車厘子小天地: 阿非之旅Day 1

2012年10月2日星期二

阿非之旅Day 1

萬眾期待(我自己話嘅),阿聯酋+非洲南部之旅嘅遊記,現正陸續推出,想跟車厘子一齊去玩嘅朋友,一於緊貼住我個blog啦!
Yeah, 起程!GO !GO ! GO !
11/8/12(六)
16:20 乘搭機場巴士,
17:15 到達香港國際機場,與旅伴小高及小蔡會合,隨後取Board Pass及寄存行李(已作網上check in)

每次去旅行,車厘子有的行李都是有一28吋大喼,一55L背嚢,及一手提包!因為旅程長,而且好多嘢都想帶,咪攪出咁多嘢囉!
一過磅之下,喼重23.4KG,背嚢重8.3KG,手提包重5.1KG,係咪好誇呢!唔怕,有人陪,小高嘅行李同我差唔多重咋!至於小蔡,唔知典解,佢嘅行李總係最少架喎!

今次係乘搭阿聯酋航空,因為目的地其實係南非開普敦,會於杜拜轉機,於是計劃在阿聯酋先玩四日,再飛南非!
18:30 登上客機EK383,19:05 起飛啦!

上機後有咩好做呢?於機場買咗本厚書睇,又帶咗十字繡來繡(繡唔繡得晒,最後一篇開估)….

食下飛機餐,瞓下覺(瞓得好好架!)…..

不過就無睇電影,好似有D徙喎!

8hrs 5mins機程後,於當地時間23:10 到達杜拜機場Terminal 1 (時間慢香港四小時)
你睇小高幾勤力,每時刻都好詳細咁寫下旅遊筆記,不過可惜旅程完結前,都完成唔倒呢!

大家都帶備美金,於機場先兌換少量當地貨幣DHIRHAM(音their harm)
平均兌換價1US=3.65 dhs , (1US=7.77 HKD, 1 dhs=2.13 HKD)

23:50 到機場的士站
雖然係晚上,但係天氣都非常熱,約有三十度

唔使點排隊,已經俾工作人員指示往乘搭女士專用的Lady Taxi了,你睇架粉紅色的士幾靚,個女司機仲要有粉紅色制服著架!
不過可惜女司機品格太差了…
23:55 上車,起標25 dhs,約15分鐘左右,其實已經到達市中心,咪標跳到50dhs,可惜佢有地址都搵唔倒我哋間酒店,(話埋俾佢聽係郵局對面都唔知!)問人又問唔倒,終於我哋叫佢去呢間酒店的姊妹酒店問職員,原來其實在附近!
00:25 落車的時候,咪標已經去到dhs60,因為擺明係佢唔識路而浪費了我哋嘅時間,正打算叫佢收我哋dhs 50的時候,佢居然話要收dhs 70,因為浪費咗佢嘅時間喎!仲話間酒店難搵,無乜人住呢間酒店!廢話,呢間酒店位於市中心嘅著名歷史古蹟中,係佢自己唔識路!
豈有此理,調轉說話來講都得,真離譜,我哋懶理佢,一於俾返dhs 60(HKD 128)佢走人!
一落機就遇到咁嘅人真係唔好彩,好在唔係個個杜拜人都好似佢咁衰!杜拜的士收費(click)