Day4 8/3/2011(二) 樸卡拉—莎朗閣Sarangkot,Binda Pasini Temple,蝙蝠洞,Mahendra Gufa洞,色悌河峽谷Seti River Gorge,國際山峰博物館,魔鬼瀑布,Guptehwor Mahadev洞,和平佛塔
今日要晨早04:30起身,因為要去睇日出
05:00食早餐….咁早都有得食呀!時間係咪好彈性先….不過正是停電時間,要點住蠟燭照明,所以間酒店咪叫Candle Inn囉,鬼咁有情調!
05:40 Sagar個的士司機朋友Kulman來酒店接我哋,尋日講好咗包車半日Rs 1400/3P(HKD 154/3P),先出發去莎朗閣Sarangkot看日出,有人選擇1. 步行上山,步行下山 ; 2. 乘車上山,步行下山 ; 3.乘車上山,乘車下山….我哋嘛….選擇了3 !行山?下晝先啦!今朝決定倒夜香…的士上,的士落!
06:00 20分鐘車程,已經直達莎朗閣Sarangkot觀景台!門票Rs 25/P (HKD 2.75)
山上的紀念品店
於莎朗可山可看到喜馬拉雅山脈全景,如Dhaulagiri峰(8167公尺),魚尾峰Machhapuchhare(6697公尺),及安娜普納二號Annapurna II (7937公尺)等!
在此看日出,一流!
出啦!出啦!日出啦!原來日出日落係有聲架…你知道嗎?
日出係”炸炸聲”,日落係”拿拿聲”的,話咁快就出咗啦!
魚尾峰Machhapuchhare的大特寫
天都光晒啦!重影?小高小蔡,要去下一個景點啦!
走嘅時候見到d老外團在開餐食早餐!
07:20 十分鐘車程,到達Binda Pasini Temple
此廟建於17世紀,廟中供奉著帕爾瓦蒂女神好鬥的化身杜加
香火鼎盛
好多人帶住隻雞來品神,此情此景,香港再唔會見到!
好神心的善信
呢個善信靚女好多!
有個苦行僧在幫人祈福….我估!
一隻老虎頭….我估!
拜神用品….唔使估都怕係啦呱!
07:45 要再去下一個景點啦!
08:00 到達蝙蝠洞,門票Rs 20 (HKD 2.2)
原來呢度嘅蝙蝠係會笑架!
Kulman帶我哋入洞!
入面好點,不過我哋早有準備,帶有頭燈!
嘩!好多蝙蝠呀,不過Kulman話以前仲多,由兩萬隻到依家只剩下四千隻左右,因為洞穴開始俾遊客參觀後,嚇走晒d蝙蝠lu!
近鏡睇下,哎呀!你哋好肉酸呀!
最好玩就係個出口,要好辛苦地半爬半爛先至出倒嚟架!如果爬張保仔洞係**難度,咁呢個洞就係*****難度囉!
08:25 出洞!見到個妹妹背住個竹籮返屋企,跟住掃地….
我哋咁有愛心,梗係幫下佢手啦….其實我諗妹妹心裡話:真係好耐都唔該呀!阻鬼住晒!
08:45 五分鐘車程後,又到另一洞穴Mahendra Gufa,門票Rs 20(HKD 2.2)
除咗要俾門票費用,仲要俾導解員費RS 100/P (HKD 11),由呢位發現呢個洞嘅Yam Sunar帶入洞
咦?典解其他人唔使導解員員帶嘅?Yam話只係帶外國遊客,當地人識路,唔使帶喎!我哋話我哋都識路架,而且有司機帶住,Yam話No way,一定要由佢帶!無計,乖乖地俾錢!
Mahendra Gufa洞內有好多鐘乳石,用電筒照住仲會閃閃發光
幾處地方都有神像給人供奉
呢度就有個鐘乳石,視為濕婆的生殖器”靈甘”給人供奉
呢度d窿都係好難蜎架!屬相****難度!
09:35 出洞之後,Yam教咗我哋一d尼泊爾話,我哋又教佢中文,來個文化交流!
10:10 再坐車來到色悌河峽谷Seti River Gorge,門票Rs 20(HKD 22)
於KI Singh橋上,可看見河水在峽谷裡形成的漩渦,水流好急!
Seti River Gorge,河水成奶白色,見當地人取水後,好似灑聖水咁灑在身上!
再行入去,有戶人家非常熱情,兩公婆周圍安排位置俾我哋於神像前及同牛牛影相,仲成日攝入鏡頭,好鬼攪笑!咁有心,於是俾咗Rs 20/3P佢哋!
後尾個嬸嬸仲揸牛奶俾我哋睇,不過又再問我哋攞錢,於是又再俾多Rs 20/3P佢!
