車厘子小天地: 印度行--Day 4

2008年12月10日星期三

印度行--Day 4

28.10.2008(二)

今早將離開喀什米爾,乘搭10:00的飛機回德里,不過先食埋個喀什米爾早餐先啦!

味道真是不錯,好好食呀!加埋對住個靚湖景,心情真是舒暢!

食完早餐,本打算離開前往機場,不過都係穩陣D,叫Faisal幫我地打電話去航空公司confirm一下航班,點知真係delay至14:30!好彩check清楚,如果唔係就要在機場呆等!

那麼還有一個上午在喀什米爾,於是再遊湖一次啦!今次由Faisal撑船!係免費o架!

船屋及商店

[youtube http://www.youtube.com/watch?v=v1o1iNxrcGE&hl=zh_TW&fs=1]

齋坐唔好玩,我地輪流撐下啦!

[youtube http://www.youtube.com/watch?v=Kk-0nGJ1c8o&hl=zh_TW&fs=1]

當然唔少得,梗係又去Shopping啦!買披肩時講價講到要上船走人幾次,終於以我地認為合理的價錢成交!

午餐時,由香港帶來的福麵出場啦!

12:00船屋員工送我們出發往機場(收費RS500/3人),在機場保安非常嚴密,搜身搜袋搜到飛起!連相機裡的電池也要分開放!不過都係穩陣D係好嘅,容MUD易你炸咗架飛機呀!

14:30乘搭 Kingfisher IT 336班機(HKD 732)回德里,意外地航空公司將我們Upgrade上Bussiness class呀!咁大個女,都係第一次坐 Bussiness Class,今日係車厘子的生日,就當係航空公司送給我的禮物啦!

話咁快就落機啦!機程只係一小時!不過delay咗的時間,令我們少了半天時間在德里參觀景點呢!

非常滿意Kingfisher的服務,有專人為你在輸送帶取行李!

今次不用旅館職員pick up啦!自己去pre-paid taxi service call 的士!俾完錢後(RS 215),憑著單據,的士司機便會帶你要去的地方,不用講價,不拍被呃,不過只是機場或火車站才有這服務!

所謂的士,其實無一定型式,好似呢架小型貨VAN都係的士!

16:30回到Vivek Hotel的Main Bazzar,但因為今日係印度的排燈節,所以實施道路管制,只能在火車站下車,要再步行約十分鐘才到旅館!但係我地咁多行李,又咁多人,都係唔行啦!叫了三架人力車RS 10/P,一人一架回旅館!奸詐的印度人又來啦!明明講好價錢,落車時佢地話一架RS30,三架RS90,今次無簽Contract出事啦!不過佢地都係怕惡!我地三把口始終講嬴佢地!

排燈節Diwali的街上

「Diwali ( 也叫 Deepavali，排撜節 / 光明節 )是印度教 (Hindu)、耆那教 (Jain)、錫克教 (Sikh) 和佛教節日。它被稱為「排撜節或光明節」，象徵著正義戰勝邪惡，遍地燃起燈火也是喜慶和人類希望的標示。

群眾會在印歷中的 Ashwayuja月一連六天慶祝 Deepavali (排燈節 )，差不多是西歷的十或十一月。這是印度最流行和最為萬眾期待的節目。印度教、耆那教和錫克教等等都視這節日為對生命的禮讚，也利用這個節期來鞏固家庭和社會倫理關係。對耆那教徒來說，這是其中一個最重要的節日，也是耆那教新一年的開始。

Diwali好似我們中國人的新年,各人穿新衣服上街慶祝,燒煙花,炮仗,不認識的人也會跟你說Happy Diwali !

[youtube http://www.youtube.com/watch?v=-XkzirI1iVQ&hl=zh_TW&fs=1]

呢個就係Vivek Hotel 老闆啦!我地將兩日前的”搭的士多個人”事件同佢講,佢不知幾唔高興佢D伙記咁做法,終於以RS150的價錢給我們Book明天去機場的車!公道的老闆,讚!