27.10.2008 (一) 喀什米爾於十月份, 一早一晚的氣溫,大概只有十度左右!怕涷的車厘子,羽絨衣也要出動了!一夜在船屋睡得真好!晨早06:00起床,來得及看達爾湖上的日出!
美麗的達爾湖Dal Lake
這是剛去完水上菜市場的當地居民!清晨四,五時是水上菜市場最熱鬧的時候,船屋老闆昨天問我們有否興趣去看,不過天氣這麼冷又咁晨早,嘻!都係下次先啦!
07:30 來一個喀什米爾式早餐!有很香濃的奶茶及咖啡!
印式薄餅Aloo Paratha, 印式乳酪,廚師怕我們吃不慣,餐預備了多士給我們!真是體貼!薄餅是很香很有口感的,好好味,不過乳印式乳酪,真是有點吃不慣囉…..後面的男人是誰?是可以自出自入來sell貨品給旅客的sales!
我們一邊吃早餐,佢就一邊sell嘢,真有點大煞風景!後來還多來一個賣披肩的!
不竟購物都是女仕的天性,好啦!見你地咁有誠意來sell嘢,係咁依同你買d啦!經過殺價後,車厘子買了兩對耳環!賣披肩的,唔好意思,你的披肩款式不夠多呢!
早餐後出發去玩啦!今日我們會去古納瑪格Gulmarg觀光,昨日傾好價錢,往返共四小時車程,收費RS 1600/3P (HKD 266) !
唔好以為係未開門,其實係鎮上因為選舉問題,全鎮都要擺工!(聖牛可豁免擺工,可繼續在街上遊蕩!)因此原本會與我們同行的Faisal及司機也不能出鎮,船屋老闆於是為我們聯絡鎮外的司機來接我們去古納瑪格!老闆真醒目,如果唔係我地今日要在船屋上渡呢!
出鎮時氣氛緊張,多處設有軍人駐守的關卡向我們查証件及問話,幸好最後也能順行到達目的地!
11:00到了古納瑪格Gulmarg ,這裡有東方小瑞士之稱,離斯里那加56公里，海拔約2730公尺，是座迷人的山城。夏季時有繁花齊開，冬季更可見到白雪皚皚的山峰美景，遠處喜馬拉雅山交織成如畫般的景緻。
未到步,已有馬伕上了我們的車子,向我們遊說要我們坐他的馬,當然又係獅子開大口啦!醒目的我們並沒有理會他,到步後自己再找馬伕!
原來騎馬價錢是有公價的,價錢一目了然!時間關係,我們選擇了第一項的 2 hour ride in strawberry valley! RS 300/P,不過好可惜,個Valley係無Strawberry的!
出發啦!原本三個人,三隻馬,一個馬伕,RS 300 X 3=RS 900,但係馬伕叫我們多顧兩個馬伕,等多D人有工開,但係三個馬伕好似多得滯喎,終於我地都只係顧多一個,俾多RS 300!
有D失望囉,以為Valley Ride會在山澗小路上走,但原來一路都係平坦大路,不過D風景確係幾靚!
因為是在騎馬時拍的,睇到頭暈請多多包涵!
[youtube http://www.youtube.com/watch?v=zW6mBDGYAns&hl=zh_TW&fs=1]
一個多小時後到達纜車站,預備登上喜瑪拉雅山的其中一個峰!
向獨臂呀叔買飛搭纜車上山 RS 200/P
去玩,點少得Ann and Andy呢!
落纜車後,到達海拔3,050米的山上,風景一般,但原來未係最高點,可以再坐多一段纜車上更高的山上!
一場來到,都係再買飛上去睇下啦!
盛惠 RS 500/P,因海拔高(3,950米),所以連生死狀都要簽!
上到山頂,看見偉大的山巒,很是壯觀!但因為天氣未係最涷的時候,所以積雪未係好厚!海拔高,氣都喘哂!行每一步都要慢慢來!
下山後再坐兩小時車回斯利那加,已是16:00.
下一個行程,由Faisal帶我們坐小船遊達爾湖!RS 250/3P
有靚仔陪住看的日落特別美!
仲有Ann and Andy陪呀!
再上湖中島逛了一會!
音樂是現場收音的,是當地人拜神的音樂
[youtube http://www.youtube.com/watch?v=28buczGZtTE&hl=zh_TW&fs=1]
在我們的邀請下,Faisal為我們高歌一曲!他是我們在印度所認識的最純的一個男仔!
[youtube http://www.youtube.com/watch?v=10u2ZEs-uKY&hl=zh_TW&fs=1]接著去水上購物市場Shopping
船上商店的老闆,好似晒冷咁,將一喼又一喼的披肩取出來讓我們選購!
唔怕你揀,最怕你唔買!最後大家都揀到心水貨!皆大歡喜!
18:00回到船屋!今晚我們受邀到船屋老闆的家裡(船屋旁邊的屋)進晚餐!全家人熱情的款待,真令我們感動不已!他們陪伴,招待我們至晚餐完結!我問他們是否經常招待客人到家吃晚餐,他們說不是,只招待一些特別的客人!噢!真高興,we are so special!
點解有兩個笑哈哈面?係因為老闆話他們傳統上,女性的容貌是不可公開地展示的!所以為尊重他們的傳統,我做了手腳啦!
至於食物,又令我們有驚喜!每一味我們都好喜歡吃!只是有點辣,要多飲開水!
這一餐我們入鄉隨俗—用右手吃飯,感覺好特別呢!
至於去完廁所用左手清潔呢個傳統….可以試下嘅….無帶廁紙又迫不得已嘅時候…!!!
又是難忘的一天,當初選擇安排來喀什米爾的決定是沒錯的!
沒有留言:
張貼留言