30.10.08(四) 08:30 在旅館食早餐
尋日講明係Omette多士早餐,但點解只得多士?以為Omette會後上,但差唔多食完多士時問下waiter,原來佢話全鎮都無雞蛋賣!有無搞錯,又唔早出聲!跟住問佢會唔會有其他食物補上,佢先至話會做什麼potato出來!
等了一會,見有職員由門口回來,拿住一包東西,再過一陣,無料嘅Omette送上!唓!又話全鎮都無雞蛋?講大話!見我地發惡先至死死地出去買!
食完早餐,已差唔多十點!出旅館門口,見有一班小孩子在玩耍,真可愛!你地在玩什麼(小孩子的左上角)?哎呀!撞鬼囉……
真係無嘢好玩咩?居然…..攞D……米…田….共….來玩? 雖然係聖牛啫,唔通D ng ng都聖D嘅???佢地重同我講係Temple喎!真係好似D香港小朋友玩Lego玩得一樣咁開心!
由旅館往西群廟,只需十分鐘的步程!而且寺廟集中,不用坐車!其間會經過Shopping的地方!會有很人來叫你入去店內購物,因為會有佣分!應付他們,只好做一個無禮貌的人—-當他們透明,因為你愈理佢,佢愈纏住你!
又係D好吸引但我地唔會食的食物檔!
旁邊的小檔,價錢好平!
車厘子在呢一檔買了一串她手上的手鈪 RS 30
又係去慶祝排燈節的人
西群廟入場費RS 250/P
西群寺廟位於卡修拉荷的中心地帶，而 Kandariya Machadeva Temple 就是西群寺廟的中心，是典型的北印度寺廟風格，中間建有圓錐形屋頂(Shikara)。這些寺廟的裡裡外外佈滿了雕刻，內容包合了人物、生活場景、宗教故事、戰爭和動物等等，但出現次數最多的是婀娜多姿的女人，最令人嘆為觀止的男女交合及性交姿勢。
入每一座廟都要除鞋!我地通常都係輪流參觀,輪流看鞋!萬一對鞋唔見咗就大件事啦!
睇唔清楚…..Zoom大佢睇真D….
啋!兒童不宜呀!
高難道動作!
在廟內認識的女孩Monica,她有禮貌的問我什麼名字,說好想認識我們及跟我們拍照!在印度其間,有很多印度人跟好一樣,經常邀請我們一起拍照,令我們好像變了名星一樣!
這小朋友年紀小小,幫客人用紅點點額頭以賺取金錢!
行咗一朝西群廟,又熱又倦,要去午餐啦!
瑜伽係印度的發源地,來到印度,梗係要象徵式學下啦!為了尋找他鄉的瑜珈大師(旅館老闆介紹的)Sohan Lal Arjairya,坐rickshaw去了 Hotel Chandela,但酒店職員話佢去了另一間酒店任教!
於是在Hotel Chandela先吃午餐!呢間酒店都幾高級下架!不過都好在食得起! RS 1890 (HKD 315)
午餐後再去附近的Hotel Clarks尋找那瑜珈大師!終於找到啦!預約了今日的六點上課!
接著跟住資料單張,去了一間比較規模的按摩中心Kairali Ayurvedic Health SPA,享受印度式按摩! US 47/P (原價US 55,當然又係講價啦!)
按摩方法很獨特,先在額頭上不斷滴油作頭部按摩,接著再作全身按摩!的確好舒服!
按摩完後,再躺在這好似棺材的箱內,用蒸氣蒸15分鐘,再淋浴即成!(可惜唔係花花浴池)
原來小高同小梁都唔係瞓棺材o架!佢地係坐o係度蒸架!
按摩完後,精神爽利!回Hotel Clarks做瑜伽啦! US 10/P/1 Hour
呢位Sohan Lal Arjairya,的確係有料到!唔好睇佢好似呀伯咁款,其實只得47歲! 佢擁有Dipolma of Yoga Natural Science的學歷,教瑜伽差不多三十年了!短短一小時,教曉我地不少瑜伽姿勢!
晚餐去了Ganesh Restaurant,老闆非常好客,陪我地一邊食飯,一邊聊天,可能我地氹得佢開心啦!埋單時重俾折頭我地添!RS 280 (HKD 47)
)
沒有留言:
張貼留言