車厘子小天地: 阿非之旅Day 3

13/8/12(一) 杜拜Dubai
06:00 起床梳洗後,執好行李準備早餐後離開酒店
06:40 於酒店用Free Wifi上網
07:20 原本order咗七點食早餐,點知等到7:20至有得食!
咦?點解唔係好似尋日朝嘅Buffet型式嘅?唔知係唔係俾人發現咗我哋尋日打包,所以今日要實行配給制呢?
唔理啦!今日食剩嘅麵包及蘋果汁,有理無理都繼續打包!

08:30 Check Out離開呢間有特色但係熱鬼辣辣嘅酒店,向我哋豪華的一天出發!
08:35 由 Orient Guest House(click) 搭的士,前往我哋今日入住嘅亞特蘭蒂斯渡假村酒店Atlantis the Palm Hotel & Resort (Click)
另一間亞特蘭蒂斯渡假村酒店係位於巴哈馬群島,(click)車厘子舊年去美國時都去過架!

搭的士需時30分鐘, 65 dhs (HKD 139)

Atlantis the Palm Hotel & Resort (Click)豪華度假村位於珠美拉棕櫚島（Palm Jumeirah），係一座棕櫚樹形狀的人造島，坐落於珠美拉（Jumeirah）海岸。
棕櫚島號稱是「世界上最大的人工島」也有「世界第八大奇景」之稱

09:05 到達豪華嘅酒店啦!呢兩日要好好享受一下至得

的士站又見到Lady Taxi嘅女司機!

俾你哋近鏡睇真d啦!

大酒店,行李唔使自己拎架!

酒店大堂,好Grand呀! 呢座 Dale Chihuly 的玻璃藝術品！足足有 32呎高！據聞價值數千萬！

09:30 於大堂Check in, 但仲未可以攞到房,所以行李要先寄存起來!

三人房價錢 1524 dhs/3P (HKD 3246/3P) 包水世界冒險樂園及水族館入場
(網上以信用咭作Booking, check out時過數)

未有房門卡,職員先俾住個臨時証我哋出入!
辦好手續,前往酒店的水世界冒險樂園Aquaventure出發

酒店太大,行錯咗路,要睇下個Map至識行!

其間經過一個大水族館,不過留返聽日至參觀!

但係d魚太吸引啦!都係睇一陣先啦!

仲有潛水員清潔魚缸都吸引好多人影相架!

就到水世界冒險樂園啦,吊燈都以海豚為主題!

終於到達水世界冒險樂園,不過要先租個Locker 40 dhs (HKD 85 ), 因為未有房間放貴重物品,唯有三個人合租一個啦!

10:00 可以入場啦!

Locker不夠大放三個人的袋,唯有所有貴重物品放在locker,唔貴重的物品放在壞了鎖但有門的Loker裡!

水世界入面嘅Highlight,就係由呢個神塔（ Ziggurat）頂部滑下來近乎直落的滑水梯”The Leap of Faith” ,長27.5米,車厘子一直好期待去玩,但好可惜今日因維修而暫停開放!

唯有玩其他滑水梯啦!其他的也是在神塔出發,不過是在不同樓層,刺激程度也不同!
由每一條滑梯滑下來之後,都會回到最下面的約長2公里的水道輕鬆地飄浮!各有各好玩!

不過於烈日當空下,咁樣曬法,你話唔變黑都幾難!

返回神塔,唔使自己行的,有電動梯連水泡帶你返上去!

又有啱小朋友玩的水世界,不過d滑梯唔俾大人玩架!

12:00 返回Locker午餐,嘻嘻!即係今朝嘅早餐拎嘅麵包呢! 之後再去玩完所有滑水梯!

14:30 小高及小蔡參加了Dolphin Encounter的活動(要自費的,約千元港幣),記唔記得呀,車厘子上次去美國時都玩過,所以今次唔玩啦!

而車厘子就參加咗呢個Shark Safari 275dhs (HKD 586) 1/2 Hr ,之後再買咗一張專人同我影的海底相75dhs (HKD 160)

落水前,有專人講解注意點,以及介紹各種魚類

戴上有氧氣輸入的頭盔,於海底(水池)漫步,欣賞各種珊瑚魚類,仲可以睇到其他人在水底的水滑梯經過,同佢哋打招呼都幾得意架!
呢張相係我自的水底相機影的,效果不佳!

16:00 小高及小蔡的海豚活動未完,我先離開水世界,回酒店大堂攞房!
由水世界至大堂,再排隊攞房需時,上到房後已經係16:40

浴室係開放式設計,唔鍾意可以將門關上!

露台景觀一般,面對著一望無際的波斯灣,側面可看見酒店主座,如果房間係泳池景更佳!(室內室外溫差太大,所以鏡頭容易出現霞氣!)
16:45 Bell Boy隨即將我哋三人的行李送上,我也將小費10 dhs(HKD 21)送上!
之後立即”裝身”,因為今晚要去帆船酒店食一個好特別的晚餐!
17:45 小高及小蔡回到房間,輪到佢哋”裝身”

18:05 離開酒店搭的士往帆船酒店,車程廿分鐘,27 dhs (HKD 58)

18:30 到達七星級的帆船酒店Burj al-Arab於大閘前落車,先拍酒店的外型!有好多遊客都在此拍照,但我哋有晚餐預約紙,可以到閘裡面影,景觀較佳!
原本有考慮過豪一次住佢一晚,但check過三人一房價錢最低都要 12000 dhs (HKD 25560)一晚,真係支持佢唔住,所以都係要打消呢個念頭,去食餐飯算啦!

可漫步進入酒店,或者有free buggy送你入酒店
我哋選擇前者,可經過朱美拉酒店Jumeirah Resort,及欣賞朱美拉海灘Jumeirah Beach上的日落

七時到達酒店,酒店室內設計豪華,好特別!

地方咁靚,車厘子梗係周圍影下相啦!

我哋今晚食嘅,並唔係普通的晚餐,而係參加咗帆船酒店提供的美食之旅Culinary Flight,由餐前飲料開始,至頭盤,主菜到甜品,會於六間不同的餐廳享用,可以參觀不同的地方,非常特別的體驗,強烈推薦 ! 全包價990 dhs/P(HKD 2109)
07:05 先往酒店最高層27樓的Sky View Bar

居高臨下，從窗外可以環觀杜拜的天空和阿拉伯海灣，以及杜拜的市貌

先點算餐前飲品,因為是齋戒月,所以無酒精類飲品選擇

只有三款Mocktail供選擇,我選了 Eastern Delight, 味道很好,意外的還有小吃供應

小吃並不馬虎,都是很精緻的小點!

19:55 享受完高樓美景,飲料及小點後,有專人帶我哋去同層的另一餐廳 Al Muntaha 享用頭盤
頭盤之前,還有很好吃的不同種纇麵包供應,還問我哋”要飲水嗎”,我一時口快說要:”sparking water pls”…..
水來了之後,發覺係來自法國的高級礦泉水,才担心價錢應該會好貴,不過一場嚟到,算,豪俾佢啦!