Day17 21/3/2011(一) 不丹—達藏寺 Taktsang Monastery
第五日亦係最後一日在不丹
07:30 今早安排到酒店的西餐廳食早餐
想吃什麼隨便order便可!
08:50 大半小時車程,到達不丹旅遊重點—達藏寺 Taktsang Monastery,又稱 虎穴寺Tigers’Nest
它是不丹的著名佛寺,相傳八世紀時蓮花生大師 (Guru Rinpoche)騎著一只老虎從西藏飛越群山到此地降魔伏妖!蓮花生大師後來成為了這個國家最重要的宗教形象!不丹人對蓮花生大師很尊祟，稱他為第二佛祖 (Second Buddha) !
據說公元747年 時,蓮花生大師從西藏到此山上的一個山洞默想!因為衪是騎 老虎來到這位於3,120米的山洞來,所以不丹人就稱這山洞為“Tiger’s Nest”!到了17世紀七間寺院相繼在3,800米山上的160度懸崖處興建,這就是達藏寺的前身!
車輛只可到達虎穴寺的山腳,上寺的人要步行上山,需時兩粒幾鐘….
兩粒幾鐘?由2800米步行至3120米喎,咪講笑!認真考慮過後,都係決定坐馬仔上山!!
騎馬費Nu 500/P(US 12.5= HKD 97)
途經有小販在擺賣
後來睇返相至發現,一對香港Couple在我哋前頭出現過,後來也認識了他們!
09:40 半途休息時間,可遠眺山上的虎穴寺,你見唔見到?
Zoom近d俾你睇下啦!
有遊客的地方,總有賣紀念品的攤檔
我同小高坐馬仔,基B要行路,不過佢行得好輕鬆!
於一餐廳休息,享上午茶時間
對住虎穴寺來Tea,都幾好feel喎!
將個寺廟起喺半山上,真係服咗起廟嘅人!
10:10 Tea 完之後再騎馬仔繼續上山
10:45 騎馬仔上到2/3路程,餘下的1/3路,要靠自己雙腳繼續行啦!基B,唔該幫我哋找咗騎馬條數先啦!
右手邊的係人哋嘅導遊,嘩!幫客拎埋背囊呀!
基B,點解你唔問下你嘅客即係我哋,使唔使幫手拎袋嘅?我哋嘅袋都好重架!!!
又近多D啦!Ann and Andy梗係影得舒服啦!唔使佢哋行嘛!因為海拔高,所以車厘子行到喘晒氣,重要幫佢哋影相!!!
基B就好似之前尼泊爾嘅Trekking Guide Sagar咁,行在前頭,然後見我哋墮後,就會坐埋一邊等我哋!
上山落山,好多石級!
周圍掛滿經幡
又近D啦!
到啦!到啦!
終於到啦!
11:30 所有入寺嘅人都要放低隨身行李,重唔俾帶相機入內,所以….你哋睇唔到寺內嘅情況!不過….最特別嘅外觀,你已經睇咗啦!
於寺內遇返之前在機場踫過面的五個台灣人,及一對香港Couple,講起原來佢哋住在Uma Paro,即係朝偉,嘉玲結婚時住過果間呀!仲叫我哋可以去參觀,好!一於同基B商量一下,加插行程先!
參觀了不到一小時,便離開了虎穴寺步行落山
13:00 於回程途中,即係今朝食上午茶的餐廳午餐
今餐食齋,無肉的,真係好齋呀!
13:45 餐後繼續步行落山
14:15 終於落到山啦!
回望山上的虎穴寺
似日本的景色嗎?
14:45 另一行程:Drukgyel Dzong
呢度係不丹最老的寺廟,原本是城堡,作用是對抗西藏,自1950年一場火災後,從此荒廢了!
從堡壘可見很多梯田
臨離開前,基B又走去商店買Doma食
咦?司機Wangchu呢?原來去咗睇人打紙牌!喂喂,架車無鎖架喎!不丹治安好都唔使唔鎖門架?
16:00 跟住基B就在我哋要求底下,帶我哋去參觀呢間富貴人住嘅Uma Paro啦!無得住,去恨下都好啦!
入到去,表明來意,話想參觀一下,認識一下呢間酒店,即刻有專人來帶我哋周圍去參觀!
在餐廳見返在虎穴去遇見的香港Couple
參觀房間,價錢唔係想像中咁貴…
不過間房好細!價錢網頁上有講!
想住大D,就住獨立屋啦!即係朝偉嘉玲住果間呀!不過無得去參觀,只可離遠影相!
酒店內有Yoga學…
當然有游泳池…
咦?隻貓可以自出自入嘅?
仲有Gym Room…
有埋射箭場添!
16:50 回到自己酒店,原來附近有間學校!因為之前係節慶假期,所以無學生返學,咪唔多覺有間學校囉!
時間尚早,又有Tea食!
18:30 今晚於酒店食最後晚餐,等食期間,最好繡下花!
原來旅行社規定導遊及司機要陪客食最後一個晚餐架!不過睇佢哋兩個個樣,好似好勉強咁囉!梗係啦,對住大家五日,乜都傾晒啦!
當全世界都在講緊”國民生產總值GDP”的時候,不丹就提倡”全國幸福指數GNH”,成為亞洲區人民快樂指數最高的國家!
呢幾日都問過呢度嘅人包括佢哋:你哋生活得快樂嗎?好似有Standard答案似的:快樂!
不丹人,你哋真幸福!
飯餸依舊無驚喜!
基B好似對住呢位酒店職員”哈shum”開心好多喎!
飯後上網,不過可惜速度超慢!
聽朝一早搭飛機返尼泊爾!
