Day15 19/3/2011(六) 不丹—帕羅Paro,Ha Valley
今日係不丹帕羅春祭Tsechu的最後一日,亦係最重要的一日,就係晨早於廣場上有”晒大佛”儀式!
跟據西藏曆法,於此日子要將一幅18x12米(60x40 feet)的刺繡絲綢店卡Thongdroel,展示於人前,祝福來朝拜的人!因為怕日光會損壞唐卡的顏色,因此儀式會在半夜三時左右開始,至天亮前便會完結!
我哋當日超晨早四點出發,四點半到達尋日看舞蹈的廣場,又係人山人海,d人真係神心!
一去到已見大大幅唐卡出現我地面前,真偉大!
排隊上前接受祝福,我哋順便近距離欣賞一下唐卡的美麗刺繡!
接受完祝福,可按心意給予香油錢!
虔誠的群眾
05:20 逗留了一小時左右,便離開會場,返酒店再眠一眠!
07:30 於酒店食早餐
早餐後出發往Chele La,原本計劃今日會健行,由3988米行上4100米的Kung Karpo La,點知….
天氣實在太凍啦!海拔咁高,重要再行上山?會氣喘架!
而且天色唔係太好,上到山頂的喜瑪拉雅山脈景觀都唔會靚多好多!車厘子終於縮沙了,決定唔行啦!(真係多多藉口!)
咁…..唔行山有咩攪作呢?
基B話:玩雪戰啦!
就係咁,加埋司機四個人,將D雪擲來擲去,不知咁好玩!
基B同司機成日玩偷襲,真係唔夠佢哋兩個鬥!
玩到成身係泥,攪到污糟晒!好彩著咗防水褲,基B叫我哋用雪來清潔!
10:45 另外加插的行程係參觀Ha Valley
11:30 到達Ha Valley,剛好見到有人在玩射箭,射箭係不丹人的國技,很多人喜歡的運動!
戰靶
再參觀一下鎮內的商店
基B都有嚼Doma(Areca Nut)的習慣,買了一包,俾一舊仔我哋試下,好難食~~~
這裡不是帕羅,沒有慶祝春祭,因此不丹人沒有穿起傳統服裝,只有上了年紀的一代,平日才會穿!
還有學生,及於政府部門工作,以及做旅遊業的人,平日都會穿傳統服裝
男學生
女學生
不丹的學校
12:20 回程,順便去野餐….
野餐…..? 司機Wangchu去了一個山頭的空地,打算就地野餐!唔係呀化,好大風下喎,仲要四圍都係牛A…..你都坐得落嘅?仲要對住牛A食嘢喎….
終於基B就決定返上車食算啦!
車上食好好多!食物有酒店預備好的熱雞脾及三文治,仲有蘋果汁及生果!團餐食呢D嘢,真特別!
14:00 之後經過一個小廟宇,去參觀一下!
返到去今早玩雪的地方,愛玩的基B又話要停車再玩雪!
嘩!司機你嗰舊都好大下喎!
都係嚇下我哋啫!
砌咗個雪人,Ann and Andy都玩得好開心!
15:15 回程途中遇到小塞車!
回到帕羅鎮,可看見Ta Dzong及Rinpung Dzong
15:45 回到酒店,又有Tea食!
職員Chunku教我哋摺餐巾
16:20 預約了去一村莊浸熱石浴Hot Stone Bath,呢個行程團費唔包,要自費Nu 500/P(US 12.5= HKD 97),我哋無不丹錢,叫基B幫我哋出住先!
行去大屋後的小屋
就係靠呢堆仍在燒緊的熱石頭
放入木浴箱內,水溫便會上升!
車厘子覺得d水唔夠熱,自己動手挾多幾舊石落水…點知…又熱得濟!!!
過程梗係唔影俾你睇啦!哈~~~不過可以話俾係知,天氣好涷,浸在熱水中,好鬼C服,不過門無鎖,雖然屋主話唔使驚,但唔知時有人會衝入嚟,你都咪話唔驚!
仲要換衫呢間房,D窗係無簾架!攪到要lay埋一二面才可換衫!
沖完熱石浴,又係時候食飯啦!先去超市逛下先!原來有好多貨物都係由印度入口架!不丹同印度好friend架,連電視節目都好多印度台!
18:30 晚餐,成晚只得我哋一枱客,因為春祭完結,人人都離開帕羅了!
今晚多了薯條食!係咪好怪?又飯又通粉又薯條!
沒有留言:
張貼留言