28/9/09 (一) 羅馬尼亞 Constanta—> Bucharest
06:50 昨晚的pizza及burger有剩,留返今朝當早餐食!
07:10 往火車站
07:30 乘火車往羅馬尼亞首都Bucharest 4.5hrs, 45Lei (HKD 122)
跟住車票座號找到坐位後坐低,後來才發現去錯了車卡!好瘀咁離開!
12:30 到達首都Bucharest
到火車站才發覺原來無book住宿,唯有於tourist information centre找了一間 Hostel Litovoi,張單張嘅地圖,房費唔算太貴,仲畫到間hostel好近咁,又話有免費接送,於是落咗搭!
去到之後,才發覺間Hostel並非地圖上所指示咁近,連埋塞車時間,差不多要30分鐘才到!
而且仲要收取€2/P 車費,老闆話一向都要收錢,是Tourist information centre 的職員說錯了!
選了間有浴室的房間,不含早餐€36/2人
14:40 問hostel老闆國會大廈點去,教我哋先搭無軌電車出城,再按地圖步行便是!
撞鬼!落咗車行咗耐,先至到人流最旺的大廣場
要再經過一條長長的林蔭大道,出面就係有”巴黎香榭麗舍”大道之稱的”聯合大道!
登登登櫈,行咗成粒鐘,終於到達全世界第二大建築物”國會大廈”啦!不過真係好大,大到連門口在那裡也不知道,結果要問了幾個路人才知道,門口是在這建築物的背後!時間緊迫,已經係15:45,唯有已九秒九的速度直奔!
到達國會的大堂,剛好四時正,英語團已完畢,見有一團法語團正入內參觀,都殺啦!不過可惜工作人員話佢哋係團體,不接受散客,要我哋明天請早! 吓!咁辛苦趕嚟,你一句話明天請早?我哋梗係費盡唇舌,話有幾辛苦由香港過來,看這偉大建築物,又話明天無時間再來,又話跟團尾及唔識聽法語都無問題!可惜,冷酷的負責人都係唔俾,唯有眼巴巴睇住法國團入去啦!………呢個時候,一向堅強無比的小高居然流下淚來,因為佢話咁辛苦趕來,都係參觀唔到,係極之遺憾,所以忍唔住流露了激動的情緒,我也有點意外!幸好呢一幕剛好俾其他工作人員見到,即刻同我哋向負責人求情,果然有轉軚機會,最後叫我哋快d買票(15lei=HKD 41)及過檢查機關,追返頭先個法國團跟隊尾參觀!真係皇恩浩蕩呀!小高,你的眼淚無白流呢!
面積僅次於美國的五角大廈,佔地面積足足有 330,000 平方米 , 房間數目超過 3,100 間 , 估計建築費接近 31 億港元,看了多個大廳 , 禮堂 , 浮雕 , 巨型水晶吊燈,都係大開眼介!
國會面對著”巴黎香榭麗舍”大道之稱的”聯合大道!
四十五分之旅好快完結,我哋亦再一次向工作人員道謝及送上香港帶來的筷子小禮物,好似做親善大使咁!
下一站再步行去參觀Patiarchal Cathedral ,於1656始建,是Bucharest最古老的教堂
跟住參觀有四百幾年歷史的Biserica Curtea Veche教堂及
Curtea Veche 公爵宮,曾是德古拉公爵住過的堡壘!
Stavropoleos教堂
是日參觀完畢,好肚餓,在路邊買了幾隻香蕉!
18:30 跟旅遊書介紹,去了呢間Locanta Jaristea Restaurant吃宮廷菜,佈置有懷舊宮廷feel,食物有水準,招呼一流,仲有無冷場的表演,但價錢貴小小,值五粒星推介!
埋單305 lei =HKD 824
頭盤
(有相為証,隻手錶真係除低咗!第二日先至發現留低咗!)
上主菜時,都會熄燈,播著音樂,侍應手拿燭台浩浩蕩蕩的將主菜放在你面前,還要係點頭,示意食物ok才放在台上!真係好過癮,好似去飲宴時上乳豬一樣!
老闆晚晚親自坐陣
主菜—Selle of Mutton
Beef with goose pate
全場有舞蹈,唱歌及樂器表演,都非常專業!
表演一直到12點,但因擔心晚上危險,所以10:15打算離去,但熱情的女經理邀請我哋繼續欣賞表演,我哋終於坐到11點才走,經理仲幫我哋call埋的士,真係好人,好在坐的士返hostel都唔係太貴,10 Lei/2P=HKD 27
沒有留言:
張貼留言