29/9/09(二)羅馬尼亞-Bucharest—>保加利亞-Veliko Tamovo
08:00早餐—香蕉及尋晚餐廳食剩的麵包
出門前,發現手錶不見了,回想應該係留咗喺尋晚的餐廳,叫hostel的職員打電話去餐廳問有無見到我的手錶, 餐廳職員話無,但係我一於要去看看!於是同小高一齊搭的士去餐廳,去到餐廳仲未開門,等到09:00,掌門人才回來,找了一遍也沒有,我說可能是負責清潔的女工拾起了,掌門人話佢今朝剛下班,現在瞓緊覺,叫我哋晚上再來問,我哋話下午要搭火車離開了,他才幫我打電話問女工有無見到我隻錶,好消息,原來真係將我隻錶收起了!
又係重逢嘅時候,錶呀錶!對唔住,要你受驚啦!我以後會好好照顧你架啦!
手錶雖然不是太名貴,但這是朋友送的生日禮物,所以點辛苦都要搵返佢,不過又影響了行程!
09:10唯有用的士代步,追回失去的時間!先搭的士去火車站買12:15去保加利亞的火車票72 lei=HKD 194, 再搭的士去景點”農鄉博物館” ,不過呢次個的士司機居然兜路,好在給精靈的小高發現了,司機仲死撐扮唔識路,到museum落車時一於只俾半價車資,我叫小高先下車,然後我再俾錢司機,之後一齊拔足狂奔,你都咪話唔刺激!
Muzeul Taranului Roman農鄉博物館, 剛巧今日係一個月次的Free admission,真好運!
參觀羅馬尼亞人的傳統民族服飾,農家用具等都非常特別!
再搭的士去革命廣場—重生之柱
不知不覺已經11:15了,打算再擮的士,點知十五分鐘後才上到的士,又遇上塞車,至知道大煲,要回hostel拿行李,再由hostel老闆送我哋到火車站,只得四十五分鐘,點可以趕得及上12:15的火車?!
於是打電話俾hostel老闆,叫佢先將我哋d行李送去火車站,我哋再直接去火車站,點知老闆話佢在家,不在hostel,有無搞錯,明明約好咗,又甩底,咁我哋唯有先回hostel,但已打定輸數,會錯過呢班火車!
不過我哋都叫司機盡快趕去hostel,再去火車站,佢知道後,真係博晒命的同我哋踩油,仲要剷上電車路,避過所有塞車,11:50已回到hostel,即刻攞返行李行,再上回的士,司機又再全速駛向火車站,結果12:00已到達,仲有時間剩,我哋都覺得係一個奇蹟!我哋非常感激下圖呢位司機先生,所以重賞之餘,要在此表揚佢!
在火車站仲在時間將羅馬尼亞$$唱回歐羅,但其間有d阻滯,係呢位長辮子先生出手相助,才可順利唱錢!
用最後的羅馬尼亞散子,在火車站買了午餐上車食,經過一輪慌亂,定一定神,魂魄才懂得回來!
原本火車總站是在目的地Veliko Tamovo的,但唔知點解,火車職員話火車只可去到前一個站Goma Orjahovica,於是之前聯絡了網上預約好了的hostel老闆,佢話會開車來接我哋,嘩!實在太感動啦!
17:35 比預期還要早到達保加利亞的Goma Orjahovica
Goma Orjahovica火車站
Very nice的Hostel 老闆夫婦Kristen及Alex來接車!
沿途經過Arbanasi的小山城,順道帶我哋去參觀
18:25到達Veliko Tamovo,原來Hostel是在山城中的小路上,如果佢哋唔來接,真係唔識搵!
Loft Hostel好有home feel,只有幾間房,是Kristen兩公婆獨力經營!
我們的房間,包早餐不連套廁 €20/2人/晚,值得推介(因有pick up,所以地點在小路不成問題,其實出入都好方便!)
公用客廳
19:00 由hostel的小路一出大路,便是手信街,非常方便!先去找換店兌保加利亞錢 €1=1.95 lv
Veliko Tamovo係一個依山而建的山城,有D似台灣的九份!來保加利亞一定要來Veliko Tamovo觀光!
20:00行去Tsarevets Fortress對面的教堂,踫下運氣睇下有無sound and light show看,其實之前已打電話去問過,今晚是沒有的,因為如果沒有團體俾錢睇,其他人都無得睇啦!果然!食白果!
咁去食飯啦!lonely planet介紹的Mexaha Xotea Restaurant
Spicy pork stew 及 chicken bacon
chicken soup 及 cold yoghurt soup,仲有麵包,全都好好食!
最後再試下個yoghurt with honey,呀!呢個唔好食架!
全餐共 27 lv=HKD154 好抵呀!
沒有留言:
張貼留言