30/11/10 (二) 秘魯—帕拉卡Paracas
我哋就住呢間Hostal Mar Azul,雖然個名係Hostal,但其實係酒店嚟o架!
07:30 於酒店的天台餐廳早餐(房費包)
麵包+鮮木瓜汁+coffee or tea+海景早餐,正!不過今日天色不太好!
住在酒店的可愛小女孩
08:00 Alberto叔叔帶我哋去附近的碼頭上船,出發去鳥島Islas ballestas 碼頭稅Sol 1/P
上午遊鳥島 +下午遊國家保護區 Sol 70 (HKD 195)/P
這座鳥島曾經是秘魯了有名的鳥糞出產地.一百多年前,華僑初到秘魯,許多人就是在這裡以採鳥糞為生的!但近年來由於氣候環境等原因,鳥來得少了,採鳥糞也不再成為一種職業!
08:15 出發!十幾人坐一船
08:40 鳥島最有名的是一幅地畫，在面海的一面坡地上有一幅蠟燭臺造型的地畫，它也象納斯卡地畫一樣，至今沒有能夠解釋!
導遊說,從歐式燭臺的造型看,不象印第安人創造的.據猜測,可能是當年聖馬丁將軍帶兵來時,手下的歐洲士兵所為!不管是誰創造的,幾萬年來地畫不被風沙所埋沒已是一個奇跡!
雙語廣播的導遊
船長
09:00 到達鳥島,真係好壯觀,D雀仔多到數之不盡,遠處的多到好似芝麻一樣!不過…真係好臭!
鰹鳥booby
塘鵝Cormorant
不只雀仔,仲有企鵝
仲有懶洋洋的海獅
實在係太偉大啦!忍唔住要post多d俾大家睇,唔知大家感唔感受到?
回程的時候,仲見到海豚,比阿瑪遜河見到的還要多!
見到我哋間酒店呀!原來我哋的酒店位置極佳!
10:20 落船,返上岸之後,仲有時間Hea下,等待下一團11:00出發往國家保護區
Alberto叔叔見返我哋之後,繼續不斷sell我哋聽日包車去Ica,不過佢收費太貴了,服務態度也欠佳,所以決定自已去搵的士!
分頭行事,小蔡去買午餐,小高同我去搵車
終於搵到呢架車嘅司機,聽日包車半天到Huacachina+Ica,開價Sol 150,講價至Sol 130/3P成交!
仲有時間去Shopping
有班年青人,叫我哋幫佢哋影相,影完之後俾佢哋睇返d相,已經好開心!
附近的酒店
11:00 到達旅行社集合,出發往帕拉卡斯國家保護區
先在一地標下車,俾大家影下Paracas的全景
於旅遊車上食小蔡剛才買的午餐
自費購買保護區入場卷 Sol 5 (HKD 14)/P
以為入保護區有動物睇,點知原來係荒漠一片….
再睇下海岸咁….
無無聊聊,影下蟹仔
睇下海浪侵蝕下的岩岸
12:40 於Yumaque,又再睇海岸….
導遊仲叫我哋去執下貝殼喎…吓?就係呢d?
超大風,都係返上旅遊車上休息好d!
13:15 之後就帶我哋去呢間餐廳午餐
每人有半杯免費的Pisco Sour,但係叫食物就超貴!Waiter 多次來問我哋要食乜,我哋都支吾以對,終於都係無幫襯—齋坐!是關出面無乜景影相之餘又大風!
係咁倚在餐廳外面影咗隻折翼海鷗
14:45 喺餐廳Hea咗個幾鐘之後,再去埋呢個海岸
15:15 回到旅行社
奉勸各位來Paracas的朋友,除非你好鍾意睇海岸又大把時間Hea,否則唔使參加呢個團!覺得超搵笨+嘥時間!
建議下午參加Ica團更好!
15:25 當地人自製的花生朱古力,好好味架!
之後車厘子去咗(速度很慢的)網吧,研究一下利馬的住宿Sol 2/hr
不過終於都係搵返Lonely Planet的推介,選好一間,請酒店職員幫我哋打電話去Hostal book位!
之後於酒店休息至17:15,再出外閒逛,買咗件Nazca lines圖的Tee
尋晚認識的杭州旅遊公司高幹,話住喺海皮盡頭的高檔Hilton酒店,真富貴!
17:30 見時間尚早,於是打算行去參觀下!
點知行極都未到,天開始黑,又無乜街燈,又有流浪狗,真係有d驚!
最終都放棄咗,遠觀Hilton算啦!
於是影幾張日落相,就速速收隊!
18:30 咁啱見到有車經過,一於截停佢! “哥仔,載我哋一程好嗎?”(以身體語言表達!)
哥仔真好人,二話不說就叫我哋上車,我哋行一粒鍾,搭車幾分鐘就返到酒店!哥仔咁好人,抵我哋送返紀念品俾佢嘅!
海濱日落
19:00 今晚試下呢間食晚餐
再試下D海鮮湯,湯底無尋晚果間咁濃,而且蟹浸在湯入面,明顯分量少了!
炸蝦,過得去!
地道名菜—lomo saltado
Ceviche —新鮮的海鮮,魚+鮮蝦+花枝+章魚等等切成細細舊,再加上紫色洋蔥+辛香料和檸檬汁等涼拌食物。
狗狗好可愛,周圍轉於食客腳下,以渴望的眼神期望得到食客掉下給牠的食物!
呢間餐廳整體味道一般,有比較下,都係尋晚果間好食d!
埋單Sol 120 (HK 335)/3P
20:00 回酒店休息,聽日去玩滑沙呀!
沒有留言:
張貼留言