10:30 走嘅時候,叔叔仲追出嚟俾佢d珍藏錢幣我哋睇!得啦!知你勁啦!
11:00 上午行程完畢,Kulman車我哋返酒店,先放低不必要行李,準備行裝下午行山,Kulman問我哋下午仲要唔要車,講好價錢後,約好稍後才出發!下午包車Rs 600/3P (HKD 66/3P)
11:25 先往國際山峰博物館Internatal mountain museum,門票Rs 300/P
入面好大,專門介紹喜馬拉阿地區歷史,文化,地理及生物的展覽!
12:20 今日中午於Fish Tail Lodge午餐
前往餐廳,要乘繩索浮台過湖
美麗的費娃湖,有人在游水….
仲有人在….洗衫???有無攪錯,咁咪污染晒???
入面其實係一間酒店,周圍環境都好靚!
原來尼泊爾皇家人員,各國政要,仲有英國查理斯王子,日本皇太子來渡假時,都係入住呢間酒店架!
仲有泳池
食物都唔錯,不過價錢比較貴!RS 2100/3P (HKD 231/3P)
13:40 餐後坐小船回對岸,都係免費的!
13:50 Kulman再車我哋到魔鬼瀑布Devi’s Fall,門票Rs 20(HKD 2.2)
此瀑布又名Patale Chhango,河水暴漲時,瀑布沖下的聲音震耳欲聾
但今日見的瀑布,無乜睇頭喎!
當地人小吃
14:l0 魔鬼瀑布的對面就係Guptehwor Mahadev洞,約好Kulman聽日時間,之後Say goodbye啦!
門票Rs 100/P(HKD 11)
Guptehwor Mahadev洞,內有著印度教的神龕,又係有一個濕婆的生殖器”靈甘”給人供奉,不過呢個好大個的,但唔俾影相,俾唔倒你睇有幾大!
神龕後面有條通道,走到底,會看到條狀的可塊,形成一線天!水流都是來自魔鬼瀑布的!
14:45 出洞!天口慶,買返d汽水飲下 Rs 220/3P (HKD 48/3P),嘩,果然係遊客區,早知問咗價錢先至買啦!
洞外有個Shopping area
15:10 跟住行咗去西藏村,有間Jangchub Choeling廟
不過今日係假期(三八婦女節,原來佢哋都有假期),所以好多商店都關門大吉!
15:30 於西藏村問的士司機往和平佛塔要幾銀,點知開大價,梗係唔睬佢,後尾問了巴士司機,話前面有條路上去,仲免費載咗我哋過去,又賺咗!
15:40 就係呢度啦!由呢度一直行上山2.5KM,就可以上到去和平佛塔!
小高話太晒啦!要打傘!
有幾隻狗一見我哋上山,即刻為我哋引路!
其間見到的村姑…
及影完相會問你攞糖的小朋友
遠遠的望見和平佛塔,睇怕仲有排行!
上到去一間Peace Dragon Lodge,有個觀景台,可看見費娃湖的全景!
過埋呢個入口就到啦!
17:05 到啦!我哋行得慢,短短2.5km的路,我哋行咗1hr 25mins!
這和平佛塔World Peace Pagoda是日本佛教徒組織為促進世界和平而修建
上去行了一轉,東南西北各有不同的銅像
17:15 時間無多,所以好快要落山!
原本打算走另外一條路,由費娃湖的南岸坐小船回北岸,點知問下呢幾個年青人,佢哋話最後一班船將於18:00開出,現在才落山會趕唔切!
於是,要走回頭路,途中仲可影埋日落!
18:05終於落到山下啦!見有賣青提的檔,買咗Rs 55 (HKD 6)
再搭的士Rs 200(HKD 22)返到中湖濱區
因為今日收到香港旅行社Agent的SMS,話回程的班機取消了,
航空公司提供的Offer是a.取消回程機票,全數連稅refund! b.更改為早一天或遲一天的機票
真係頭痛,點揀好呢?仲有問題要問返agent,於是去上網send message俾佢RS 50/半小時
19:15 去醫肚啦!今晚決定去食guide book介紹的日本料理
太失望啦!個menu好少選擇,無魚生食,唯一的壽司只係煙三文魚,仲唔係手握,唔係機製,而係用刀切架!你話嚇唔嚇人吖!
仲有個天婦羅烏冬,d天婦羅浸住在d湯度,攪到d炸粉淋晒,好難食呀!
個豚肉飯就正常d,d洋蔥幾好味,不過似中餐多D囉!埋單RS 2200/3P (HKD 242/P)
總結係:又貴又唔好食,千祈唔好嚟幫襯呀!
20:30餐後行咗一陣,然後去唱錢,及再上網Rs 50/半小時,之後返酒店!
好多行程的一日…..聽日開始五日四夜的行山旅程啦!
沒有留言:
張貼留言