車厘子的交換禮物--心心環

幾日前才知道,原來有班手工藝blog友於今日搞咗個1213聖誕party,重會交換自家製手作仔作禮物添,所以即該報了名,跟住連印度行程blog都要閣至,為要做呢個先家製心心環去作交換禮物啦!

做法非常簡單!首先用咭紙裁好圓環及心心型,再將咭紙印在花布(背面)上!

再將印好的心心布沿線車好再剪出(留一吋位置入綿花)

同樣將兔仔印好,車線再剪出(腳位留一吋位置入綿花)

將其反回正面

再入綿花,釘上喜歡的扭扣

將兔仔連在其中一個心心上

將圓環包上夾綿及斜紋布,再將心心釘在圓環上,加上吊繩即成!

背面也有兔仔樣o架!大家也可試下做啦!