鐘!
15:00 間酒店都幾靚仔喎!
酒店係舊年新起的,房間好新淨!Rs 550/2P(HKD 61/2P)老闆及職員都好友善
安頓好後,15:40出發往一條短的健行路線往景點Kali Temple卡利神廟
由酒店的門外的山路一直向上行便可!
回望我哋住間酒店
沿途又有兩隻狗狗為我哋引路
車厘子今日著咗件尼泊爾服裝,扮下做當地人!
慢慢行,行咗40分鐘,終於到達Kali Temple卡利神廟
不過寺廟已經被駐軍占據了!
寺廟
周度都好多軍人
遠眺的景色都是梯田,不過可惜太多霧氣,否則係可以看到喜馬拉雅山脈上的珠穆朗瑪峰
背住一大堆乾草的村婦
16:35 要參觀的地方不多,好快可以落山,可走另一條鋪設好的1000級樓梯石路
其間經過一個金色大佛Shanti Ban
17:00 落到山腳
17:30 再行半粒鐘,到達小鎮,剛巧今日有個節日Namo Durga Festival,周圍都好熱鬧
呢位姐姐都我哋講尼泊爾話一至十
賣雞檔
人人都著到好似新年咁
Hari Siddhi寺
四圍的建築物都好有歷史
庭院中央有d攪作喎,攝埋去睇下攪乜科先!
原來有d戴咗面具扮神靈及魔鬼的人在跳舞,重用隻雞舞嚟舞去!
呢隻係魔鬼
跟住個神靈仲走勻全場,d人就好驚咁避開,原來俾佢掂到,係要俾錢出嚟架,但係有d人就專登走去掂去,然後乖乖奉上金錢,話會得到祝福咁話,真有趣!
唔好嚟我度呀!
同班嬸嬸影完一張相之後,個個都話要再我哋影!
18:30 天黑啦!要返酒店,但係點返去呢!行返去起碼大半粒鐘,天咁黑,好危險,又搵唔倒的士,於是打電話返酒店,叫人call車俾我哋返酒店Rs 200/2P (HKD22/2P)
19:30 之前預約好於酒店食尼泊爾晚餐Rs 250/P (HKD 28/P),不過酒店又停電,連後備電都無,所以又出動了蠟燭,來個燭光晚餐!
