24/11/10 (三) 秘魯—庫斯科Cuzco
09:00 於酒店早餐,今朝無我鍾意的朱古力脆片!
09:45 出酒店行三分鐘,經過Plaza San Blas,來到Hatunrumiyoc街…
到達今日第一景點—十二邊石
印加人好厲害,建屋不是利用四方的石,是用不規則型的石而建,用意是防地震,非常聰明,石頭打磨得光滑,接駁位完整,沒有縫隙,位於中間的便是出名的十二邊石,共有十二個角位!
睇完石頭,順便在附近Shopping
之後出返去武器廣場…
廣場上有間大教堂,小陳,小蔡同我都不想入去參觀,只有小高想入,費事我哋等,小高唯有遲d自己再入去參觀!
10:35 離開廣場,到了Loreto街,參觀兩旁的印加牆Inca walls
有班中學生當我哋係名星咁影相,真好笑!
繼續向前行,經過Pampa del Castillo街,看見很多間食傳統食物的食店
好吸引,留待一會午餐時吃
賣包的嬸嬸
咦? 7仔都有喎!
10:45 到達今日第三景點—太陽神殿Qorikancha Sol 10/P (HKD 27.9) 意思是”黃金庭院”,因當年確實是覆蓋著黃金!
這印加遺址不僅用於宗教儀式,還是個天文臺,祭司可以從神殿觀察出大型天文活動.
但現今只剩下結實的石牆,因西班牙征服者將所有東西都搶走了!
沒有導遊,其實有好多地方都不知道是什麼意思,所以好快已經參觀完!
遺址外有個大花園
有班很地道的秘魯人來參觀
同佢哋影下相仲好玩,開頭好怕醜,後來仲叫我同佢哋逐個影!
11:45 是日參觀完畢,離開時見到一班可愛的幼稚園生
11:50 去返頭先果條Pampa del Castillo街,去最出名的一間食Chicharron
都幾好食,可以一試! Sol 48 (HKD 134)/3P呢餐係同小陳戰行,所以請佢食!
12:20 小蔡同小陳返酒店執行李,我同小高去太陽大街Av El Sol上的Centro Qosqo de Arte Nativo,查究一下今晚舞蹈表演的時間,點知未開門!
於太陽大道上可看到太陽神殿的另一個角度
沿途回酒店
13:10 小陳執齊行李,我哋一齊搭的士Sol 6送佢去機場,40分鐘左右,已到Cuzco機場
小陳因家有喜事,要先回香港
14:00 到Counter check in,居然check唔到小陳的資料,因為American Airline將呢一程機賣咗俾Lan,而Lan又check唔倒AA code上的資料,一定要佢出示airticket no,但小陳手頭上只得AA code,於是叫佢自己打電話去美國的AA問,打咗去問,係錄音電話,根本聯絡不上!
急死人!我哋要發爛啦!叫你哋呀head出嚟!已夠鐘上機啦!仲叫我哋自己打電話去check,點解你哋唔幫手check?
靠惡真係有d用!最終lan嘅職員都幫小陳check到個airticket no,可以順利上機啦!
小陳開始咗佢返香港嘅漫長旅程…..
15:30 回到武器廣場,去返之前的Marcelo’s旅行社,報名參加聽日的City Tour 講價後Sol 40/P (HKD 112),另外買了聽晚出發去Arequipa的夜巴士票Sol 112/P (HKD 313)
以後的旅程,只有同小高及小蔡三人行了!
17:00 附近有好多做Massage的地方,選了一間,輕鬆了一小時Sol 20 (HKD 56)
都幾舒服,可以一試
18:00 返酒店沖涼
18:40 到達太陽大街Av El Sol上的Centro Qosqo de Arte Nativo,打算購票,點知原來手持前日買的Boleto Turistico del Cusco十日票係免費o架!又幾抵喎!
座位係先到先得的!我哋早到,位置都不錯!
咦!真係好”橋”,又遇返前日於火車站認識的西班牙男及瑞士女情侶,另外又遇見返哥倫比亞叔叔呀!
表演場地有民族衣服展出
19:00 表演正式開始
原來D表演時係會帶D頭套o架,真搞笑!但係都唔知係咩意思!
表演OK好睇,舞蹈好簡單!不過張Boleto包埋,就一定要來睇啦!
20:30 表演完畢,與哥倫比亞叔叔一齊回武器廣場,其實哥倫比亞叔叔係唔識英文的,但係大家以肢體作語言,都可以交流得好開心!
Cuzco的夜景超靚,不過可惜技藝未精,未能拍出靚相!
21:30 於傳單上介紹的Don Toma’s餐廳晚餐—又貴,食物又唔掂
豬肉….乾
好好地一隻Cuy,俾佢炸到燶晒,千祈唔好幫襯!
埋單 Sol 130 (HKD 363)/3P
23:00 回酒店,今晚三人一房Sol 50(HKD 134)/3P
沒有留言:
張貼留言