Day14 18/3/2011(五) 不丹—帕羅Paro
08:25 於不丹的第二天,早上於酒店內食早餐!
今朝小高及車厘子都著起尋日買的不丹傳統服裝Kira,但係著法講究,著來著去也著得不好,於是去餐廳找了女經理Karma幫我哋著得靚一靚!
酒店的簡單自助早餐!
不丹的Tsechu是根據藏曆計算,今年,帕羅Paro的春祭是在15/3-19/3,廷布Thimphu的秋祭是在6/10-8/10,是佛教上的重要節日!
今日去參觀春祭節慶,所以導遊基B都著得靚一靚!
09:30 乘車到達Rinpung Dzong,人人都朝向這方向,一齊去參與節慶!
經過Nemi Zam木橋
橋上可欣賞不太美的帕羅河Paro River —Pa Chu
人人都穿得整齊漂亮,好似過年一樣!
也看見好多喇嘛在化緣
見唔見到粒著得好靚的車厘子?
重有小高的背影!
行了十分鐘左右,可見Rinpung Dzong,今日下午才入去參觀
不丹小朋友好鍾意玩槍!
節慶是在Rinpung Dzong隔離的寺廟外空地舉行,去到已人山人海!
原本行咗上高處觀看,但景觀太遠了,影唔倒靚相,所以都係落返嚟!
抬頭看可見尋日參觀過的Ta Dzong
攝下攝下的做個攝石人,於廣場上取得個有利位置!
可以慢慢欣賞Mask dance舞蹈及影相!
舞蹈很特別,好有色彩,影相題材一流,可惜自己技術欠佳!
但不知這些舞蹈在表達什麼!睇得耐,舞蹈重覆又重覆,有d悶,都係影下其他人先!
維持秩序的Community Police
坐在我哋附近的小女孩
居然遇見兩個著住和服的日本人出席節慶!
間場期間,小丑在娛樂觀眾
遠處的樂師
再睇返個舞蹈先,愈跳愈大陣像
大神像繞場一周
很多人見神像後合十祈福
最後群眾排隊上前接受祝福
有無見呢個女人成口及牙齒紅晒?
係因為不丹人有嚼Doma(Areca Nut)加上的習慣,好似台灣人食檳榔一樣,對牙齒及胃部都有不良影響的
上午節目差不多完場,提早少少離開,影下其他群眾先!
不丹衫愈睇愈靚,非常colorful!
好多人圍在一起野餐
男性傳統服裝叫Gho,女的叫Kira
12:20 離開會場,先去食午餐
去了帕羅鎮上的餐廳食自助午餐
人客全都是遊客,個個都有導遊相伴,不過食嘅時候佢哋會行去第二度食!
食物質數一般,都是似中菜,d飯好難食!
帕羅鎮中心
14:10 午餐後,又返去Rinpung Dzong,今次入內參觀
凡要進入Dzong宗,男的必須披上米白色麻布,女的則要披上彩色刺繡肩帶,我同小高無買到,所以基B預先問人借了兩條俾我哋!
Rinpung Dzong—Dzong宗係包括行政用途的寺廟,裡邊分兩邊,一邊係僧人住的地方,一邊係行政作用的辦公室,如法庭等.
每幅壁畫都有它的故事!
由Dzong內影返條Nemi Zam木橋
眺望帕羅鎮
15:10 參觀完,又返去廣場繼續睇舞蹈表演,但來來去去都是差不多的!
小丑今次過來”調戲”我同小高!
都係鍾意影下周圍d人仲好!
16:00 表演差不多去了尾聲,我哋都要走啦!呢張相可影到Nemi Zam木橋,Rinpung Dzong,及在山上的Ta Dzong
16:35 返到酒店,原來有Tea食
Tea完之後,基B帶咗我哋出去附近的地方逛逛
不丹的建築都是受限制的,必須建這種木建傳統房屋,建西式的也可,不過要交重稅!
於我哋要求底下,基B帶我哋去參觀了一個民居
主人家非常友善
睇下佢哋個衣櫃,全都係Kira
不丹人喜歡浸熱石浴Hot stone bath,我哋聽日有得試下!
將熱石放入木的浴箱內浸浴,據稱係有助身體健康!
19:00 返酒店食自助晚餐,最攪笑係,食食下居然又停電,吓!乜唔係尼泊爾先至停電咩?不丹都停?好在我哋差唔多食完,職只派電筒俾我哋返房!
沒有留言:
張貼留言