Day23 27/3/2011(日) 廣州—香港
原本飛行時間係4 HR 15min,會於廣州時間05:30到達,但居然早咗半粒鐘,05:00已到廣州!
落機過境攞返行李後,再行去搭地鐵RMB 12/P,不過地鐵要06:00至開,去到等咗一陣!
06:00 由機場南站搭地鐵去廣州東站,半小時到步!
06:30 由E出口,行去九廣直通車站,要行10-15分鐘左右
但08:20至有首班車開出,小高及小蔡決定繼續等,我就決定先搭火車去深圳,再轉東鐵返屋企!
07:22 終於搭咗呢班火車去深圳RMB 80
08:25 到達深圳,背住背囊拉住行李過關,再轉搭東鐵,09:45終於返到屋企啦!
再加上少少分享
我係幫襯教協的”教安心”全年旅遊保(聯x保險公司),鑽石級(最貴嗰級)都係$999!每年都係買呢間!幾次Claim數都好順利!
今次去尼泊爾,搭南方航空,由廣州出發,去程無問題,旅程途中agent通知回程航班取消了!提供Offer是a.取消回程機票,全數連稅refund! b.更改為早一天或遲一天的機票
如選擇a.取消回程機票,全數連稅refund!
即係要自費買機票回港,買港龍或其他航空公司的單程機票一定比南方refund的價錢貴,而問過保險公司,另買機票係無得賠償的!所以最終無考慮!
如選擇b.更改為早一天或遲一天的機票
遲一日,唔使返工咩!所以都無考慮!
終於選擇了早一日返!損失是:玩少一日!
返來之後問返航空公司,早一天或遲一天回港,其實對於乘客已經做成損失,其實會否有賠償?答案是沒有,因為已提供refund的offer,如必須當天回出發地,可安排轉機回廣州或深圳!
再向保險公司查詢,條款只保行程延誤,早一日返係唔保的!仲要因以下原因才有得賠:1天氣惡劣2.天災3.罷工4.機件故障,以我的保險計劃,每十小時賠償HKD 500!
當日取消或更改航班的原因是”計劃性安排”,即係唔符合條件啦!即係就算遲一日返(行程延誤)都無得賠!
損失玩少一日,賺了一個經驗!向大家分享一下!
沒有留言:
張貼留言