Day18 22/3/2011(二) 帕坦古城Patan—>那加閣Nagarkot
因為要搭早機離開不丹返尼泊爾,所以晨咁早要起身,05:00於酒店西餐廳食早餐!
05:30 離開酒店,基B同司機Wangchu送我哋到機場!
05:50到達機場,最後謝過佢哋多日來的照顧,當然不少得要俾小費啦!五日的服務,小高及我給了共US 100 基B及司機,如果多幾個客,佢哋又幾和味喎!
06:00 因為一早買機票嘅時候已經無晒經濟位,所以加咗少少錢坐Bussiness class,Check in 時唔使排隊!
於機場上重遇上次機上認識的美國ABC男仔Micheal及佢Auntie,交流了大家於不丹遊玩的經歷!
08:00 飛機起飛,上坐低就有飲品招待,真係唔同D!
坐位唔滿,全bussiness class計埋我哋只得四個客,我哋鍾意坐邊都得!
不到一小時的機程,都有個簡餐!
今次影雪山唔使同人爭窗口影相,鍾意影幾耐都得!
09:00 到達尼泊爾
加德滿都谷地包括了三大古城 —之前已去咗的加德滿都古城 (Kathmandu) ,以及今日會去的帕坦古城 (Patan) 及聽日去的巴克塔布古城(Bhaktapur)
尼泊爾酒店老闆Laxman一早幫我哋預約好司機接我哋機,加埋包車兩日US 85/3P
10:15 點知在機場差唔多等咗成粒鐘架車先至到,激死人!
10:25 車到後隨即去Domestic機場,接埋由樸卡拉Hea完返嚟嘅小蔡,繼續我哋嘅尼泊爾三人行!
原來司機係Laxman嘅私人司機,懂英文,都幾型仔架!架車係Toyota大車,坐得幾舒服!
10:45 先到帕坦古城Patan(杜兒巴廣場,即皇宮廣場)參觀,入場費Rs 200/P (HKD 22)
帕坦古城內有136座大小佛寺,及55座尼瓦式多重屋頂廟宇,被傳為世上最古老的佛教城,有”精緻藝術之都”美稱!
一入到去又見到D導遊搵生意,話Rs 400/3P/2hr (HKD 44)可以帶我哋遊古城,見唔係太貴,所以就請咗佢做我哋導遊!
佢先帶我哋上一高處望下古城嘅一部份景色
其實我覺得同加德滿都嘅杜兒巴廣場景色差唔多!
左面的是屬於印度鍚卡拉式建築風格的庫里須那廟,
右面的是由三座宮院組成的舊皇宮
猴神哈努曼
有慶典時,會將水牛殺掉並將其內臟掛在建築物的門前
尤加納蘭德拉.馬拉國王的雕像,並有眼鏡蛇護著,之上還有一隻鳥…
神廟上有好多性愛的雕像
帕坦也有他們的活女神”庫瑪莉”,不過今次無特登去見佢!
當地人好鍾意玩用手指彈的棋
外國人也接受神人的祝福
去拜神的婦女
導遊話閉目後轉圈,如果可以將手放入隙縫內,就有運行啦!
拜神用物品
跟住帶我哋去睇唐卡畫
好多學生在學習畫唐卡,原來要學滿師要好多年時間!
價錢都幾貴,而且無興趣,所以大家都齋睇無買!
聚在一起聊天的伯伯
小朋友也畫了深深的眼線,佢哋覺得畫咗係可以得到神靈庇佑!
13:00 導遊離開,我哋去咗lonely planet介紹的Cafe de Temple午餐
餐廳屋頂上的景色不錯
食物味道不錯,服務良好,埋單Rs 880/3P (HKD 97)
14:00 餐後往帕坦博物館參觀,咦?中國人係同南亞國家人的價錢一樣喎,而且唔使check passport(其實我哋係拎BNO的)! Rs 75/P (HKD 8.25)
好多鑄銅及鍍金純銅作品,是帕坦博物館的主要特色,大多數是印度教及佛教的神像
行得悶,影下博物館內的工作人員
再唔係睇下相,Delete d唔要的相
14:55 博物館出嚟之後,見到有人在影model相,車厘子又影埋一份!
15:25 跟住叫司機車我哋去Uku Bahal廟(Rudra Varna Mahavihar)
連同大覺寺,入場費Rs 50/P (HKD55)
這是帕坦最著名寺廟之一,主庭院內有各種各樣的雕像
寺廟後有個小佛塔
15:40 再參觀大覺寺Mahabouddha Temple
踫見國內來朝拜的喇嘛
是印度風格的寺廟,屋頂覆蓋著赤土色瓦片,每片瓦片上都刻有一尊佛像,所以又稱千佛寺!
參觀之後遇上放學的小學生們
16:00 離開帕坦,往那加閣前進,因為遠水路,所以要入定油!
上山時的景色
那加閣是加德滿都谷地最佳的喜瑪拉雅山脈觀景台,好天氣時可見聖母峰,日出也是必看的行程!
個半小時,到達了那加閣Nagarkot最高點的酒店Hotel View Point,Laxman預早幫我哋book的,US 35/ 3 bed ensuite
酒店外觀很美,而且位於最高處,方便聽朝睇日出
(官方相片)
但係房間細咗d囉!
房內的洗手間
房間窗外的景色不錯
走上天台,可看見喜瑪拉雅山脈—Langtang峰,但係好似唔見聖母峰喎!
天台上遇見一個台灣團,又見有d國內客,成間酒店差不多被中國人包起了!
日落啦!
19:00 於酒店內晚餐RS 560/P (HKD62)
食物一般
沒有留言:
張貼留言